النحافه عقده

[بيشو الامورة]

بناااات انا نحيفه وخاصة وجهي واستعملت فيتامينات بس مانفع معي:eh_s(16):
وافكر اشتري حبوب خميره البيرة
ورحت لصيدليه وعطاني انواع وخفت اخذ واحد منهم وماينفع
او مايسمن
الله يوفقكم اللي جربت حبوب الخميرة وسمنت
تعطيني اسمه اوصورته الله يسعدكم:eh_s(8):

 

[القطه توتو]

حبيبتي من زمان ادور ها الشراب ويوم رحت الصيدليه ذكره لي بس قال مخلص من عندهم ودورت بقوقل ولقيت هالموضوع ونسخته لك والعلبه مثل علبة الديتول خخخخخخخ ام الوصف بس تشبهها ولونها بني اتمنى اكون افدتك انا ادورها بالرياض واذا لقيتها اخبرك
شوفي الله يسلمج

طبعا انا حاسه فيج حيل لان انا كنت مثلج لدرجة ان حتى يمعات الحريم استحي اروح عشان لحد يقط علي كلمه مني ولا مني
وحتى بالعروس امبيه اتأزم نفسيا احس نفسي عظام جدام البنات لوول
انا كان وزني 40 ومرات يوصل 39 وان كثرت بالأكل وذبحت عمري اصير 41 وبالغصب بعد مع ان عمري 20 سنة بس من دخلت الكلية حسيت ان اضعف اكثر واكثر وهالشي سبب لي حاله نفسيه صرت مو واثقه من نفسي جدام البنات
وهم كنت مثلج رحت الطبيب وسويت تحيل والحمدالله مافيني شي حتى الطبيبه اذكر قالت دمج احسن من دمي لووول يعني الصحه مافبها شي الحمدالله بس المشكله في الجسم نفسه وفي الشهية
و هم كنت مثلج والله جنج تتكلمين عني احس اني يوعانه حيل بس من أشوف الأكل اشبع لوول او آكل شوي وخلاص اشبع

وطبعا هذا كله صار من الماضي لان الحين الحمدالله الحمدالله الحمدالله خلال شهر وشوي زدت وصرت 46 >> امس شفت وزني بالميزان طرت من الفرحه لان من جم اسبوع كنت 45
يعني تخيلي كنت 40 مادري 39 وبشهر او اكثر تقريبا صرت 46 .. مو انجاز ؟ =)

حسيت اني تغيرت وخاصه لما ألبس بنطروناتي مالت قبل احسها صارت قدي بالضبط مع اني كنت ألبسها مع حزام بس الحين خلاص حذفت الحزم اللي عندي وهذا غير هدومي اللي كانت وسيعه علي صارت الحين قدي
وهذا غير الويه انتفخ و الزنود شوي بينت مو قبل كانت عظمه مو زنود لوول وحتى الفخوذ اكثر شي كبرت عندي

الحين اقولج على السر =)
مع ان ناويه اسوي موضوع ان شاءالله عن السر هذا عشان يستفيدون البنات لان ماشالله يدزون لي رسايل خاصه يسألوني وين يشترونه وجذي
المهم اقولج عن طريقتي وان شاءالله يارب تضبط معاج

روحي الصيدلية واخذي شراب اسمه ( سوبر ويت أون ) لونه بني واهوا شراب دهني و فاتح للشهيه واهوا حق المسنين والكبار لان فيه نسبه من الدهون حق الجسم

واخذيه 3 او 4 مرات باليوم بعد كل وجبه .. والله من تشربينه بتحسين جنج ماكله وجبتين لانه يشبع حيييل حيييل حييل وبعد ساعه او ساعتين بتحسين باليوع مو طبيعي جنج مو ماكله شي وبتاكلين اي شي تشوفينه

