المغتربات بامريكا تكفووون فيدونا بتجاربكم

[صعب غلاها]

سلاام عليكم بناات


انا وحده توني متخرجه من الثانوي والله ماكتب لي ادخل جامعه الكويت
وانقبلت بعثه خارجيه بامريكا و انا واايد قاعده احاتي وحدي خايفه والله كل يوم بجي ونياح حييل خايفه
بشكل ماتتصورونه ومااقدر اني اكنسل السفره لانه حلم حياتي كله راح يضيع

المهم انا سجلت بجامعاات موجوده ب 3 ولايات وناطره القبول بوحده من الجامعات اللي سجلت فيها والولايات اللي اخترت فيها الجامعات اهيا

فيرجينيا
اوهايو
بنسلفانيا

بليييييييييز اي احد عنده خبره بهالولايات يفيدنا واذا فيها كويتين وخليجين واايد وجذي

وابي تجاربكم وشلون العيشه وانتو كنتو بروحكم

انا صراحه وحده ماعرف اعتمد على روحي بشي كل شي اهلي يسونه لي

اوووف حددددددددي خايفه والله وكورس اللغه مالي على شهر 9 او 10

امبيه والله كل يوم اتخيل انه الحين طيارتي وشلون راح اهد اهلي والكويت مااني قادره اتصور

 

[مجنونة حبه]

السلام علكم
واشلونج
اول شي الف مبروك عالتخرج
ثاني شي اذا انتي حابه تتعلمين وتدرسين لا تحاتين ولا تخافين سهاله ان شاء الله
وفي وايد بنات اعرفهم دشوا جامعات والحمدالله قاعدين يكملون وبالصيف او بالعطل ينزلون حق اهلهم او مرات اهلهم اييون اهني فلا تحاتين من ناحيه اهل ولا بعد كل يوم ادقين عليهم فتحسين بالقرب منهم
وبعد وقتج راح يكون مزدحم يعني ما في وقت يادوبج اتخلصين جامعه وبعدها واجبات ودراسه تلاقين الوقت خلص وصار ليل واهلج ادقين عليهم
فلا تحاتين راح تتعودين بالبدايه صعب وبعدها اتحسين ان شاء الله سهاله
وبالنسبه للجامعات الي ذكرتوها مع الاسف ما ادري عنها
بس اعرف ان في اورجن كويتين وكويتات وايد وسعوديات
اما انا سان فرانسيسكو
انتي اول شي راح يكون لغه لمده سنه وبعدها تشوفين جامعه الي تبينها وبعدها تقبلج جامعه او لا يعني مو شرط تكون اول جامعه لي تاخذين فيها لغه تكونين تدرسين فيها حق التخصص الي تبينه
وموفقه ان شاء الله
واذا تبين اي سؤال حاضرين

 

[chanel N22]

www.mostajed.com
موقع مفيد لطلبه المستجدين في امريكاااا
واذا استفدتي بس ابي منج دعوه اني احمل والله يرزقني بذرية صالحه سليمه يارب

 

[ام كوشه منكووشه]

رد : المغتربات بامريكا تكفووون فيدونا بتجاربكم

حبوبه لا تحاتين انشالله ماكو الا العافيه
انا كنت في بنسلفانيا سنتين ونص وقبل فتره نقلت ولايه ثانيه بس بصراحه كانت احلى ايام لان الكويتين والخليجين وايد هناك ماتحسين بالغربه ابد عندنا يوم الجمعه نسويه زواره نتيمع في بيت وحده من البنات هذا غير رمضان والعيد وبعدين انتى اذا انقبلتي وعرفتي وين راح تروحين طلبى من السفاره انهم يعطونج ارقام الكويتين اللى بمنطقتج واكيد بالجامعه راح تتعرفين على خليجين وكويتين
واذا بغيتي اي شي انا بالشوفه

 

[صعب غلاها]

السلام علكم
واشلونج
اول شي الف مبروك عالتخرج
ثاني شي اذا انتي حابه تتعلمين وتدرسين لا تحاتين ولا تخافين سهاله ان شاء الله
وفي وايد بنات اعرفهم دشوا جامعات والحمدالله قاعدين يكملون وبالصيف او بالعطل ينزلون حق اهلهم او مرات اهلهم اييون اهني فلا تحاتين من ناحيه اهل ولا بعد كل يوم ادقين عليهم فتحسين بالقرب منهم
وبعد وقتج راح يكون مزدحم يعني ما في وقت يادوبج اتخلصين جامعه وبعدها واجبات ودراسه تلاقين الوقت خلص وصار ليل واهلج ادقين عليهم
فلا تحاتين راح تتعودين بالبدايه صعب وبعدها اتحسين ان شاء الله سهاله
وبالنسبه للجامعات الي ذكرتوها مع الاسف ما ادري عنها
بس اعرف ان في اورجن كويتين وكويتات وايد وسعوديات
اما انا سان فرانسيسكو
انتي اول شي راح يكون لغه لمده سنه وبعدها تشوفين جامعه الي تبينها وبعدها تقبلج جامعه او لا يعني مو شرط تكون اول جامعه لي تاخذين فيها لغه تكونين تدرسين فيها حق التخصص الي تبينه
وموفقه ان شاء الله
واذا تبين اي سؤال حاضرين

