المكياج : ثقـــافـــه + ذكــــاء + فـــــن ...( دعوة للنقاش )

[caramil]

مسآإإء الخــير.. بنوتآت..

طبعاُ هذا اول موضـــوـوع لـى بالقسم ... :33_1185028183:
إنشاللــه يكون خفيف عليـــكم وتتقلبونــه برحـــابـة صدر..واتمنى يفيدـــكم ..

خلـوـونآ ندخل بالموضوع..

إللــى أعرفه..ان المكياج ..وسيلة تجميــل..تلجأ لها الانثــى علشان تبرز مواطن الجماال بملامحها..
او علشآن تخفي عيووب بسيطه ببشرتها..او بملامحها...

لكن اكتشفت ان عدد كبير من الخليجيات..حولوا هالأداة إلى اآداة تقـــبيـــح..وللأسف قاعدين يشوهون
ويهولون بأشكالهم واهما مو حاسين...

قبل فتــره..زارتنا بروفيسوره امريكيه في كليتنآ :lkmnkl:

انحطينا بموقف محـــرج ..لما شافت اشكال البنات سألتنــا بإستغرآآب ..: ( في حفله تنكريه اليوم بالكليه ؟؟!!)

طبعاً اهيا صج ماتدري شسالفه ..واحنا من الاحراج..قلنالها...( لا دكتوره...في سيرك وانتي الصاجاأآ)..:eh_s(11):


ترا المكياج مو بس حط وخربط ولطخت....المكياج ثقافه وذكاء..يعني من الذكاء انج تعرفين..ويهج شنو ناقصه
شنو بشرتج تحتاج..شلون تبرزين جمالج..وثقافه شلون تمارسين هالشي..وشلون تطبقينه..

للأسف احنا حتى من هالناااحيه في عندنا ( تــــخـــلـــف كبـــير) طبعا هالحجي مافيه تعميم..

صح...المكياج الخليجي يتميز بالكحل..وهذا اروع شي فيه..اللي يميزنا عن غيرنا..ونفتخر فيه..

لكن انج تستخدمين الكحل بطريقه همجيه..! هذا شي حتى الله مايرضى فيه ياااخي رحمي شعورنا :eh_s(12):

خلونا نتثقف شوي من هالناحيه ...

بالبدايه ..انتي محتاجه تعرفين...:
1) انا وين رايحه..
2) لي متى بقعد بالمكان اللي رايحتله..
3)هل راح اكون معرضه للشمس..
4) وقت الطلعه ..( نهار / ليل )..

وبما ان المكياج لازم يعكس شخصيتج..ويساعد بروستيجج..

مكياج المدرسه..يختلف عن مكياج الدكتوره..مكياج الطالبه..يختلف عن مكياج الموظفه...

هم بعد العمر يلعب دور....مكياج المراهقه لازم يكون فيه اللوان فرحيه..عكس مكياج الشابه..او مكياج الراشده..
هالمعلومه بالذات مخصصه حق الحريم اللي بعمر امي مع خالص الاحترام لهم لكنهم يحطون قلترات والوان صفره
وخضره ماتناسب لا عمرهم ولا برستيجهم..

ونآآآو..بعطيكم معلومه بسيطه...

في دراسه قامت وطبقت على الرجال..حول منو اكثر النساء جاذبيه ..

الاجابه كانت: اقلهم تعامل من المكياج واكثر مادة بالمكياج تنرفز الرياااييل اهيا كريم الاساس..

والمعني هني..كريم الاساس لما يكون ماله شغل بلون البشره


خلونا نشووف وننقد بعض الصور...:

تكفوون...شرايكم ؟ :lkmnkl:




الأدهى والأمر...

لا تعليق....

على فكره

ابصم لكم بالعشره ان اللي حاطتلها مكياج ماتفهم ولا شي بالمكياج..

