النثيا ام الذكر........؟!

[E&A fshn]

السلام عليكم

بدش بالموضوع على طول

عندما تفكر بشراء حيوان ألييف

قد تقع في حيرة من امرك

و تفكر اي حيوان اشتري

قط ,, كلب ,,, طير ,,,,,,الخ

عندما تحدد ما الحيوان الالييف اللذي اخترته لشرائه

قد تقع في حيرة اخرى

وتتساءل....

اشتري انثى ولا ذكر ؟؟

سمعت ان هناك شيء او علاقه !!

ان الحيوانات الذكوور يحبوون اصحابهم اللذين يشتروونهم من النساء

والحيوانات النثياات يتلاءموون اكثر مع اصحابهم الرجال

وحتى الاشخاص ,,

النساء يفضلوون شراء الحيوان الذكر

والرجال يفضلوون شرااء الحيوان الانثى


ما رأيكم انتو؟؟

انا لاحظت هالشي

عندي قطو ذكر و قطوه انثى

الذكر يميل اكثر للبنات ,, مايحب الرياييل ويعضهم

الانثى ,, تميل اكثر للرياييل في البيت


شنو رايكم انتو ؟؟

هاذي وجهة نظري انا

بشووف وجهة نظركم​

 

[سكارف.فوشي]

اي صح كلامج انا ملاحضه بعد
سمعت ان الذكر يشم هرمونات الانوثه بالبنت من جذي يتعلق فيها ويحبها والانثى تشم الهرمونات الذكريه بالصبي وتحبه
انا احب الذكر احسه اطيب واحن من النثيه وحبوب اكثر معاي

 

[fatosha]

كل شي جايز والله

يعطيج العافيه

 

[ياعشيري جعلك السلال]

انا ببجي خلاص

قطاوتي طلعوه من البيت عشااان قطو ابوي ماخذه من رفيجه مو حرااام والله حرام بذمتهم انشالله قطوهم بالشارع لا اكل ولا مكان حسبي الله ونعم الوكيل

عاد هالقطو المليغ الي عندنا انا كارهته لان هو السبب الي طلعوهم عشانه والي قاهرني انه يحبني من اتحرك يمشي وراي الشايب

 

[^SwEeTa^]

انا كانت عندي قطوة نثية و قطو ذكر

النثيه كانت تموووت على ابوي .. من تسمع صوته راجع البيت تفز و تركض تتلزق فيه

و تغاااااار من أمي .. من تشوف امي قاعده عند ابوي تتمشى شوي شوي و تقعد بحضنه و تطالع امي!! هههههههه عيارة

و العتوي كله يتلزق فيني و يجيسني بطريقه تخرعني!! ماني قايله اشلون خخخ

 

[xXBountyXx]

عن تجربه شخصيه


فعلا هالشي حااااااصل

بالنسبه للقطاوه والطيور


ذكوري من احسن مايمكن بس الاناث عسرين والله يعيني عليهم خخخخخخخخخخخخخخخخخخ << مع انه فيهم طيبه بس عوابة حريم

وانا دايما انصح للي بياخذون مني بالنسبه للطيور

اذا كانت بنت اخليها تنقي من الذكور واذا كان ولد اخليه ياخذ نثيه





يسلمو على الموضوع


تقبلي مروري

xXBountyXx

 

[daloo3ah]

طبعا هذا شي طبيعي ومعروف

واكثر شي عند الجلاب ثم القطاوه ...
الجلب الذكر خل يشوف بنيه يركض لها .. والقطوه النثيه تتدلع على الريال ههههههههههههههه

صح والله ^_^
بس انا هامستراتي يعني لو كنت بشتري بس واحد .. اشتري نثيه لأن الذكر اعضاءه التناسليه تصير وايد كبيره بالكبر .. النثيه احس شكلها اذرب

 

[AmOoNa-]

اهما يقولون هالشي وانا لاحظته بالطيور بس باجي الحيوانات مادري احس صدفه مع انه القطو الي عندي لمه ايي ريال البيت احسه يكشخ وينخش واذا يو حريم لازم يلحقهم ويتسدح لهم ويكوكس

 

[SoSoWaa]

حتى انا

القطو مالي مايحب ابوي و يخاف منه ويحبنيييي وااييد

و القطوه مو وايد معاها انا و تحب ابوي تتسدحله وتييله

 

[مدمنة ككاو]

آنا دائما أحب القط الذكر

دائما الحيونات الله خلقها الذكور أجمل من الإناث

وثاني شي احس الذكر أليف أكثر من النثيه لأن النثيه بس تحمل او تييب عيال تصير شرسه نوعا ما وأذيتها وايد الأنثى بخبرتي وبتجاربي بتربية القطاوه

يعني فترة تناسلها وفترة حمالها حتى بولادتها وشعرها لو بتلاحظون النثيه يطيح شعرها اكثر من الذكر وخصوصا ما بعد الولاده وااااااااي البيت ينترس شعر فأفضل اني احلقها عالواحد

والذكر حنون أكثر ووفي اكثر من النثيه

 

[E&A fshn]

صح كلامكم !!

ثنكيوو على الردود