النجده انقذوني تعبت نفسيا

[* مهاوي *]

قوه بنات شخباركم

ابي اعرض عليكم مشكلتي وابي مساعده اذا احد عنده خبره بهالمجال او هالاختصاص

المشكله باختصار ان نفسيتي تعبت جدا جدا والسبب ولدي احس اني
مقصره معاه حيييييل ذاك اليوم مانمت بس اشوفه وابجي ونومته بحظني

اهو عمره 3 سنوات واخته عمرها 6 شهور الله يحفظهم ولدي شيطان حيل وعنييييد ولو ينطق ماااايحس مرات اشك ان ماعنده احساس بجسمه وكثر ما اطقه واصارخ عليهاحسه صار معقد ويعض اصابعه قلت يمكن مني انا من
كثر ما احاول اربيه واعلمه الصح والغلط بعدين انا ما ادخل خدم في بيتي انا اقوم بشغل البيت وبعيالي المهم ذاك اليوم دخلتهم حضانه لان دوامي العصر ماعندي احد يمسكهم بالمرررررره امي رافضه تمسك اطفال وام زوجي كبيره ومعاقه وخدم انسو اخليهم مع عيالي يستفردون فيهم واشكثر ناس قالو حرام عليج البنت صغيره عقدوني زياده ابي رايكم اول شي بفكرة الحضانه علما ان ماعندي احد يمسكهم اشرايكم اكنسل دراستي واقعد معاهم ولا اكمل واخليهم بحظانه

ثاني شغله ولدي ينام بروحه بغرفته كسر خاطري وضمييييري ذبحني فجأه استوعبت انه صغير ويستوحش بروحه لان مافي غرفته تلفزيون ومرات يقعد من النوم يجيني الغرفه يبي ماي ولا حليب ويرد ينام تعود ينام بروحه الله يسامحني اشرايكم ارد انومه عندي ولا اخليه ينام بروحه*
والله عور قلبي انتو اشرايكم شنو اسوي وشلون اتعامل معاه ؟؟؟؟؟؟؟؟؟؟

امانه ردو علي يارب اللي تساعدني تفتح لها ابواب رحمه ورزق وسعاده ورضا ويارب تحقق امنياتها*

 

[mannawy]

دوامج العصر= دراستج؟

قسمي وقتج عدل.
العصبيه اللي انتي فيها مو ضروريه ومالها داعي بالله ليش اشبع ولدي طق شالسالفه يعني شصاير بالدنيا؟ صايع راعي بنات راعي سكر؟ تراه ياهل ودامه عصبي وشيطان هذا يعني انه مو ماخذ راحته ولا يفرغ طاقته باللعب. دامج شايله كلشي على راسج حطي في بالج عيالج اولى من التنظيف وغيره. والتنظيف خليه للخدامه اذا تقدرين يبييلج وخليها للتنظيف وبس. واذا كلش ماتحبين اشتريلج كلشي اوتوماتيك بحيث ماتظيعين وقتج ولاتجهدين نفسج عشان يصيرلج خلق. استغلي فترة نومهم عشان تسوين اللي تبينه واذا قعدوا شبعيهم وهيئي الجو المناسب مثلا حطيهم بغرفة الالعاب وبنتج بالدراي وشغلي بارني وانتي عاد عالسريع اشتغلي ونظفي. دام الشي من تحت ايدج اكيد بيكون كل البيت نظيف واكيد بتستغلين مساحه وحده بالبيت. يعني لو انا منج اخلي غرفة الالعاب اهيا الغرفه اللي نقعد فيها وبس وباجي البيت يكون نظيف وبالويكند انظف تنظيف الشامل وبس.
دوامج او دراستج لاتتركينها لو شنو مايصير منها ترتاحين منهم شوي ومنها تغيرين نفسيتج ومنها يلعبون ويغيرون جو. دخليهم الحضانه وداومي ودرسي وقت نومتهم. الله يعينج تعب وايد بس كلشي بأجره وربي يسهل عليج. دامهم صغار درسي وافتكي بسرعه ولاتخلين مجال انج تسقطين ولاتفكرين تحملين بهالفتره لين تخلصين دراسه. الوحده ماتنفعها الا شهادتها. وباجر من يكبرون ويدشون المدرسه راح تلهين معاهم وبواجباتهم. وباجر من يصير عندج دوام راح تتنسق العمليه.
وبالنسبه لنومة اليهال انا اللي اسمعه انه يفضل اليهال ينام بروحه من عمر السنتين بس انا شخصيا ماقدر احاتيهم بس لازم نسوي جذي عشان مصلحتهم. يعني لو انا منج راح احط مسجل اشغل قران بليل وابجوره اضاءه خفيفه وانومه واحط جهاز اسمع صوته وكل 3 ساعات اطل عليه وابوسه وارد اطلع واشربه ماي واشربه حليب اخليه يحس اني موجوده ومهتمه فيه. والثانيه بعد قلعيها الغرفه معاه اذا ماتحن وايد بليل يعني انتي تعرفين مواعيد الرضعات مري قبل موعد الرضعه بربع ساعه رضعي الكبير وغطيه وبوسيه وتالي الصغيره واستودعيهم الله وردي نامي.

الله يعينج بعد روحي وكلشي بأجره

 

[Q8_QT]

حبيبتي بالنسبة لنومة ولدج بروحه دام ينام عادي خليه لاتنومينه معاج بالدار لأن كبير ويفهم ومثل ماقالت الأخت طلي عليه بين فترة والثانية وتطمني عليه واقري عليه لي نام وماعليه إلا العافية أن شاءالله
وعالحضنانة آنا بصراحة أأيدها احسن من قعدة الياهل مع الخادمة وديهم واستودعيهم الله والله يحفظهم لج ان شاءالله

 

[* مهاوي *]

Mannawy
Q8_qt

مشكووووووورين حبايبي عالرد والنصيحه
الله يرفع قدركم طمنتوني الحمدلله في احد أيدني
يعني الي سويته انشالله مو غلط ....

 

[mannawy]

لا مو غلط وتوكلي على الله ومالج شغل بأحد اهم شي خلي علاقتج بالحضانه زينه وبين فتره والثانيه اشتري كيك ووزعيه بالحضانه عشان يحسون عيالج مميزين ويعاملونهم معامله خاصه. والله يوفقج ويرزقج ويوسع عليج من اوسع ابوابه ويحفظلج عيالج