اهيا برزة عيوب ويهها اكثر...يعني مثلا عيونها ناعسه..وحطت الكحل برزت هالشي بووضووح..

ورب الكعبه مهرجان..مو مكياج..

والحين شرايكم نقارن بين المكياج الثقيل والخفيف...!




امل العوضي..بهالصوره..

المكياج...وايد ..بحيث ان طلعها بشكل اكبر من عمرها بعشر سنين..


اما بهالصوره..

برز انوثتها بشكل بعيد عن المبالغه..ونعومتها بشكل بعيد عن التكلف..


يااااااااااااااليت الكل يقتنع بكلامي..بنات انتاو مو محتاجين لكل هالتهوويل..

شوفوا النعومه بالصور..وقارنوا بالمهرجات اللي فوق..

على فكره احنا ملامحنا تساعد اكثر وافضل بكثير من الاوربيات لأن معروف ان العربيات ملامح العربيات

خلطه عجيبه..والاجانب نفسهم يموتوون ويصيرون نفسنا..

بالنهايه اتمنى الكل يستفيد ولحد يززعل..

والموضوع جهد شخصي..

تحياتي لكم :blueSmCLR:

 

[لحن التياعي]

رد : المكياج : ثقـــافـــه + ذكــــاء + فـــــن ...( دعوة للنقاش )

وربي انك صادقه
ياحلاة البساطه والنعومه
موضوعك روعه

 

[caramil]

تسلمين حبيبتي على المرور..

بس وين اللي يسمع ويطبق ..

 

[كويتيه احب الكشخه]

اي والله صاجه بكل كلمه
متى بنوصل هالمرحله

 

[دبي العز]

تعرفين يوم تفرين شوية الوان على يهال شو يصير فيهم ينفجعون ما يعرفون اي لون يختارون وكيف يرسمون ويترسون لج الصفحة خرابيط

هذا بالضبط الي صاير عند بعض الخليجيات للاسف الشديد يعني

كلنا عندنا مكياج كلنا عندنا الوان مختلفة بس هذا ما يعني استخدمهم دفعة وحدة او كل ما حبيت او اي وقت يخطر على بالي


انا قبل ما احط مكياج لازم استوعب ويهي الالوان الي تناسبني عمري شكلي المناسبة .......ألخ الامور الي ذكرتيها

نحن نبا نكون جميلات ويفضل بشكل مخفي !!!!!

مب فلم الرعبببببببببببب هذاااااااااااااااااا استغفر الله

ويقولون لج الناس اذواق !!!!!!!! رد مقنع الصراحة بس للاسف ذوقكم للاسف مب حلووووو

شكلهم في الدوام والعرس والعيد وكل مناسبة نفسه نفسه مافي شي يديد

 

[&موناليزا&]

رد : المكياج : ثقـــافـــه + ذكــــاء + فـــــن ...( دعوة للنقاش )

موضوعج حلوووووو

مشكورة حبيبتي

ورفع لعيووووووونج عزيزتي

 

[tea_rose]

رد : المكياج : ثقـــافـــه + ذكــــاء + فـــــن ...( دعوة للنقاش )

:lolo:
نفس الشعوووووووور اللي احملة انته يا روحي تحملة
صح لسانج:balo:

 

[وافرر]

رد : المكياج : ثقـــافـــه + ذكــــاء + فـــــن ...( دعوة للنقاش )

فعلا انا معج بكل حرف قلتيه يعنى بالنهار حطى مكياج خفيييف ينور ويهج
بالليل لونى بالشادو تلوييين ناعم موب الووان الطيف
بالعرس حطى الى تبي وسلامتكم

 

[لعبة ايام]

رد : المكياج : ثقـــافـــه + ذكــــاء + فـــــن ...( دعوة للنقاش )

والله عن نفسي مااعرف غير اسوي كحل

روج وفوقو قلوس ومناكير وولله الحمد وجاري بحث عن كريم اساس مناسب لبشرتي لول

يعطيكي العافية

 

[caramil]

تسلمون على مروركم ..بصراحه اختي دبي العز كلامج اميه بالاميه صح..

