المواساة

[B.H.A]

السلام عليكم يا بنات

بغيت اسال عن الولادة بمستشفى المواساة
منو احسن دكتورة عندهم و شلون تعاملهم سواء وقت المراجعات او الولادة
بصراحة ما بقى على ولادتي شي وليلحين مادري وين بولد و عند اي دكتورة :eh_s(16):
فيدوني يا بنات وين احسن مستفى واحسن دكاترة

و مشكورين :eh_s(7):

 

[اكسبلانكا]

أنا ولاداتي كلها عند الدكتور حيان الاحمد والنعم فيه دكتور فاهم ويخاف الله وباله طويل يعني مايستعيل ويقولج يالله قيصريه وفوق هذا مومادي مثل اغلب الدكاتره فأنصحج فيه بكل ثقه وسوي عنه سيرج بقوقل وشوفي تجارب البنات معاه بالولاده
والمستشفى أنا جربت المواساه والسيف وانصح بالسيف أكثف كاهتمام ونظافه ورعايه المواليد لان المواساه من بعد المشاكل اللي صارت فيها تغيرت وايد من ناحيه الخدمه والنظافه وحتى السسترات مومثل قبل

طبعا هذا رأيي وعن تجربه وان شاء الله ربي يسهل عليج وتولدين بالسلامه

 

[# غنوجة بيبي #]

بنت خالتي ولدت عند شاديه

تقول صبوره حيل و طيبه

 

[latkt7as]

عن تجربه ولدت مرتين عن حيان الاحمد اهو طالع بعياده خاصه

ولادتي بالمرتين بالمواساه لانه عنايه واهتمام وهادي ماكو ازعاج هذا اهم شي عندي

 

[مذهلة2013]

حيان الاحمد خوش دكتور
باذن الله ناويه اولد عنده طبعا مالاداعي امدحه لانه مثل ماقالو خواتي بس كتبي اسمه ويطلع لج كل شي والكل يمدحه بس الحين عياده خاصه ويقدر يولد بالموااساه

 

[om_saleem]

حيان الاحمد وايد زين واهو كان اساس المواساة .. بس طلع منهم اذا تبينه انصحج تغيرين المستشفى لان المواساة ما اشوفه مثل دار الشفا بالولاده واهتمام السسترات وطولت بالهم على الوحده .. انا ما جربت المواساه للامانه بس تجارب البنات ورفيجاتي خلتني اعرف الفرق بين ولادتي بالشفا وولاداتهم وفعلا في جم وحده اولدت بالمواساة وراحت الشفا وشافت الفرق

 

[B.H.A]

مشكورين يا بنات عالردود بس انا ابي دكتورة مابي دكتور
شرايكم بالدكتورة ناهدة العلي او هدى العنزي ؟

 

[روان_الكويت]

انا دكتوري عادل مرسي عندهم وايد زينه المستشفى من عنايه واهتمام انصحج فيه وبقوه
يمدحون فيرجينا و شاديه

 

[المشتاقة لجنة]

شادية ياقلبي ولاداتي كلها عندها الحمدلله بصراحة حييييل مرتاحة وياها وقبل كل شي استخيري ربي ييسر لج ولادتج ويسهل عليج ويقر عينج بولدج