تقبلو مني اول مشاركه مني واول موضوع
حبيت اكتب هلموضوع لكل مطلقه وكل اخت و ام اختها او بنتها مطلقه عسى وعلى تعم فايده
اول شي يابنات انا عنصر محايد بمعنى الحمدلله انا متزوجه وحياتي العائليه من فضل الله مستقره
حبيت اكتب الموضوع لنظر لجانب الانساني للـ ( مطلقه )
لكثره المطلقات ومشاكلهم وعدم اهتمام بمشاعرهم وحالتهم نفسيه
موضوعي بسيط ومبسط بتكلم فيه عن شقين
الانسانه المطلقه ( اختلفت الوسائل والموت واحد )
هناك عدة اسباب تجعل المرأه الي حل طلاق مثل ما انتم عارفين
منها الخيانه الزوجيه والكذب وعدم المسؤوليه والخ كلها امور تحد مراه انها تتخلص من الكاهل الي عليها وتتفرغ في تربيه ابنائها بعيد عن هم الزوج ومشاكله وضغطه النفسي الزايد عليها
يعني تخيلو بنات انسانه زوجها يخونها ويكلم ويدلع بنات الحرام وهاملها ومايهتم فيها وفوق هذا يبي منها تقوم فيه والخ
منو تقبل بنسان مو نظيف وغير سوي وتقبل بمعاشرته والاستمرار معاه
المأساه الثانيه للمطلقه عندما تفكر تطلق
تروح بيت الأهل يستمر الجزء الثاني من مسلسل المعاناه
اهي لين تروح لبيت اهلها وتطرح فكره الطلاق مفكره ان اهلها يحسون بالمعاناه ولكن الي بيحصل تبون تعرفون تعالوا شوفوا
الصدمه من الواقع مرير
تنصدم ان كان عندها خواتها اول شي تحسبهم بيواسونها وبيحضنونها والخ ولكن صدمه انها تشوفهم يطالعونها بنظرات من بعيد وعليهم علمات تعجب واستفهامات و اول كلمه ينطقون فيها يقولون لها ليش تبين تطلقين نطرينا نتزوج على اقل سمعه الناس وما .... والخ...... وبلخ ..... اعذار مالها والي ويستعرون منها كانها والعياذ بالله قامت في فاحشه وكان طلاق مو سنه الحياه مثل الزواج وكلها مسئله توافيق لكن القانون القرقروشي عندهم تزوجتي اندفني مع زوجك لو كان اسفل السافلين وللعلوميه بمريكا معدل متوسط للمراه انها تتزوج مرتين بالسنه هذا من جانب حضاري من جانب ديني واسلامي الله شرع الطلاق ولو تشوفون احصائيات الطلاق بسعوديه كثير منهم يطلقون ويتزوجون ونظرتهم للمطلقه افضل من نظرتنا احنا كا كويتين بال بالعكس افضل بكثير في قريت احصائيات ان رجل سعودي يرغب بالمطلقه اكثر من البنت البكر لخبرتها بالحياه الزوجيه فهي ليست غريبه عليها
الجزء الثاني ( مسلسل مابعد الطلاق )
تنصدم المطلقه من مراقبه الاهل لها وهذا يعتبر اهانه لها وين رايحه وين يايه منو تكلمين ليش قاعده ليش واقفه
نظرات الشك نظرات الاستيحاء كونها مطلقه وتفرق معاملتها عن يوم كانت عندهم كابنت ويتغيرون عليها اهلها اكثر
يعني يوم كانت بنت ماسوو معاها واهي كبيره الحين ام عيال وتعرف دنيا يلاحظون حتى لبسها وكل تحركتها
على رغم يوم كانت بنت ممكن تكون فري وكل شي محد يكلمها ملاحظين تناقض في الفكر الاجتماعي الي عندنا !!!!
في كثير من بنات عندما تخلصو من نار زوجهم انصدموا في جهنم وجيهم اهاليهم هذا ما خلاهم يرجعون للزوج
طبعا الزوج الله بالخير ماكذب خبر استغل نقطه ضعفها ورجعتها ويفكر بس بالانتقام وانها يدوسها اكثر اكثر ويسوي الي يبي اكثر واكثر وماتفكر تتكلم او تون او تصيح او تشتكي ويعيش دور مسلسل هارون الرشيد بثقه وجبروت اكثر
( لمنو تلجأ المرأه المطلقه )
سؤالي اطرحه للجميع لمنو تلجأ هذي الانسانه مغلوب على امرها ؟.؟.؟
في بنات استقرو بحيتهم واستأجرو شقه وعاشت اهي وعيالها وطبعا هذول حالات اقل من حالات عامه لن معروف ان بناتنا اكثرهم ضعاف شخصيه مافيهم قوه وماتعودوا من صغر الاعتماد على نفس والاستقلاليه مثل الفكر وطبيعيه حياه اجنبيه
رسالتي حق كل عضوه بالمنتدى رجاء خاص ان كانت عندج اخت او اي قريبه لج ومعاج في بيت واحد مطلقه
لتكون نظرتج راقيه لها ولتحسني معامله لها انتي ماتعرفين شنو الاسباب الي دفعها وحدها للطلاق مو معقوله كل الي تطلقت هفواه او غباوه او دلع لا انكر في حالات جذي لكن تعتبر نسبه بسيطه و الانسانه هذي دفعت ضريبه كبيره من حياتها ويكفي ماشافته
لا تحسسونها انها منبوذه اجتماعيه وانها عااار وخزي
هل لنها ما رضت على نفسها تعيش عيشه كريهه كلها وصاخه وقذرات
بنات انا بكون اكثر جريئه بالطرح وبقولكم شغلات ممكن كثير منكم يخالفوني عليها ويقولون لنا لا ماكو جذي مو صحيح
تدرون ان كثير من ريايل هالوقت يعانون من دياثه وان اكثر سبب و نسبه طلاق من وراء هالشي
يعني كثير من الازواج يقول لزوجته ردي على غريب كلميه روحي سويلي قعدي مع رفيجي لبسي مايوه سوي جذي
امور انا استحي اقولها
واللبيب بالاشاره يفهم مايحتاتي افصل المهم وضحت
وتدرون ان كثير من الازواج مايوفي زوجته معاشره زوجيه نهائين ولا يدري عنها وفي بنات تزوجو وقعدو سنتين بنات !!
ولين تسئله ليش تزوجتني يقول لها بس علشان جدام ناس واهلي متزوج
انسان مثل هذا ترضين اختج تعيش معاه يعني ولا شنو بس علشان ماتصير مطلقه
وتدرون جم زوج مدمن مخدرات وتعرفون الاددمان لوين ايرر و يودي هل مجبوره المراه تستمر معاه خصوصن بعد ماحاولت تسنعه وتوقف معاه وشافت انه انسان تعود على هالشي من صغر وسنين
وتدرون جم زوج يحب الحرام ويعشقه ويفضل لحمه الحرام عن زوجته ويمكن يضيع زوجته من وصاخه الحرام ويضرها ويضر عيالها
اناعطيت ثلاث امثله بس وثلاث امثله هذي منتشره بكثره كبيره والي يقولي لا او يخالفوني اقول لها من حقج بس بعد اذنج كلفي على نفسج وروحي وزاره العدل وشوفي بتلقين ان كلامي بهالموضوع رحمه من الي راح تشوفينه
لاتخسرون اختكم بس علشانها مطلقه انتم ماتعرفون بظروفها نفسيه وشنو شافت وعانت اتمنى موضوعي هذا يغير من نفوس الكثرين والله يهدي ويصلح سر الجميع
