المنطقه الحساسه وشلون أعتني فيها..كل وحده تكتب طريقةعنايتها

[حنان المحبه]

السلام عليكم
ماعرف بالمقدمات الطويله ...
انا استعمل يومي مناديل كيرفري واستعمل غسولها ...
بس سمعت ان في دكاتره مايمدحون غسولها وانا صارلي فتره استخدمه وبصراحه خفت

وايام ماكنت حامل وصفت لي الدكتوره غسول حلوه ريحته لان كانت معاي وقتها التهابات تكرمون

وبعض المرات احط عالمنطقه بودره جونسون الافندر او العاديه ... يعني تحت البطن وعلى الجنب .. تعرفون حر وصيف ... لايروح تفكيركم بعيد انا مو متيه بس شويييية كرش >>> احد أسألچ ههههههه

سمعت عن مجموعه وشفتها بالجمعيات للعنايه الخاصه بالمنطقه الحساسه وبصراحه خفت هـالمكان مو اي شي احطه عليه الا يكون مجرب وطبيً وثقه ...
الحين ياريت كل وحده تحط غسولها وطريقتها بالعنايه بالمنطقه ... ولو في صور احسسسسسسن ...
وجزاكم الله خير ....

 

[Miss shatha]

ااممممم انا اووول وحده


عناايتي

استخدم غسول سيبا ميد 3 مرات ب الاسبوع او مرتين

اشيل ب الموس بس قبل ما اشيل احط نشا ع المنطقه واشيل يخلي الشعر ناعم

وبصراحه احس ب نظافه لاني قد جربت الحلاوه والموس

الموس بلنسبه لي اريح لان المنطقه مايكون فيها شعر اول مايطلع احلقه مو مثل الحلاوه لازم يطول شوي عشان ينشال


وكل يوم فوط يوميه فرش ديز او كيرفري

امممم وش بعد

اغسلها كل يوم ب صابونه غار احس بنظافه معاها وماتضر

بعد الحف كريم سودو واشيل الشعر اول ب اول

وطبعا اهممممممممممم شي التجفيف اجففها بعد كل حمام

 

[أم حنآن]

اما انا فـ كنت اعتني فيها بس من حملت صرت اخاف ومااستعمل الا موووس واسمع عن النشا بس ابي احد يشرح لي ..
واكيد كيرفري .. واحسن غسول كنت استخدمه انتي ميت بالبابونج ؟؟
بسس ممكن سؤال انا من حملت مااستعمل هالغسول عااادي والا غلط !

 

[حنان المحبه]

تسلمون عالرد الحلو ..
مس شذا ...
ماشاءالله حلوه طريقتچ ... وطبعاً اكيد التخفيف ضروري وتنظيف المنطقه اهم وسالفة الموس انا نفسچ كنت اشيل بحلاوه بس بعد ماعرف في حديث للرسول صلى الله عليه وسلم ... ان تشيلين بموس مو حف .. طبعاً مو ذاكره الحديث بالضبط ابحث عنه واكتبه ان شاءالله
من عرفت عن الموس وانا تاركه الحلاوه وارتحت حيل عليه ... بس انا الغسول استعمله تقريباً شبه يومي قبل النوم .. انا فاهمه جذي
ام حنان ...
حياج .. حتى انا مو عارفه طريقة النشاء اعرفها بس بالقيمات >>>> دخلت بالطبخ قلبي معاه
وعن غسول خلي الدكتوره توصف شي يريحچ انا حاطه صورة اللي وصفته الدكتوره لي بالحمال بس انتي اسئلي الدكتوره شنو يناسبچ احسن ...

 

[Miss shatha]

حبيباتي

الطريقه عاد تنشفين المنطقه وترشين عليها نشا
تملينها نششا

وتجيبين الموس وتشيلين تشيلين

بعدين غسلي وبسس

شوفي النعووومه عاد


دعواتكمم

 

[Miss Eteket]

آآآآب

 

[حنان المحبه]

تسلمين مس اتكيت
شدعوه بنات ... عالاقل آب
رررر ررفع

 

[WAAAW]

غسول بالي سيكرت البنفسجي رووووووعه

 

[شامخهـ]

الي تسأل عن الحديث
(وَعَنْ أَبِي هُرَيْرَةَ -رَضِيَ اللهُ عَنْهُ- قَالَ: قَالَ رَسُولُ اللهِ -صَلَّى اللهُ عَلَيْهِ وَسَلَّمَ-: «خَمْسٌ مِنَ الْفِطْرَةِ؛ الاِسْتِحْدَادُ، وَالْخِتَانُ، وَقَصُّ الشَّارِبِ، وَنَتْفُ الإِبْطِ، وَتَقْلِيمُ الأَظَافِرِ»(1) مُتَّفَقٌ عَلَيْهِ.

