الم بالجانب الأيمن

[ماسة الاسلام]

السلام عليكم شلونكم بنات أبيكم تفيدوني آنا الحمدلله حملت بأطفال أنابيب وكنت حامل قبل 3 سنين بس ماحسيت بالاعراض الي أحسها الحين وقاعده أوسوس قريت عن الحمل خارج الرحم إن من أعراضه عوار مستمر في أحد الجانبين بس أنا ماكو عوار مستمر بس في شوية ألم بالجانب الأيمن يروح ويرد ومو حيل قوي يعني اليوم حاشني 3 مرات آنا خايفه

 

[غمااازات]

لا ان شالله لاتفاولين على عمرج ، وليش ساكته ماتروحين الطبيب ، لازم الدكتور يشخص حالتج مؤ البنات عرفتي ، ماتشوفين شر يارب

 

[sosowaty]

لا توسوسين و ان شاء االله مافيج الا العافيه

كل الناس تقول كل حمله غير عن الثانيه

 

[الأميرة جوري]

لا تحاتين وسوي سونار لتاكيد

 

[قنــــــــــوت]

روحي الطبيب افضل ....

محد هنيه يقدر يفيدج كثر طبيبج ...

 

[حرم حبيبي]

سوني سونار عشان ترتاحين وعسى ربي يرزقج

 

[غرومه غنوجه]

باي شهر حامل
انا اول السادس ياتني نغزات بجانب الايمن مثل الابره واستمرت معاي يومين
وقالت لي امي ربي يحفظها عدل قعدتج وبتروح منج النغزات
وسبحان الله راحت

 

[بيت التوت]

انا معاي النغزات هذي اتيي وتروح

 

[ماسة الاسلام]

أنا توني محلله وخايفه ولوسويت سونار ما يبين الحين

 

[قوت]

حبيبتي انا جاني هالشغور بالسابع و رحت الطبيب و قالت البيبي ع الصوب اليمين و ضاغط ع الكليه و خالتي دايماً تقول قعدي عدل بس ماكنت اسمع الكلام بحزة الولاده البيبي ع اليمين مستقر و سويت عمليه فنصيحه مني لج عدلي قعدتج تربعي دايماً و اي عوار روحي الطبيب محد يفيدج كثره

 

[ماسة الاسلام]

مشكورين بنات الحمدلله دقيت على العياده وطمنوني قالو اشربي ماي واجد

 

[كلي لكـ]

الحمدلله عسى ربي يثبت حملج

 

[بيـآض الثلـج]

الحمدلله انج تطمنتي و مافيج شي حبيبتي

ارتاحي الحين و عسي ربي يثبته لج​

 

[زين ودلال]

الله يتمم عليج ياارب

عاادي لا احاتين طبيعيييي

 

[روح الأحزان]

الف مبروك حبيبتي الله يتمم عليج ان شاء الله

 

[ام دلال3]

الله يتمم عليج

 

[M!sS_D!oR]

الحمدلله ... كثري ماي على كلام الدكتور والله يسهل عليج ان شاء الله