همجيه حتى بوضع المكياج..وبالنهايه شوهوا صورتنا احنا العرب حتى من هالناحيه ..جدام الغرب

طلعنا بصورة المتخلفين حتى بهالشي..

المكياج فن..لازم تعرفين شلون تستغلينه..مو تشوهينه..

وياليت يفهمون بس ان البساطه عنوان الانوثه والنعومه..

لكن لو بتتكلمين من الحين لي باجر بيقوولون لج وانتي شعليج هذاااا ذوووقنا واحنا احرار..

يعني ورب الكعبه شي يسد النفس ..تلوع جبدج لما تشوفين وحده حاااطه مكياج عرررررس الصبح ويايه الكليه

حتى الدكتور ينأرف من اشكالهم لي درجة ان مره قطها بويههم قال لهم احنا يايين حرم جامعي مو ياايين حفله



ياليت كل اللي يدشون يبدون رايهم بالموضوع

 

[LuLiTa]

انا يتهيألي اللي تحط مكياج بهالشكل اكيـــــد كانت الليتات طافيه عندهم ,, عشان جذي كانت تخبص بالالوان !

 

[UNICORNA]

يعطيكى الف عافيه

وشخصيا مكياجى جدا جدا ناعم مجرد رتوش >>> ام الثقه بالنفس لووول

وفعلا هالاشكال احسها تخفى قبحها بالمكياج مع ان زيادته

فى حد ذاتها تزيد القبح قبحين

مشكوره حبوبه

 

[Tbosha]

رد : المكياج : ثقـــافـــه + ذكــــاء + فـــــن ...( دعوة للنقاش )

اي والله اي والله طلعتي اللي بقلبي
ههههههههههههه امبييييه والله من كثر التهويل اللي بصالوناتنا والله صرت ما احط بالصالون
شحلاتني و انا ابرز جمال عيوني مو اهول فيها جني رايحه حفله تنكريه

بس صج ما قصرتي وياليت هالمحسوبين علينا خبيرات تهويل يشوفون الفرق قبل لا يلعبون بويوه الحريم

 

[caramil]

لوووووووووووول مشكورين على المرور..

ناطره احد يعارض

 

[Mrs_Orchidia]

اي و الله صح لسانج!



شتحجين عنه؟ الكحل و للا الفاونديشن الواااو

و للا الرموووووووووووووووووش التركيب!!! مو غاثني اللا الرموش التركيب :lkmnkl:

شي هويييل الصراحة .. من الصبح تقولين مركبة مخمة على عيونها


الحمدلله و لاعمري ثقلت المكياج حق الطلعة .. خاصة بالنهار


و ان شاءالله البنات يتعضون .. و الف شكر عالموضوع
:aha:

 

[caramil]

لووووووووووووووووووووووووول بدعتي بالوصف..

بس هم ماكوو فايده فيهممم..وفوق هذاا يختارون الوان للحمره تبين شكل اسنانهم اصفرررررررررررررر

اللي ماتلوع جبده بسهوله ماياكل يومين :"""""""""""""(

 

[caramil]

والاحلى اللي تحطلج حمره صفره ولا زرقه يعني امفنتقه

هاذذي جبااااره :""""""""( والله لو ماتغسل ويهها وتيي الكليه اهون من هالحمره الفضيعه

 

[Mrs_Orchidia]

امبي منو يحط حمرة صفرا و زرقا؟

اي شي؟ لووووول

 

[qataria999]

والله صاجه وانا معاج الف بالميه

تسلمين حبيبتي

 

[قطوه روسيه]

صح كـلامج

النعومه تبرز الملامح حتى لو فيها عيوب يكفي انها ناعمه وبريئه

يعطيـج العافـيه