الموس وما ادراك ما الموس حياكم يا المتزوجات والعزابيه

[Klii heba]

السلام عليكم ورحمة الله وبركاته


حيـــــــــــــــآكم بنات اقلطوووووووووو :nbptr:

شلونكم ان شاءلله بخير :blueSmCLR:


امممممممممم بدون مقدمات بقول لكم مشكلتي مع الموس للمنطقه الحساسه


انا على طول اح المنطقه الحساسه بالموس ما ستخدم الشيره لان قالوا لي مو زينه

ومع كثرة استخدامي للموس صار معي حساسيه خارجيه طبعا
و تعبتني وااااااااااااايد :eh_s(16):


صار لي سنه مع الحساسيه اعاني كل ماطلع الشعر ذبحتني الحكه وكانت الحساسيه خفيفا تروح وتجي

بس الحين زااااااادت الحساسيه وللحين اانا مستمره مع الموس لاني تعودت عليه ودي ارجع استخدم الشيره
عشان ارتاح بس ابي اعالج الحساسيه ابيها تروووووووووح

استخدمت فازلين وسودا كريم حق الاطفال ولا نفعوني شسوي

الي عندها حل الله يوفقها ويجزاها الجنه تساعدني لاني تعبت والله منها ماتتخيلون شلون تعورني وتزهقني واخاف يصير لونه اسود من الحساسيه ابي اعالجها حدي اخاف منها لاني بنت واخاف على المنطقه الحساسه


والله بدعي لها من كل قلبي الي تساعدني وتفرج علي ومسسسستحيل انسى جميلها لي يوم الدين لان جد والله اعتبرها معنااااااااااااااااااااااااااااااااااااااااااااااااااااااااااااااه :eh_s(16):

والله يجزاها بالافضل الي تساعدني

لحد يطنشني بليز بنات :eh_s(7):


وجزاكم الله خير في انتظار مساعداتكم من بعد الله

 

[joudi]

رد : الموس وما ادراك ما الموس حياكم يا المتزوجات والعزابيه

الله يعينج

انا استخدمت الموس مره

وماعدتها مره ثانيه

صار معاي نفسج حكه مو طبيعيه

ورديت للشيره والله ارحم من هالعذاب

واذا انتي متأذيه ومالقيتي حل روحي لدكتوره جلديه واهي بتفيدج انشاءالله

 

[Klii heba]

حبيبتي انتي جزاج الله خير

طيب لما رجعتي للشيره راحت الحساسيه ؟؟

يعني ارجع لشيره ؟

 

[eldalla3]

حبوبة استعملي كريمات الأطفال مثل سودو كريم او درابولين وااايد راح يفيدونج ودهني المنطقة بزيت زيتون وحطي عليها نشا هم هالطريقة وايد حلوة حق الحساسية وحاولي تلبسين ملابس داخلية قطنية او استخدمي الفوط اليومية مالت كيرفري ونشفي المنطقة عدل بعد الحمام والله يشافيج ان شاءالله

 

[NANAZ]

مالج الا الشمع احلا شي صار بالدنيا ان في شمع اشتري مكينه شمع وكل شهر شيلي
رااح يخف حيل الشعر ويصير ناعم
انا مستحيل بيوم ارد للموس واقطع الشمع
اول مره صج راح يعورج بعدين والله راح تستانسين بالنتايج وتعودين وماراح تحسين ان يعور


جربي ماراح تخسرين شي



ادعيلي ان الله ينولني اللي ابيه)).....

 

[Klii heba]

الدلع اللـــــــــــــــــــــــه يجزاج الجنه ويسعدج ويحقق مرادج

حبيبتي تسلميييييييييييييييين حمستيني اسويها
ان شاءلله بسوي هالطريقه من باجر بروح الجمعيه والصايدليه وان شاءلله تروح والله بدعي لج من كل قلبي

 

[Klii heba]

ناناز بعد عمري انتي الله يوفقج ان شاءلله ويحقق كل مرادج ويستجيب كل دعواتج

اي ان شاءلله خلاااااااااص باي باي موس والحين ببدا بالشمع اللاصق حق المنطقه
تسلمووووووون بعد عمري كل الي ردو علي الله يسعدكم دنيا واخره

 

[كويتية بروما]

ليزر وفكي نفسج

 

[Klii heba]

حبيبتي كويتيا بروما ان شاءلله بس اول اعالج لحساسيه بإذن الله

 

[كوول حدي]

رد : الموس وما ادراك ما الموس حياكم يا المتزوجات والعزابيه

فديت قلبج نفس مشكلتي بس الحمد الله الحين تخلصت منهاااااا وشوووفي مووضووعي وان شاااء الله تستفيدين

http://www.q8yat.net/showthread.php?t=756257


واذاا خلصتي حف حطي كريم سوودوو كـــريم من الصيدليه عجــــــــــــــيب

 