وعليكم السلاام
الله يباارك فيج حبيبتي
والله انا الكل يقولي جذي بس ماادري ليش واايد متخوفه
والله تضحكين علي اذا قلتلج ليش خايفه.. اخااف يصير اعصار ولا كارثه وانا هناك بروحي هههه
الله لا يقول طبعا اسمله علينا =p
وانا اخترت الولايات اللي بمكتب واشنطن دي سي مو مكتب مال لوس انجلوس
واشوا ريحتيني اذا يصير انا اختار الجامعه اللي ابيها بس شلون اذا قبلوني بوحده من هالجامعات حق اللغه
وابي اغير الجامعه عشان ادرس التخصص اللي ابيه شلون طريقه اذا تعرفين ممكن تفيدينا
ومشكوره حبيببتي وماااقصرتي

 

[صعب غلاها]

www.mostajed.com
موقع مفيد لطلبه المستجدين في امريكاااا
واذا استفدتي بس ابي منج دعوه اني احمل والله يرزقني بذرية صالحه سليمه يارب

مشكووووووره حبيبتي
والله يرزقج ياااااااااااارب بالذريه الصالحه انشاءالله اللي تسعدج ياااارب
ويرزق كل البناات ويااج امييييييييين

 

[صعب غلاها]

رد: رد : المغتربات بامريكا تكفووون فيدونا بتجاربكم

حبوبه لا تحاتين انشالله ماكو الا العافيه
انا كنت في بنسلفانيا سنتين ونص وقبل فتره نقلت ولايه ثانيه بس بصراحه كانت احلى ايام لان الكويتين والخليجين وايد هناك ماتحسين بالغربه ابد عندنا يوم الجمعه نسويه زواره نتيمع في بيت وحده من البنات هذا غير رمضان والعيد وبعدين انتى اذا انقبلتي وعرفتي وين راح تروحين طلبى من السفاره انهم يعطونج ارقام الكويتين اللى بمنطقتج واكيد بالجامعه راح تتعرفين على خليجين وكويتين
واذا بغيتي اي شي انا بالشوفه

وااي عااد صج انا اتمنى واااااااااايد اني اكون بولايه فيها بناات كويتيات وخليجات
وصرااحه ونااااسه واحس التجمعات هااذي تخفف الغربه حييل
وانا بصراحه اتمنى اني انقبل يا بولايه اوهايو او بنسلفانيا لااني واايد اشوف قبال عليها اكثر
اما فرجينيا تحسفت ليش حطيتها اخاف انقبل فيها ماشوف عليها اقبال كثر الولايتين الثانيتين
ومااقصرتي حبيبتي وانا ناطره القبول من الجامعه بس عشان ارتاح

 

[صعب غلاها]

رد: رد : المغتربات بامريكا تكفووون فيدونا بتجاربكم

السلام عليكم

اختي معك اخوكـ من السعوديه وانا مغترب في امريكا لدراسة الجامعه حالياّ..

اذا كنتي تبين تجمعات الكويتيين بـ امريكا او بالويلات اللي يتجمعون الكويتيين فيها وهي معروفــه فـي

واشنطن و سياتل و كاليفورنيا

بس انتي حددتي كذ1 ولايــه بتروحين لها وانا زرتها هذي كلها

بنسلفانيــا مره مره روعه وجناّن يكفي ان حولك نيويوركـ تبعد عنها 45 دقيقه تقريبا بالسياره..

من ناحية الكويتيين ماسمعت ان فيها بس فيها سعوديين واجد وفيها عوايل سعوديات وبنات سعوديات يدرسون بـ بنلسفانيا المدينه حلوه حيل بس عيوبها بالشتا فيها ثلووووج لايحووشك برادها .. بس اذا تتحملين برادها وثلوجها يوفقك يارب ويسهل عليك..

