الناجحات المتفوقات اللي خلصوامن عاشـــــــــــــــــــــــــــــــــــــــــــــــ ر

[10toto]

السلام عليكم ورحة الله وبركاته​

شلون الحلوين


شنو المواد اللي لازم أركز عليهم بعاشر

انا بنتي معدلها ما بين 84-80%

مو ذاك الزود بالعربي ولا الانجليزي

ناوية أدخلها معهد الاندلس تقوية لتساعدها في عاشر


يعني ابي مادة ثالثة اللي يبيله مجهود بعاشر عشان تتقوى فيها شتنصحونها في تاخذ تقوية

رياضيات؟
كيمياء؟
فيزياء؟
لاتبخلون بالرد يالطيوبات

 

[NADOOi]

وعليكم السلام ...
انا توني خالصه من عاشر اهم شي الرياضيات
لانه صعب والكيمياء دسمممممممممم حيييييل والفيزياء لا سههههل
والاحياء يعتمد على الحفظ يعني كله حفظ ب حفظ والعربي والانجليزي
حكاااااااااااااااااااااااااااااااااايه ...؟؟؟
يعني يبيله دراسه اول باول وخاصه العربي ...
واتمنى اني فدتج ..؟؟!

 

[10toto]

رد : الناجحات المتفوقات اللي خلصوامن عاشـــــــــــــــــــــــــــــــــــــــــــــ

جزاك الله خير

 

[غير كل الناس]

والله كلهم مهمين الفيزيا والكيميا وطبعا الرياضيات

 

[$كرستالة$]

رد : الناجحات المتفوقات اللي خلصوامن عاشـــــــــــــــــــــــــــــــــــــــــــــ

الاحيآآآء حيييييييييييل سهل حفظ معنى مااده علميه بس كله حفظ سهلللللل

كيميآآآء كوورس الاول حيييييييييل سهل كورس ثآآني يختلف شوي صعب ،،،فيزياء عكس كورس الاول صعب

بس كووورس ثاني حدااااا سهلللل ...

عربي معرووف حفظ الايات وقصاايد نحوو عربي سهل بلغه شوي شوي صعب !!

الانقليزي منهج كويت صعب يعني لاازمتدرسه اول باوول

عااشر معدل تراكمي 10% يعني زين تقدر تجيب نسبه $

وموفقه يآآآآب وتجيب نسبه الي تعجبه ..

 

[ماكو نك]

مشكوررريييييييين حباايب والله انا بعد بروح عاشر وااااااااايد فدتوني ,, قوااكم الله

 

[marimor]

انا خلصت عااشر
شوفي اكثر مادتين انا عانيت منهم اهواا الرياضيات والكيميا خل تركززز عليهمم
الكيميا بس اول كورس شووي صعب بس الكورس الثاني اسهللل بواااايد
والاحياء سهللل جنه العلوم مال الابتدائي
واللانجليزي سهلل بس الكلمات وااااااااااااايد
والفيزيا سهل والكورس الثاني اسهللل
والعربي مافي شي بس البلاغه ملييق حددده
والله يووفق بنتج وخل تشد حيلها

 

[10toto]

رد : الناجحات المتفوقات اللي خلصوامن عاشـــــــــــــــــــــــــــــــــــــــــــــ

[/sبعد قلبي كلكم ما قصرتوا الله يوفق الكل والجميعize]​

 

[BiG -S]

الموااد اليديدة اهي المهمة مثل الفيزياء والكيمياااء

والريااضيات بصرااحة يخررررع

 

[~*الزين الاصيل*~]

رد : الناجحات المتفوقات اللي خلصوامن عاشـــــــــــــــــــــــــــــــــــــــــــــ




العرربي يضآف له البلآغه غير القوآعد

ركزي ع العربي والانقلش عليهم اكثر المجموع

الاحيآء كله حفظ مع شويه فهم


واي شي احنآ حآضرين

 

[جوكليته17]

رد : الناجحات المتفوقات اللي خلصوامن عاشـــــــــــــــــــــــــــــــــــــــــــــ