تدرين انا شنو آكل لما أحس بهاليوع عقب الشراب ؟

آكل صمون خالي لوول والله جد آخذ جيس كامل صمون واصخنه وكلما يعت آكل صمونه
وطبعا الصمون من النشويات والنشويات معروفة انها تتفخ وتمتن
>>> ترى الحين اكتب والصمونه كاهي بيدي لوول
جد والله قمت أخلص جيس واحد اللي فيه 6 صمونات بيومين تقريبا
آكلها بين الوجبات لما أحس باليوع عقب الشراب

والله الحين ردت صحتي وطلعت لي خدود وحسيت اني غييير عن قبل بوايد بوايد بوايد والله لدرجه اللي يشوفوني الحين يقولون متنتي عن قبل بوايد قبل كنتي تخرعين بس الحين احسن بوااايد عن قبل صار في لحم لووول والله توه اليوم مرت اخوي كانت عندنا واهيه ماشافتني صارلها شهر قالت لي اول مره اشوف لج خدود لوول الحمدالله بس هم يبيلي 4 كيلوات واصير 50 وخلاص بعد كافي والحمدالله

فجربي طريقتي يمكن بتنفع وياج لان انا مافي طريقه ومافي خلطه ومافي حبوب ومافي مشهيات ماجربتها ولا فادت معاي
جربيها بس شهر وقولي جم زدتي صدقيني بتزيدين جم كيلو ان شاءالله مافي شي صعب ومستحيل بس انتي خلي عندج إراده ولاتملين وحطي فبالج ان احنا العصلات يبيلنا بس جم كيلو ونصير رشيقات وجسمنا مثل اجسام العارضات وممثلات هوليوود وكل العيون علينا والكل بيذكر الله لا شاف جسمنا الحو .. حطي فبالج هالشي دايما وخلج واثقه من نفسج ومن قوتج وصدقيني بس تزيدين 5 ولا 6 ولا 7 كيلو بيبين عليج وايد لانج ضعيفه ويبيلج شوي وتوصلين لوزن الرشاقه اللي الكل يحلم فيه

و هذا اهوا الشراب صورته حق البنات اللي طلبوه مني بالرسايل الخاصه
وان شاءالله بسوي عنه موضوع بالقسم عشان كل العصقولات يستفيدون



بس ترى ريحته و طعمه كريهين بشكل مو طبيعي =(
أول الايام ماكنت أقدر اتحمل الطعم بس الحين شوي شوي بديت اتحمل
الصيدلي ينصح ان نخلطه مع الحليب عشان نتقبل طعمه بس انا ماحبيت اطبق هالنصيحه لان خفت أكره الحليب

بس بالنسبه للمفعول والنتيجه فمثل ماقلت مفعوله ماشالله قوي حيل واهمه كاتبين بالعلبه يستخدم 6 مرات باليوم بس انا استخدمه 3 او 4 مرات لأن ماشالله ماشالله مفعوله سريع وقوي وبسرعه بين علي المتن وزاد وزني وخفت اخليه 6 مرات وانتفخ بسرعه فعشان جذي خليته 3 مرات بس

وبعد كاتبين ان اذا مازاد الوزن خلال اسبوعين يجب مراجعه الطبيب
وهذا اكبر دليل على انه يساعد في زيادة الوزن ونتيجته مضمونه =)
والدليل كاني الحين زدت عليه 5 كيلو بشهر وتوني من يومين بعد صرت 46 لان صارلي تقريبا شهر وشوي استخدمه ( من تاريخ 3/7 بديت اسخدمه للحين وانا مستمره عليه)
جربيه وان شاءالله يارب ينفع معاج =)

و سعره دينارين ونص
وبتلقينه في صيدلية الفيحا مكود هناك
بس ماأدري عن باجي الصيدليات اذا موجود ولا لأ لان انا رحت سألت عنه بصيدلية العديليه قالو ماعندهم
فمادري عن الباجي بس انتي عطيهم اسمه او صورته وان شاءالله بتحصلينه او روحي الفيحا شكثر موجود هناك

