الناس تخطب خواتي وانا .............يارب اجبر كسري

[ضاقت انفاسي]

السلام عليكم ورحمه الله وبركاته

صباح // مسساء الخير ع الجمييع

بنات انا اليوم صار لي موقف بايخ احسسه تهزيئ لي حسيت ويهي صار احمر
كان ودي وقتها ابجي :eh_s(16):
اليوم تمايم بنت اختي ومسويه جمعه للعايله حنا وحمولتها اهل زوجها خوالهم وعمامهم
الموهم وحده من خالات ريلها تكلم اختي الي اصغر مني وجدامي انها تبي تخطبها واختي طايره حدها من الفرح ..
وبعدين سالت عن اخواتي كلهم وصارت بس تمدح فيهم وانا مافكرت فيني ولا في مشاعري
جنها تقول لي مدري منو طالعه عليه خايسه :eh_s(11):
والله ماعبرتني ولا جاملت حتى شنو هالناس ماتحس ماعندها ذوووق
والله طول الوقت وهي تلمح لخواتي بخطبكم ويازينكم كلكم ملح وقبله تيننووون بسم الله عليكم
وهي عارفه اني اختهم ومافكرت في مشاعري ياجعلها تنجرح مثل ماجرحتني هزئتني وجدام خواتي وكسسرتني خلت العالم تطالعني برحمه
حتى وحده من الحريم قالت هذي اختهم بس ماعبرت كلامها ولا كانها سمعت شي
وطول الوقت وهي تمدح فلانه تينن ياليت عندي ولد علشان اخطبها له آآآآآآآآه بس مافي مراعاه ابد
ماتفكر ان هذي اختي وممكن انها تفرق بينا او تكرهنا ببعض
والله يابنات اني قايله حق امي ماابي اروح كنت حاسه بضيق من هالعزيمه بس اهلي من النوع المتعصب حييل مايخلون البنت تقعد بالبيت بروحها ابد
رجعت من هالعزيمه وانا حيييييييييل متضايقه ياارب اجبر كسسري انا شنو ذنبي اني شينه
عاد مو انا الي خالقه روحي وهذي خلقت ربي يالله لك الحمد والششكروخلق الله حسن
ليه تسبب الجرح والتنقيص قللت من قيمتي لنفسي وجدام هلي حسبي الله ونعم الوكيل
الناس ماقامت تراعي شعور الي حوالينها ابببد همها تشوف البؤس والهم بعيون غيرهم
والله مو ناقصه انا هم علشان يزيدوني على همي
دعواتكم ربي يجبر كسسري ويعوضني ياااارب
حبيت افضفض لكم وهذا الو موضوع لي هههههههههه من اولها افتتحتها بهم
الله يفرح قلوبكم يااااااااااااااااااااااارب

 

[دريم]

الله يفرج عليك حبوبه وع جميع المسلمين

 

[المرتاحة]

هونيها و تهون

بعدين والله الموقف عادي بس انتي الظاهر وايد حساسه.. ترى انا وايد تصير معاي بعزايم و حفلات يمدحون خواتي اللي اصغر مني ماشا الله لا اله الا الله ..بالعكس والله استانس مدحت اختي جنها مادحتني واصلا اذكرهم بالله اقول لهم ذكروا الله

بالعكس والله ما اشوف ان المراه قللت من قيمتج او احتقرتك

والله اللي يمدح اختي جنه مادحني وتلاقيني من يمدحون خواتي اشق الكشره من الوناسه

انتي تعوذي من الشيطان ولا تحرين نفسج و ترى الخوات تلاقين كل وحده يميزها شي و الناس اذواق

يعني هذي المراه تشوف خواتج اجمل منج و لكن بتلاقين وحده ثانيه بتشوفج انتي احلى

و عسي الله يرزقج بالزوج الصالح اللي يحبج و يرزج و كل يوم يمدح جمالج

 

[دلع العتبان]

ياقلبي والله عادي صارت فيني مرات حريم يفصلون على وحده من خواتي ويموتون عليهم وانا قدامهم ماتفكر حتى تطالعلي عادي ذوقها مايعجبها غير اختج شتسووين لولا اختلاف الاذواق لابارت السلع

يعني هيه موشرط تعجب فيج والله ولاتهمج يعني ميته على ولدها بس ادري انتي تبين لو مجامله مثلا ماراح تتعلقين بجولها بس فيه حريم ماكو شي اسمه مجامله ماكو صريحه وبالعكس ليش تعشمج وماتبي تخطب الا اختج

ربي يرزقج النصيب وخلج واثقه من نفسج منتي ميته عليها ولا على احد من عيالها وربج يرزق ياحياتي

 