وجاء في الصحيحين من حديث ابن عمر أيضًا «قص الشارب، ونتف الإبط، والاستحداد»(9)، وكذلك جاء في الصحيح عن أنس -رضي الله عنه- هذا المعنى: «أُمِرْنَا أَنْ لاَ نَتْرُكَ قَصَّ الشَّارِبِ، وَنَتْفَ الإِبْطِ، وَحَلْقَ الْعَانَةِ أَكْثَرَ مِنْ أَرْبَعِينَ يَوْمًا
سبحان الله ماينطق عن الهوى
الحلاوه جدا مضره تسبب ترهل وايضاء اشياء كثيره اثبتها الطب .

 

[خوخة 90]

انه اشيل بالمووس
الشيرة تذبح ما قدر عليها
و عقب احط زيت زيتون او كريم سودو
و ابي اجرب غسول سيباميد الكل يمدحه

 

[مزيونــــة مطير]

الحل المريح هو الليزر لاتقولون مضر ومدري ايش كل خواتي اللى متزوجات مسوينة ولاصار فيهم شي
انا عن نفسي مسوية ليزر
و استخدم غسول طبي
وامسح المنطقة بمحلول الليمون مع زيوت مبيضة
ودايم ارطبها بكريم البابايا
والحمد الله النتيجة مرضية

 

[caramella <3]

غسول بالي سيكريت البنفسجي خيـــــــــــالي
و طبعاً تجفيف المنطقة عدل مدل بعد كل حمام تكرمون
و استخدم كيرفري على طوووول طبعاً

و ساعات استخدم غسول انتيميت بالبابونج ريحته وااااايد حلوة بس بصراحه بالنسبة لي ما خفف الافرازات تكرمون كثر بالي سيكريت ,,

 

[&موناليزا&]

عزيزتي رفع لعيووووووووووونج

 

[بنات حواء2]

هذا الغسول ممتاز وريحته لا بأس فيها
اهم شي تحرصون على تنشيف المنطقه بعد كل عملية غسيل لانه الرطوبه تكون وسط مناسب لنمو المكروبات و تبديل مستمر للملابس الداخليه و يفضل تكون قطنيه 100% خاليه من البوليستر و النايلون لانه يشكل حراره عجلد فبتالي ايضا يسبب الحساسيه و لا تنسون جونه مايساعد اما اذا بخاطرج الملابس الداخليه الي فيها بوليستر و نايلون بحكم الوانها الحلوه ممكن تستخدمينهم بالبيت لاكن بره البيت و بالصيف ديري بالج ترى صيفنه مايرحم
و في لوشن حق المنطقه الحساسه ممكن تستخدمينه يوم ترك عشان لا تكون المنطقه جافه فتسبب حساسيه
بنسبه لطريقة نزع الشعر انا افضل نتيجة الشيره بس عوارها مو صج و الموس نتيجته مو ذاك الزود و يسود المنطقه فأفضل حل مثل ماقالوا البنات الليزر خصوصا للمتزوجه كما ان الليزر لمن ينزع الشعره ينزع اللون الاسود الي موجود بالجلد فبتالي تبييض و نعومه وراحه ابديه من الشعر و ماتحتاجين للشيره الا بالشهرين مره بس عشان تشيلين جم شعره هذي تجارب الي حولي و انا عن نفسي ناويه على الليزر باذن الله و بسوي جسمي كله ملينه من الشعر كل مكان يطلع الا بقمة الراس يطيح استغفر الله و الف الحمدلله على الصحة و العافيه

 

[رقـة الاحسـآس]

كيرفري مب حلو
ويسوي حساسيه ما احبه لا هو ولا الفوط مالته

استخدم سيباميد
حتى المناديل سيباميد

والفوط اليوميه فرش ديز
والشهريه برايفت

والشعر كنت اشله بحلاوه و الحين ليزر
الموس ما اقتنع فيه

 

[بنك بااستا]

مشكوره

 

[EngMarmar]

رفع لعيونج

 

[Laidy n3ooma]

بالنسبه لي غسوول وقت السبوح وطبعا اجفف المنطقه بفوطه بعد كل حمام ووقت ماكون نايمه مالبس ملابس داخليه عشان المنطقه تتهوى

اما من ناحيه التبيض وهذي السوالف للحين مابديت عنايه فيها

 

[Laidy n3ooma]

وغسولي فيم فررررررررررش