بالنسبـه لـ اوهايو ولايه حلوه جدا يكثررر فيها العرب وفيه نسبه كويتيين ولكن قليل جدا وتجمع العرب والخليجيين في مدينة دايتون و اكرون ولكن معهد جامعة دايتون مرره قوي وحلوو جدا


وفيها نسبة عوائل سعودييين وبنات سعوديات يدرسوون فيهاا .. ويميزها كثرة المحلات العربيييه

فيرجينيا ولايه جدا كبيييرهـ كأنك بدالاس او واشنطن او نيويورك فهي كبيره جدا بس اكيد فيها نسبة خليجيين ايضا بس نصيحه مني خليك بين اوهايو او بنسلفانيا واستخيري ربك وشوفي وين تروحين

واي سؤال ومساعده انشاللّه اقدر اساعدك فيها بـ امريكا لان لي سنتين فيها حالياّ..

نصيحتي لكـ اذا تبين تدرسين وماتحسين بالغربه ومعاك بنات خليجيات سواء سعوديات او بنات ديرتك الكويت انصحك تروحين كاليفورنيا بمدينة ارفاين هناك تجمع البنات ويدرسون فيها معهدها مره قوي ويعلم وجامعتها ايضا قويه على كاليفورنيا وانا زرت المدينه كثيرـر لان فيها موووول روووعه وتحسين انك بديرتك من كثر الخليجيين اللي فيهاا لاني انا ادرس بكاليفورنيا ..

!!

من ناحية المعيشه لاتخافين ولاتحاتين ماحلى واسهل من المعيشه بـ امريكـا انتي اول ماتجين بتحسين برهبه وخووف بس بعدها بتتعودين حبه حبه وبتتعودين على امريكا وصدقيني بتجيك ايام بتقولين ماتبين تردين الكويت اللي يجي امريكا ويقعد فيها فتره مايحب يطلع منهااا لان انا مثلك يوم جيت امريكا ورديت السعويه قعدت اسبوعين بديرتي ماقدرت خلاص حبيت امريكا ونظامي تعود على امريكا.. بالعكس امريكا بتعلمك تمشين امورك نفسك بنفسك واهل امريكا مرره حبوبين وبشوشين وخدوومين ..صدقيني بتحسين بالغربه بفترة اسبوعين وبعدها خلاص ...انصحك اول ماتجين امريكا وتستقرين اشتري لـ اهلك تلفون ماجك جاك راح ينفعك عشان تتواصلين ليوميا ..


وان كنتي مجتاجه شي بامريكا لايردك الا لسانك كلنا اخوان

بالتوفيق يارب ويسهلها عليك

مشكوور اخوي وماقصرت
انا اهلي مايبوني اروح الولايات البعيده اللي بغرب امريكا الي مثل كالفورنيا وسان فرانسيسكو وغيره لانه خطره
مو من السكان لاا انه يعني احتماال كبير الله لا يقوله يصير فيها تسوناامي يعني ماينقعد فيها

وبغييت اعرف راايك بهالجامعاات اللي اخترتهاا واذا تعرف عنها شي من ناحيه سهوله الجامعه وغيره يااليت تفيدني


1- varginia state university
2- varginia commonwealth university
3- ohio state university
4- university of dayton-ohio
5- drexel university
6- pennsylvania state university

هذيلاا اللي انا مسجله فيهم ونااطره القبول بوحده منهم والله يكتب اللي فيه الخير
وانااا قاعده اشوف انه الاغلبيه تجمع على انه اوهايو وبنسلفانيا احسن من فرجينيا وانشاءالله انقبل بوحده من هالثنتين
والله يسهلها يااااارب على كل اللي متغربين يااارب
وشكرا اخوي

 

[مجنونة حبه]

وعليكم السلاام
الله يباارك فيج حبيبتي
والله انا الكل يقولي جذي بس ماادري ليش واايد متخوفه
والله تضحكين علي اذا قلتلج ليش خايفه.. اخااف يصير اعصار ولا كارثه وانا هناك بروحي هههه
الله لا يقول طبعا اسمله علينا =p
وانا اخترت الولايات اللي بمكتب واشنطن دي سي مو مكتب مال لوس انجلوس
واشوا ريحتيني اذا يصير انا اختار الجامعه اللي ابيها بس شلون اذا قبلوني بوحده من هالجامعات حق اللغه
وابي اغير الجامعه عشان ادرس التخصص اللي ابيه شلون طريقه اذا تعرفين ممكن تفيدينا
ومشكوره حبيببتي وماااقصرتي