السلام وعليكم حبيبتي
حبيبتي انا اختي توها مخلصه منها واختي يعني شوفي مشاءلله اهي شاطره ويوم تخرجت نسبتها بعاشر 8,75 نقاط من عشره
بس ولله ولله ماخذتها اله يوم طلعت روحها شووفي حبوبتي
لرياضـــــــيــــــــــــــــــات صعب صعب صعب صعب صعب صعب صعب خليها تدرس اول باول لانه دســم حيل وكل شي فيه يعني تحسين كورسين بكتاب <<هي لي سمعته من اختي وترى على فكره وايد بنات عندهم دور ثاني بالرياضيات شكثر ولله واحد من لاهل سنتين يعيد بعاشر ولسبه لرياضيات خلي بنتج تشد حيلها ولله وياها ويوفقه

الكيمياء شووفي اختي تقول لكيمياء تافه واتفه من لتافه وبيني وبينج لكيميا مال عاشر اذكر دارسته تافه تافه تافه ومافي شي صعب بس خليها تبطل مخها معه لابله لكورس لاول بيكون حيل حيل سهل بس بلكورس لثاني راح يكون شوي صعب لانه اخر شي في حفظ وايد معادلات وجي بس لكيــــــمــــــــــــيا يبقى حلو وينن

لفيزيا شووفي لفيزيا كل شي داخل بعضه يعني شوي يخربط وشووي فيه صعووبه فيه مسائل فيها صعووبه بس صدقيني لو درست اول باول ماراح يكون صعب بس مترووس قوانين وداشه بعضها بعض بلقانون لواحد يطلع لج ثلاث قوانين وجي فلازم لمراجعه اول باول لانه ان دش شي بشي مو زين


لاحياء حاله حال لاجتماعيات بس حفظ بس لفرق هي تحفطين بلطب لانه راح يكون منهج لاحياء كله يختص بجسم لانسان بس متروس



عربي شوفي لعربي مالهم سهل وحلو لقواعد لي فيه شوفي هلسنه بياخذون بلاغه اهي سهله حيل بس حيل يقولون عنها صعبه فمادري عن بنتج تتقبلها وله تكرها <<لله يعلم


لانجليزي لانجليزي سهل وتافه وسخيف صدقيني بس خليها تحفظ لكلمات وتحفظ لاسئله لي تعطيها لابله وتقرى لدرس وتفهما واذا على لقواعد دخليها معهد بس لانجليزي بعاشر ترى ادســم بوايد من تاسع


وترى حبيبتي كل لمواد كيميا +فيزيا دروسهم مترابطه معه بعض يعني شوفي لو غابت يوم عن لفيزيا وداومت بليوم لثاني وهي مو فاهمه لدرس لي غابت فيه عمرها مابتفهم لدرس لانه كل مترابط ببعضه ولكيميا نفس لشي


وبـــــــــــــــــــــــــــس لوعت جبدج ادري
وسامحيني طوولت ولله يبلغج ببنيتج وتشوفينها يايبه لج اعلى لنسب يـــــــــــــــــــــــارب <<ولله دعوى من قلبي


وتقبلي مروري

 

[أمي غلاها غير]

طيبا
بنات اشلونك
مدام هذا
تجمع حق عاشر هجل طمنونا احنا تاسع عن عاشر مو متفوقات يلا بليز

 

[a7la-7lwa]

مرحـــــــبــــــــــــا

انا الحمد لله عاشر و رايحا 11 علمي و طلعت من عاشر و امتياز الحمد لله

عاشر اهي سهله بس فيها ضغط حــــــــــــــــيــــــــــــــل يعني مو مثل المتوسط

انا ما راح اتكلم عن المواد لان تذكروو يا بنات الناس قدرات و كل و حده و ميولها و الابله اللي ادرسها

بس لا تنسون ركزوووو حيييييييييييييييييييييييييييييييييييييييييييييييييييييييييييييييييييييييييييييل مع الابله بالحصه ولا تسرحون لان اذا سرحتي ما راح تقدرين تردين لاجواء الحصه و تذكرو ان الكلام اللي تقوله الابله اهو اللي راح اييكم بالامتحان ف بلــيــــز ركزووا و ما راح تندمون


و ادرسوا اول باول و اذا في شي متوهقين فيه روحو للابله و اذا ما قدرتي ييبي مدرسه و لا تراكمين الدرووس فوق بعض لان كل شي مرتبط في بعض

و شدواااا الهمه

و دعواتكم لي ب 11 و اللي يبي منى شي يراسلني



موفـــــــــــــقـــــــــــيــــــــــــن

 

[miss.kikah]

