المناعه الطبيعيه

[نوره حبيبة أبوها]

السلام عليكم ورحمة الله
:gathering:
بنات حبيت اسالكم عن المناعه الطبيعيه اشلون طريقتها؟

يعني انا الحين اسوي مع زوجي ناعه طبيعيه على طول وسمعت مره مادري وين انه بس باسابيع معينه بعدين عادي (فهمتوا علي ؟)

مابي اخذ حبوب لاني جربت ياسمين والعبت بنفسيتي حييييييييييييل مع انها اخف نوع فما فكرت اجرب حبوب ابدا واللولب ناويه بس مو الحين بعد جم شهر جدام وبهالفتره ابي اسوي المناعه الطبيعيه ياليت اتساعدوني :tomato2:

يعني متى يكون وقتها ؟ وهل تضبط معاي 100% والا مجرد احتمالات ؟

 

[نوره حبيبة أبوها]

محد رد علي

 

[مزعله الحريم]

رد : المناعه الطبيعيه

انا مافهمتج انتي شنو تبين وقت المناعه عندج الطبيعيه يعني؟؟؟

 

[نوره حبيبة أبوها]

اي ياقلبي متى وقتها ؟

 

[مزعله الحريم]

رد : المناعه الطبيعيه

استحي ارد هنيه

 

[مزعله الحريم]

رد : المناعه الطبيعيه

اكتبي بقوقل طريقه العد لمنع الحمل وتلقين اللي يرضيج

 

[om-7many]

رد : المناعه الطبيعيه

ما عندي فكره انشالله غيري يفيدج

 

[الوردة المكنونة]

حبيبتي اذا دورتج منتظمه كل 28 يوم فالطريقه كالتالي

الشهر ينقسم 3 اقسام

اولا : فتره العقم الاولى هي الفتره التي تقع فيما بين اليوم الاول واخر اليوم التاسع من الدوره الشهرية (9ايام)
ثانيا : فتره الخصب والانجاب هي الفتره الواقعه فيما بين اليوم العاشر والسابع عشر من الدوره (7 ايام)
ثالثا : فتره العقم الثانيه هي الفتره الواقعه فيما بين اليوم الثامن عشر والثامن والعشرين من الدوره (11 يوما)
يعني ديري بالج من ثانيا
بصراحه انا يبت هالمعلومات من كتاب عندي للدكتور سبيرو فاخوري ان شاء الله تنفعج هالمعلومات

 

[نوره حبيبة أبوها]

جزاكم الله خير

ماقصرتي الورده المكنونه بس ما فهمت متى اليوم الاول بعد الدوره على طول ؟

 

[الأميرة جوري]

رد : المناعه الطبيعيه

لا ديري بالج انا اتبعتها وحملت للاسف .....في حبوب حلوه اسمها مارفولين تهبل

 

[KOKO_284I]

رد : المناعه الطبيعيه

اختي انا اسوي ما نع طبيعي من ولد سنة ونص .
لا حبوب ولا لولب ولا اي شي اخر .
اختي انا استخدم سوري باللفظ ( الواقي) اذا انتي من الناس اللي يصير عندج حساسية استخدمي ديوركس الازرق مو الملون بوريحة وكل الامور تصير تمام.
انا راح ادزلج جدول المانع الطبيعي بس يفضل تستخدمين الواقي لان من الناحية العلمية فان عملية القذف الخارجية تضعف ظهر الريال وعلى كبر يسبب له عشى ليلي ان ما يقدر يشوف بليل وانتي وبراحتج .

 

[دمعه ندم]

مادري والله ماعرف وانشالله البنات يفيدونج

 

[الوردة المكنونة]

جزاكم الله خير

ماقصرتي الورده المكنونه بس ما فهمت متى اليوم الاول بعد الدوره على طول ؟

حبيبتي يعني 7 ايام الدوره واليومين اللي بعد الدوره اخذي راحتج اما اليوم العاشر وقفي الشغل لي اليوم السابع عشر يعني هالاسبوع سوي في حظر تجوال خلي شغلج كله على الطاير

 

[@الجود@]

كوكو الله يجزاج خير ..

 

[نوره حبيبة أبوها]

ماقصرتو حبايبي على مساعدتكم

كوكو والاميره الورده ودمعة ندم

الله يعطيكم على قد نياتكم