عادي حبيبتي انتي لما تدرسين لغه اتدورين الجامعه الي تبينها عن طريق ويب سايتات او مكتب الثقافي في مرشدين ينصحونج ويعلمونج فلا تحاتين من هالناحيه
وبعدها اتقدمين اكثر من جامعه والجامعه الي تقبلج يمكن تروحيلها او لا على كيفج
وشدعوه مكتب الثقافي بلوس انجلوس شحلاته لووول وبعد مسؤوول عسل والله اسمه دكتور علي كاظمي وايد حبوب
ومن ناحيه الجو والمناخ مثلي لووووول كنت اخاف واقول حق ريلي ما ابي اخاف اعاصير وزلازل بس طلع ولا شي اصلا طلع المناطق الي يصير فيها شذي مناطق بعيده وما فيها جامعات او الكويت ما ترسلهم اهناك
حبيتي بقولج شي الي يدرس اهني ترا يحس بامان اكثر تدرين ليش اهني سفاره الكويت الحمدالله تخاف وتحافظ على مواطنينها واكثرهم الطلاب فلا تحاتين شي

 

[pink chocla]

السلااام عليكم
الف مبروك التخرج والله يوفقج بالطريج الي بتختارينه

انا كنت عايشه بفيرجينيا حبيت اطمنج واييد هااديه واايد اهلها فرندلي وتحسين بسرعه ماشاء الله تتأقلمين مع الجو العام
وفيرجينيا فيها وايد اماكن تبيع المنتجات العربيه ومطاعم عربيه واماكن تبيع الحلاال يعني ماشاء الله ماراح تستاحشين بالمره وهم حولج عرب وايد , واذا عن الشووق والغربه قوي قلبج وفكري بالمستقبل اللي تتمنينه لنفسج وترا بعديين بتفقدين امريكا كل ما نزلتي الديره
الله يوفقج ويحفقظج يارب

 

[صعب غلاها]

مشكوووووووووورين حبااااااااايبي وماقصرتوا والله اللي بكتب فيه
الخير يااااااااااارب ومابقى الا القليل انشاءالله ويطلع قبول الجامعه وابشركم وحمدالله طمنتوني بانه الولايات اللي اخترتها كلها زينه

 

[ام دونه]

السلام عليكم
مبروك التخرج اختي
بس بغيت افيدج عن اوهايو لاني فيها من سنتين للعلاج بمدينه سنسيناتي
بصراحه سنسيناتي باااااااااااااااااااااااااااااااااااااااااااااااااااااايخه لابعد الحدود مدينه فقيره فيها العبيد بكميات كبيره وماادري يمكن لاني ساكنه بمنطقتهم عشان قريب من المستشفى
فيها عرب واجد من سنه كثر فيها الخليجيين والكويتيين خصوصا عشان العلاج وبنفس سكني في طلبه واااااااااجد من السعوديه وقطر والكويت
تعتبر رخيصه بالنسبه لغيرها من الولايات فيها مطاعم ومحلات عربيه
عموما الشعب الامريكي كله فرندلي وعلى قولتهم بالبدايه راح تحسين برهبه بس بسرعه راح تتعودين عليها
وماراح تضيعين او تخافين لانه تحسين الكويتين فعلا على قلب واحد
احنا بالسكن كلنا نتجمع مع بعض بكل مناسبه وكل يوم تقريبا نتعشى ونطلع مع بعض يعني الغربه خلتنا خوات دنيا

 

[كويتية بحتة]

اول شي حبيت اقولج
الف مبرووك على التخرج >> الفال لنا
ثاني شي بالعكس لا تخافين يمكن اول جم شهر تحسين صج بطعم الغربة بس بعدها عادي
الا حبيت اسألج شنو التخصص اللي ناوية تدرسينه ؟
وموفقة ان شاء الله

 

[نهايتنا قبر و موت]

الله يووفقج يا رب .~

وترووحين وتااخذين الشهاادة وتردين سالمممة وسهااالات بأذن الله ..~

 

[love love]

لا تحاتيييييين فكري لي جدام وتشجعي

 

[الليدي ديانا]

مبروك التخرج و الفال للقبول و الله يوفقج

و ماشالله خوش ولايات اللي انتي مسجله عندهم

الشعب الامريكي شعب طيب و بتشوفينهم يصيرون مثل اهلج و ربعج و لا تخافين في وايد عرب بامريكا

ماشالله تلقين بكل مكان عرب و مسلمين و موفقه حبي

 

[صعب غلاها]

مشكوووووووورين حبايبي وماقصرتوا وانا طلع قبولي في ولايه فيرجينيا

واختي كويتيه بحته انا انشاءالله راح ادرس هندسه

 

[katoya]

قوة بنات .. انا نفس حالة صاحبة الموضوع
تخرجت من الثانوية وقاعدة افكر اقدم على امريكا عساس شهر 12
بنات شنو تايدون اي ولاية و اي جامعة حق تخصص محاسبة ؟
واايييد قاعدة افكر فلي يقدر يساعدني بليز خل يرد علي