رد : الناجحات المتفوقات اللي خلصوامن عاشـــــــــــــــــــــــــــــــــــــــــــــ

أنا توني مخلصتها وبروح 11 انشاالله .. كل المواد زينه بس دامها ضعيفه بالعربي والانقلش خل اشد حيلها برياضيات لأنه دسم الكورس الاول بس الثاني وايد حلوو .. والفيزيا والكيميا والاحياء سهلييييين بس يبيلهم دراسه اول بأول .. بس الللي عانيت منه الاجتماعيات وييع كله حفظ ومادري عندي انا وايد صعب لاني ماحبه واتمنى اني فدتكم

 

[Freakya]

المواد بعاشر:

الانجليزي سهـــــل بس راح يكون مستواه قوي لأنه منهج الكويت اليديد ..

العربي طبعا العربي أزمة العالم نفس منهجم طايح حظه

الرياضيات .. يبيله معهد عشان تتقوى انا الفلتة بالرياضيات احتجدت معهد بالنسبة لي كان سهل

الفيزياء .. يبيله معهد بس عالعموم اعتبره من المواد السهلة بعاشر

الكيمياء .. لازم تفهمه أكثر من انها تصمّه لأن امتحاناته كلها اسئلة فهم .. عدا التعاريف اللي اهيا حفظ

الاحياء سهل بس شتحفظين شتخلين لازم تركز على الشرح عدل

الاسلامية سهل بس يبيله حفظ و مجابل

الحاسوب لا تستهين فيه حده دسم وكله حفظ بس القهر الامتحانات سهلة على هالدراسة ..

البدنية هذا لازم تييب فيه درجة كاملة حده سهل ويرفع المعدل

الاجتماعيات واااااااااااااااي لازم تحفظ حرف حرف

يعني لازم تدرس اول بأول ..

و نبهيها على الشفهي لأنه يرفع حيـــل و ينزل حيـــــل ..

و مرادد الابلات و النحشات خل توخر عنه احسن لها ..

 

[bnfsjiya]

حبيبتي غلطانه اللي ردت عليج وقالت الكيميا دسسم .,

شوفي انا مو متفوقه بسس اييب نسسب زينه .,~

العربي راح تكون البلاغه يديده عليها والنحو بيصير دروسسه اكثر من المتوسسطه ..
فلازم تركز عالعربي ونصيحه خليها تدرسس البلاغه من الكتاب ماله لانه مايطلع من الكتاب .,~

الانقلش منهجهم كويتي .. وانا جربته بـ11 صراحه صعب فخل تحفظ الكلمات اول باول والسسيت بوك بعد ..

الرياضيات .. مو صعب بسس يبيله دراسسه يوميه وممارسسه وتحل اسسئله الكتاب وتركز على الامثله ملوت الكتاب .. ييبيلها مدرسسه كل اسسبوعين تشرحلها وتراجع لها ..

الكيميا حلووووووو وسسهل وخفيف وكله رؤوسس اقلام ..
اهوا حصتين او ثلاث بالاسسبوع كل درسس تراجع عليه وتحفظ التعاريف وتحل وتراجع اول باول ..

الفيزيا يسسهل .. بسس نفسس الكيميا بعد يبيله حل ومراجعه ..

الاحياء .. لا تحطين ببالها انه الاحياء حفظ .. لو حفظت بدون لا تفهم صدقيني بتضيع بالامتحان .. لانه الامتحان اسسئلته ماتكون مباشره .. يعني اذا مو فاهمه ماراح تعرف تحل ..
خل تفهم الدرسس بالاول وتركز مع الابله بالحصه عشان يسساعدها شرح الابله على الحفظ ..
لانه الابله تشرح ولو كان الاحياء بسس حفظ جان لقيتيه نفسس الاجتماعيات بسس قرايه ومناقشه ..

الاجتماعيات .. والله صعب والله يعينها عليه .. خليها تقسسمه وتدرسس كل وقت جزء لانه دسسم وغثيث ..

الاسسلاميه والقرآن والبدنيه مافيهم شي .. بسس خل تشد حيلها فيهم ولا تسستهين فيهم لانها تقدر اتييب درجات فلا تضيع على نفسسها ..

وخلي بنتج تقرى الموضوع وتقرى الردود وان شاءالله الله يوفقها وتتوفق وبشرينا عنها ..