[pearls_q8]

حبيبتي الله يفرج همج
لا تضايقين حبيبتي الي تسوي جذي ما عندها ذوق وما في انسان مو حلو كل شخص يحليه شي
ولا تنسين الجمال نسبي من شخص لشخص لا تنطرين من احد يمدحج او يقيم جمالج اهم شي
نظرتج انتي لنفسج .
تدرين وايد بنات حلوين انا اشوفهم جياكر لان اخلاقهم ونفسيتهم مو شي
وفي مو حلوات اشوفهم يهبلون الجمال مو بس بالشكل
طنشي قلبي لا تهتمين

 

[فطفط نجد]

انا ويااااااااااااج انها مافيها حشمه او ذوووووووووق المفروض محاجية امج او بنت اختج من وراااااج

عيب والله الناس ماعاد يحسون ابد

هونيها ياقلبي وتهون وخذيها مني لو تقعدين شهر بس تستغفرين وربي ليجيج نصيب ماتوقعينه ويارب في الساعه المباركه يرزقج رزق مااااااااتصدقينه

 

[باتشية]

حبيبتي لا يهمج وعودي نفسج بهالمواقف على الاقل تبينين قويه

,,,

حبيبتي محد فينا خلق نفسه

اذا وحده جميله ... ترى ربج اللي خالقها جذي

واذا وحده جمالها قليل ...هم ترى ربج اللي خالقها

.
.

وعلى فكرة ترى الجمال نسبي

يعني ممكن تشوفين بنت وتقولين حلوه ...غيرج يقول لا هذي جيكره

والعكس صحيح بعد

وترى السالفه سالفه نصيب مو سالفه جمال

هي غلطت والله اعلم بنيتها بس خل نقول ماقصد او ما انتبهت والله اعلم فيها وبنواياها

.
.
.

حبيبتي حسيت ان نظرتج لنفسج سلبيه

ترى اذا انتي ماشفتي نفسج جميله محد بيشوفج جميله

واذا انتي شفتي نفسج ضعيفه الكل بيشوفج ضعيفه

.
.
.

ترى الجمال مو بس بالشكل

ترى الجمال بالاسلوب بالاخلاق بالرأي بالعقل بالاهتمام والمراعاة للغير ...الخ


.
.
.

نصيحتي لج :

1- اهتمي بنفسج من الداخل

ابدا لا تقللين من نفسج ابدا ابدا

2- اهتمي بشكلج الخارجي : خو المنتدى كله خلطات ولوكات ملابس ومكياج وبرامج ريجيم وزيادة وزن

3- تعلمي بموقف مثل هذا ...انتي من الداخل تفرحين لخواتج ان في احد يدحهم

افرحي صج لان خواتج مرغوبات ...شوفي فرحة اختج وافرحي لفرحها زاستمتعي باللحظه معاها

يعني بموقف جذي خلي تركيزج وتفكيرج باختج انسي نفسج وانسى المقارنات

وانسى السؤال ...ليش مو انا

4- تاكدي وثقي بالله .... ان رزقج بيد ربج ...مو بيد الناس ...مهما كان رأيهم عنج ...حلو او مو حلو

محد يملك رزقج غير ربج

.
.
.

ترى موقفج واااايد طبيعي

واكيد يحز بالخاطر

واحنا البنات حساسات من اتفه الامور

لكن دايما طالعي الصورة بنظرة اشمل قد ماتقدرين


اتمنى لج كل خير

وعسى ربي يسعدج ويفرحج ويرزقج من حيث لا تحتسبين

وعسى الجاي من عمرج احلى من اللي راح قولي آمين


​

 

[ابدا يالغالي مانساك]

حبيبتي بالعكس ياكثر ماتصير لاكذا بنااااااات اشوفه شي طبيعي ومافيه شي
وبالعكس
تلقين دايمن عيون الحريم الكبار علي الخوات الصغار انا ملاحضه هالشي
ويمدحون فيهم
وبالعكس لو تصير جدامي استانس وبقلبي اقول اسم الله عليكم
وعاد انتي تقولي انج قبيحه
حبيبتي حمدي ربج علي النعمه
وعلي الصحه ومافيه حرمه مو حلوه وقبيحه علي قولتج فيه اللي ماتعرف اطلع
جماله وكشخته للناس
عاد انتي وشطارتج حبيبتي
وربي يوفقج ويبعد عنج كل من يجرحج ويضايقج ويفرح قلبج ويرزقج بالزوج الصالح عاجلا غير اجلا يارب العالمين
قولي امين يارب

 

[هيبة فتاه]

