السلام عليكم ورحمة الله وبركاته
آسفة إذا العنوان ضايقكم
آنا ولله الحمد ملتزمة والله من علي بصحبة صالحة لكن ظروف الزواج خلتني أبتعد عنهم اشوي وان شاء الله فيكم الخير وانتوا صحبتي بإذن الله
المهم مو هذا موضوعنا
موضوعي عن سمعة الملتزمات عند العامة تدرون شنو؟ أكيد ما يخفى عليكم إن احنا اللي ماعندنا إلا سيادتنا
- ترى موحرام إذا لبسنا ماركات بأسعار تناسب معاشنا
- ترى موحرام إذا لبسنا على الموضة إذا كانت ماتنافي الشريعة
- ترى مو حرام إن نحط مكياج ونعرف شلون نحطه (بين الحريم طبعا)
- ترى موحرام إذا اهتمينا بجسمنا
- ترى مو حرام إذا قطينا القديم حق اللجنة وشرينا لبس يديد
- ترى مو حرام إذا فرشنا أسنانا يوميا
آنا ما أقول نصب اهتمامنا على هالماركات واللبس والمكياج لكن ما يمنع انا نكزن ملمين بالأشياء
تدرون شنو نظرة الناس لنا, خلوني أذكر لكم مواقف:
- زوجي انصدم لمن خذاني لما شاف إني أحب أكشخ وأغير لبسي وأعرف أتمكيج يقول غريبة الملتزمات مايهتمون بهالسوالف
- رفيجة اختي تدور حق أخوها الملتزم وحدة وتدرون شنو أول شرط له؟ يقول ما أبي ملتزمة أبي وحدة عامية وآنا أنقبها وأخليها تلتزم قالتلا ليش؟ قال الملتزمة ما تعرف تكشخ وآنا غاض بصري عن الحريم فأبي أشوف كل شي على زوجتي
- هذا موقف قالته دكتورة بدورة عن بنتين ملتزمات ومحترمات رايحين طبيب أسنان وتوسط لهم زوجها فعقب طبيب الأسنان لما شاف زوجها تدرون شقاله؟يقوله لاتييب لي ثاني مرة ملتزمات ولا تتوسط لهم عندي قال ليش قال ريحة حلجهم تقتل
- وحدة أعرفها خوش بنت وخلوقة وحياوية لكن عيبها ريحتها دايما عرق وأسنانها ما تعرف الفرشة والمعجون
- وتدرون إن رفيجاتي انقدوا علي لما دروا إني حضرت دورة عن النظافة الشخصية قبل وبعد الزواج. وانتقادهم ان ليش ما حضرتي دورة دينية أفضل من هالتفاهات
وأكيد مر عليكم مثل هالبنات
والرسول عليه الصلاة والسلام كان دائما يستاك ويتطيب فليش احنا جذي ونييب هالسمعة لنا
ليش مانكون مثل البنات اللي بره ونزيد عليهم بالدين وتكون كشختنا بحدود الشرع
وآسفة على الإطالة لكن حبيت أبين هالشي لأن موحلوة إن البنت تنعاب بنظافتها
آسفة إذا العنوان ضايقكم
آنا ولله الحمد ملتزمة والله من علي بصحبة صالحة لكن ظروف الزواج خلتني أبتعد عنهم اشوي وان شاء الله فيكم الخير وانتوا صحبتي بإذن الله
المهم مو هذا موضوعنا
موضوعي عن سمعة الملتزمات عند العامة تدرون شنو؟ أكيد ما يخفى عليكم إن احنا اللي ماعندنا إلا سيادتنا
- ترى موحرام إذا لبسنا ماركات بأسعار تناسب معاشنا
- ترى موحرام إذا لبسنا على الموضة إذا كانت ماتنافي الشريعة
- ترى مو حرام إن نحط مكياج ونعرف شلون نحطه (بين الحريم طبعا)
- ترى موحرام إذا اهتمينا بجسمنا
- ترى مو حرام إذا قطينا القديم حق اللجنة وشرينا لبس يديد
- ترى مو حرام إذا فرشنا أسنانا يوميا
آنا ما أقول نصب اهتمامنا على هالماركات واللبس والمكياج لكن ما يمنع انا نكزن ملمين بالأشياء
تدرون شنو نظرة الناس لنا, خلوني أذكر لكم مواقف:
- زوجي انصدم لمن خذاني لما شاف إني أحب أكشخ وأغير لبسي وأعرف أتمكيج يقول غريبة الملتزمات مايهتمون بهالسوالف
- رفيجة اختي تدور حق أخوها الملتزم وحدة وتدرون شنو أول شرط له؟ يقول ما أبي ملتزمة أبي وحدة عامية وآنا أنقبها وأخليها تلتزم قالتلا ليش؟ قال الملتزمة ما تعرف تكشخ وآنا غاض بصري عن الحريم فأبي أشوف كل شي على زوجتي
- هذا موقف قالته دكتورة بدورة عن بنتين ملتزمات ومحترمات رايحين طبيب أسنان وتوسط لهم زوجها فعقب طبيب الأسنان لما شاف زوجها تدرون شقاله؟يقوله لاتييب لي ثاني مرة ملتزمات ولا تتوسط لهم عندي قال ليش قال ريحة حلجهم تقتل
- وحدة أعرفها خوش بنت وخلوقة وحياوية لكن عيبها ريحتها دايما عرق وأسنانها ما تعرف الفرشة والمعجون
- وتدرون إن رفيجاتي انقدوا علي لما دروا إني حضرت دورة عن النظافة الشخصية قبل وبعد الزواج. وانتقادهم ان ليش ما حضرتي دورة دينية أفضل من هالتفاهات
وأكيد مر عليكم مثل هالبنات
والرسول عليه الصلاة والسلام كان دائما يستاك ويتطيب فليش احنا جذي ونييب هالسمعة لنا
ليش مانكون مثل البنات اللي بره ونزيد عليهم بالدين وتكون كشختنا بحدود الشرع
وآسفة على الإطالة لكن حبيت أبين هالشي لأن موحلوة إن البنت تنعاب بنظافتها