[( المـلاك )]

رد : الموس وما ادراك ما الموس حياكم يا المتزوجات والعزابيه

حطي كريم للحساسيه
وعقبها حطي سودو كريم
و ردي للشيره وانسي الموس

 

[آهات الليل]

رد : الموس وما ادراك ما الموس حياكم يا المتزوجات والعزابيه

هلا حبيبتي حطي نشا وادعيلي بالولد الصالح
لما تييلج الحساسيه حطي نشا او حتى احمرار
وهم حطي الفاكورت من المستوصف وايد حلوووووو

 

[• JoJo •]

رد : الموس وما ادراك ما الموس حياكم يا المتزوجات والعزابيه

حبيبتي انا مثلج بنت ودايم اشيل بالموس بس عمره ما يتني الحكه والحبوب الي تقولون عنها
استخدم موس جيليت الازرق العادي مال الرجال وناوية استخدم الوردي النسائي حيل يمدحونه بأجربه ان شاءالله
ولا احط نشا ولا هم يحزنون اخذ اشوي صابون بيدي اخليه يصير رغوة وامسح على المنطقه من برا واشيل عادي عكس اتجاه الشعر واذا خلصت اجففها احط مرهم اسمه فيوسيدين روووعه قليله بحقه ما يطلع الحبوب بعد الحلاقه وبس باقي الوقت احط زيت جونسون او زيت جلسرين نقي وبسم الله ماشاءالله لا حكه ولا حبوب كللش

اما الحلاوة لو امووووت ما استخدمها صج احسها تعور من قلب :eh_s(14): وفوق هذا الكلام الي ينقال عنها يخرررررع يعني مو ناقصين مشاكل :eh_s(14):
والرسول صلى الله عليه وسلم اوصى بالحلاقه .. وما ينطق عن الهوى ان هو الا وحي يوحى ..

تحياتي ..

 

[&موناليزا&]

رد : الموس وما ادراك ما الموس حياكم يا المتزوجات والعزابيه

عزيزتي رفع لعيووووووونج

 

[• JoJo •]

رد : الموس وما ادراك ما الموس حياكم يا المتزوجات والعزابيه

وهذا اب لعيووونج :d

 

[Esraa.a]

رد : الموس وما ادراك ما الموس حياكم يا المتزوجات والعزابيه

حبيبتي روحي طبيب الجلديه أحسن و أضمن
وهو يصرفلج الكريم اللي يناسبج



استغفر الله الذي لا إله إلا هو الحي القيوم وأتوب إليه
عدد ما كان وعدد ما يكون وعدد الحركات والسكون

 

[●° يآإ حِ‘ـبنيً ليَ . . ! «]

آهم شي رطبي المنطقه ..
عندج كريم جلوسيد آو زيت اللوز والمررر ..
صج ينفعون ..
وبشرينآ عنج :$

 

[حصه11]

حبيبتي من تجربتي والله يجزيها كل خير اللي حطت هالطريقه

اول شي خلي المنطقه نظيفه عدل مدل ورشي عليها نشى وابدي شلي الشعر بالموس واستخدمي موس حريمي اللي فيه شفرتين ولا 3

وبعدهااا اتغسلس عاادي يعني وعقب ماتمر ليله ادهنيها بخلطة انل او حطي عليها زيت زيتون

 

[بنت النوخذا]

اهلا عزيزتي

المـــــــــــــــــــــــــــــوس

ماله علاقه بالحكه و التحسس
هذا موضوع و هذاك موضوع
الحكه و التحسس تكون من اصابه بكتيريه

يمكن يمكن
احد يستخدم موســـــــــــــج

ونقل لج هالعدوي

وموس الحلاقه للمنطقه الحساسه
تسخدمينه مرتين ثلاث و تبدلين الشفرات
لانها تنقل جراثيم و مكروبات

و لازم موس الحلاقه
نظيف و ناشف لانه الحمام رطب
و لو تلاحظين الامواس بسرعه تصـــــــــــــــــــدي

اهم شــــــــــــئ

1- محد يستخدم الموس غيرج
2- لا تستخدمين الموس علي كامل الجسم
3- الموس ينقل جراثيم اذا مر علي منطقه ملتهبه بجسمج
4- استعمالين و الموس يتبدل
5- الموس لازم يكون نظيف و مطهر








.

 

[seedo]

اول شي استخدمي موس venus هذا احسن شي ..... وبعد ما تحفين امسحي المنطقة بكريم مومنتا تلقينه بالصيدليه عشان يمنع الحكة ... ولا تحطين جلسويد اوزيت اللوز على هالمنطقة لانه حار بالنسبه لي....... و ادعيلي