و ان شاءالله اكون افدج =)

وعسى ياااارب يزيد وزنج ويحقق اللي فبالج وتوصلين للوزن المثالي يارب

 

[*السكب*]

ياقلبي انا عكسك ما احب اسمن , بس جربت حبوب خميرة البيره ​

البيضاء والحمراء علشان فوايدهم ​

ماكنت ادري انها تفتح الشهيه ( الحمرا مركزه اكثر) بس ​

اضطريت اوقفها لاني ما ابي اسمن بس انقهرت لانها طلعت لي خدود وصار شكلى احلى بالخدود وهاذي الصور​

​

وطبعا البيضا نفس العلبه بالضبط بس اللون مختلف ( مالقيت صوره )​

وللسمنه عموما شربي حليب كامل الدسم 4 اكواب باليوم ..موفقه​

سبحان الله وبحمده ... سبحان الله العظيم​

:33_1185028183:​

 

[صدفه نسيتك]

حبوب سبروفيتا بس لازم 3 شهور تستخدمينها

 

[جوهرة زمنها]

رفـــــــــــــــــــــــــع

 

[caramil]

والله ياعمري كل شي يرجع للراحه النفسيه انا قبل 6 شهور من اليوم وزني 48 و ويهي ذابل
واليوم وزني 54 انا بعمري ماوصلت لهالوزن وصرت متروسه و ويهي انترس الحمدلله وبشرتي اتينن

الحمدلله بفضل الراحه النفسيه اللي عايشه فيها
والحبوب ترا ماتسوي شي مجرد انج تناااااااااااامين طول اليوم ويمكن بعد تسبب اضرار
يعني مثلا ماكو شهيه بعدين فجأه جك بوووووووم ولا وزنج 80 وماتقدرين تنزلينه

الحل انج تروحين طبيب تغذيه يعرف طبيعة جسمج بحاجه لشنو ويسويلج نظام غذائي
وتريحين نفسج نفسياً وماتشغلين بالج بشي ..ماكو شي يستاهل

وانشالله الله يعطيج على قد نيتج :*


اختج : كراميل

 

[مافيني حيل]

والله عقده انا تأزمت نفسيا صرت شئ يضحك للكل
الكل يقولي ولد ولد نفسي اسمن بس ماعندي القدرة اني استمر على شئ حدي يومين وبعدين اطفش
بجرب سوبر ويت أون اليوم بروح اشتريه

 

[&موناليزا&]

عزيزتي رفع لعيووووووووونج


وان شالله البنوتات يفيدووووووووووونج


حبوبه حاليا متوفر عندي منتج مضمون ومجرب
:eh_s(15)::rerrerek::eh_s(9):

(للمتميزات والعرايس والنفاس):sfg:

عسل موناليزا لتفخ الخدود من غير زيادة الوزن

يتفخ الويه والخدود بشكل واضح حلو ومميزززز

ويمنح البشرة رونق ونضاره

ولنيووووووو لوك يديد وحلو:eh_s(15):

العسل الكشميري لزيادة الوزن والخدود معا

يتفخ الخدود ويزيد الوزن بشكل حلوووو ومغري تتركز بالصدر والارداف

:eh_s(9)::eh_s(9)::eh_s(9):
امن مجرب مضمون
:rerrerek::rerrerek::rerrerek:

وموضوع التجارب مع العسل اكبررررر دليل على نجاحه وهذا بفضل الله سبحانه

حبيبتي شوفي موضوع تجارب البنوتات لنيو لوك يديد وقووووي ومميز مع منتجاتي بيتكلم بنفسه عن نفسه
:rerrerek::rerrerek::rerrerek:


http://www.q8yat.com/t620343.html

وحياج الله عزيزتي بأي وقت
:eh_s(7)::eh_s(7)::eh_s(7):​