الم في البطن

[اميرة الغيد]

السلم عليكم بنوتات ياحلوات
انا اعاني من الم حاد في بطني من فوق ويروح لما القفص الصدري ، واحس بسائل حار بالمكان هذا ، العوار يصير معاي فجأه والغريبه لما آخذ حبوب لوزاك يروح العوار خلال ربع إلى ثلث ساعه ، انا الحين صار لي 3 شهور تقريبا على هالحاله ما ادري شنو فيني رحت حق اكثر من دكتور ما عرفوا لي سويت منظار للمعدة طلع معدتي مافيها شي سويت اشعه مقطعية وسونار شافوها الدكاترة وماعرفوا يحددون من شنو هالعوار ، تكفون اللي تقدر تساعدني بطريقة توخر الألم عني الله يجزاها خير ، واللي ماتعرف تدعي لي ان الله سبحانه يشفيني من هالمرض اللي في بطني ، وجزاكم الله خير
:0bee2e8d89: :0bee2e8d89: :0bee2e8d89:

 

[شقاوي]

الله يشافيج ويعافيج ان شالله مافيج الا كل خير

 

[ii DareeN ii]

الله يشفيج اختي بس لحبوب الي تاخذينهم وتخفف لج الالم حبوب حق شنو بالضبط

 

[دنيا جديده]

الله يشاافيج ياقلبي بس دام اختي منظار واشعه ماطلع فيج شي بالعكس الحمدلله يمكن نفس او ضيقه لانهم يتعبونج
انا من راي تروحين عند مطوع يقرى عليييج او انج تقرين ايه البقره لمدة 40 يوم وانشاءلله بتصرين مثل الحصااان

 

[اميرة الغيد]

حبيبتي Dareen مشكورة على المشاركة الحبوب اللي آخذها يقولون حق الحموضه تسكن بس ما تعالج وانا ما ودي اكثر منهم لأن اعراضهم الجانبية مو زينه .

 

[اميرة الغيد]

اختي شقاوي مشكورة على الدعاء واتمنى ان الجميع يدعون لي ان الله يشافيني تكفون ترى والله تأذيت من هالمرض الحين اخاف آكل ويرجع لي العوار حتى اذا كنت ماخذه الحبوب الصبح وآكل بالليل بدون حبوب يعورني بطني لازم مع كل وجبه ، لا تبخلون علي بالدعاء الله يجزاكم خير

 

[اميرة الغيد]

عزيزتي دنيا جديده مشكورة على مشاركتج ، المنظار طلع مافي شي بالمعده والاشعه ماعرفوا لها بس الدكتور يقول لي المكان هذا فيه اكثر من شي واكثر من احتمال ، يعني ممكن الكبد او البنكرياس او المرئ ، حتى الدكتور مو قادر يحدد
وانا الحمد لله مؤمنه بالله وادري ان القراية زينه ، اتمنى من الله انه يزيح الهم عني ويشفيني قولوا آمين