حياتي حاسة فيج وربي
بس صدقيني ما تقصد انتي خلي روحج رياااضية
وحسبي عالبشر اللي ما تحس ولا تقدر وعندهم الجمال فوووووووووق كل شي

 

[الغلا كله لبوي]

الله يرزق بزوج الصالح الي يسعدج بس انتي لاتشلين بخاطرج وتتحسسين من الموضوع

الجمال مو كل شي اهم شي الاخلاق الزينه وبتوفيق

 

[لحظات عابره]

يووووو حبيبتي عااادي أنا مع اني حلوه .. جو زارونا ناااس على أساااس بيخطبوني .. شافوا أختي وغيروا رايهم فيني واخطبوا أختي الاصغر مني مع ان موناااقصني جمااال الحمدالله بس شتسوين بالناااس اللي ماتستحي ,, والأهم أنه هالخطبه تفركشت أفلسوا مني ومن أختي .. والله خيره وبعدها جاني اللي أحسن منهم ... قولي الحمدالله عالصحه والعافيه اهم شي والباقي الخيره فيما أختاره الله
لاتضيقين عمرج بالعكس المفروض المواقف هذه تخلي عندج ثقه بنفسج أكثر وتهتمين بعمرج ولا كلام الناس مايخلص حبيبتي

 

[منو انت]

من الذوق والسنع انها ماتتكلم جدام البنت اللي تبي تخطبها وين قاعدين بس الظاهر انها عديمه ذوق وانتي ياقلبي لاتصيرين حساسه ولاتخلين شي ياثر على علاقتج في خواتج بالعكس اللي يفرحهم يفرحج واللي يفرحج اكيد يفرحهم ولاتسمحين حق احد منو ماكان انه يهز ثقتج بنفسج وبعدين منو اهي علشان تقيمج او تقيم احد انا اشوف انها ماتعرف بالسنع ولا الاصول

 

[شذى2007]

ياقلبي ولايصير بخاطرج قوي ثقتج بنفسج ماعليج منهاااا والله اهم شي الاخلاق الحلووه مايهم الجمااال الله يرزقج قبل خواااتج بما انج اكبرهم عاجلا غير اجلا

 

[ضاقت انفاسي]

فديت قلوبكم والله
حجيكم وااايد ريحني ومن جد انا حسساسه وش اسوي بروحي عاد !!
احاول اني ابعد عني الحساسيه بس بهالمواقف الحساسه وخصوصا الخطبه تكدرني ....
ربي يسسعد قلوبكم ويوفقكم ويرزق كل وحده دعت لي ولها ملك يقول ولك بمثل مادعوت
وربي يجعل حياتكم هنيه وينسيكم الهم والكدر ياااااااااااااااااارب

 

[*الشيـــهـانـة*]

عادي حبوبه لاتشيلين بقلبج الناس صارت ماتستحي شنسوي فيهم ناس مريضه الله لايبلانا
خلج واثقه من نفسج وماعليج من احد اكشخي واضحكي وعيشي حياتج وان شاء الله ربي يرزقج بالزوج الصالح اللي يسعدج ويهنيج اللهم امييييييييييييين

 

[Miss Cherry]

والله اهو ذوقيا اللي سوته غلط

بس شتسوين فيه ناس ماتعرف الذوق

ان شالله ربي بيرزقج بالزوج الصالح

 

[سكوتي بذوقي]

اختي لاتضايقين

انتي حلوه بأخلاقك العاليه

الله يوفقك يارب

 

[قلبي مو بيدي]

بالعكس ماتدرين يمكن جزاء لكلامها الله يعوضك خير الله يرزقك بالزوج الصالح اللي يسر قلبك يارب
انا دايم من كنت مراهقه اقرا قصص عن الخوات الصغار اللي يتزوجون قبل الكبار عشان لاأنصدم بيوم من الأيام لأن كل خواتي اللي اكبر مني واللي اصغر مني حلوات حيل وانا لا عادية يعني عشان اعرف مشاعرهم والله مااكذب عليك يعني انا اقلهم بالجمال لكن من ناحية الطبع كلنا نتشابه لكن اللي صار عكس ماتوقعت انه انا اللي انخطبت من بينهم والله جلست ابكي يوم خطبتي عشان اختي اللي اكبر مني مو متزوجه ولا مخطوبه واريد ارفض عشانها وهي اللي قالت لي لاتربطين نفسك فيني يمكن انا ماتزوج لانه انسان كويس ومو كل مرة رايح يجيك مثله

 

[Killer^Girl]

الله يرزقج انشالله

 

[نهى الأحمد]

الله يرزقج حبيبتي بالزوج الصالح

ومهما قالوا الناس

ترا كل شي قسمة ونصيب من رب العالمين

قولي الحمدالله ياقلبي