المغالاة بالديه أو القصاص .

[ام فيصل 20]

قال الله عز وجل: " وَلَكُمْ فِي الْقِصَاصِ حَيَاةٌ يَا أُوْلِي الأَلْبَابِ لَعَلَّكُمْ تَتَّقُونَ" [البقرة:179]

بدوون مقدمـآت لأني مـآ أحبهـآ بصرآآحه بـآدخل بمووضووعي مبـآشره...طبعـآ القصـآص شيء شرعي مـآيختلف عليـه اثنيــن... وله حكمـه كبيره سبحـآن اللــه...وهالشيء بعــد معرووف للكــثير....بس مووضووعي مو بشرعيـه القصـآص لآآ سمـح اللــه...لأن شرعيــته مستحيـل احــد يشكك فيهـآ...وعندنـآ القرآآن والسنــه أكــبر دلــيل....

المهم نقــآشي والشيء اللي قـآهرنــي :rgewrg: وبصرآآحـــه...مسـآوومـــه دم المقتوول....فيــه منكــم اللي بيستنكــر المسمـى اللي أطلــقته...بس بصرآآحــه...الحيــن النــآس فـآتحيــن لهم بــآب رزق كـــبير...مـآيصدقوون ولــد..أخ.. عم... خـآل...أب.. ينــذبح لـــهم...يقعدوون يطلبوون أسعــآر خيـآليــه...أسعــآآر تكـــسر الظهر...ليــه طيـــب؟...أنتم تسـآووموون على دم ولــدكــم...حرتكم وقهركــم مـآيرووح الآآ لآآ امتلت جيووبكــم بمـآل دمهم....هذآآ حـــق من حقووقكــم مـآفيهـآ نقـآش....بس ربي مـآ أمـــر بالطغى كلــه هذآآ...أطلــبوآآ بحدوود المعقوول..صحيــح اللي رآآح غــآلي لكـــم...واكيــد مكــآنته كــبيره عندكـــم...وعسى ربي مـآيحطنـآ بهالمووقـــف...ولآآ يذووقنـآآ طعمـــه....بس الحـــق حــق والعقـــل عقــــل....وفلووس الدنيــآ مهمـآ كـآنت مـآترجـــع المذبووح...بس بجد الديـــه ارتفعـــت بشكـــل مبــآلغ فيـــه...وأسعــآر بالملآآآييــــن....وبصرآآحــه من وجهـة نظري...ولو لآآ سمــح اللــه وعسى ربي لآآ يووريني ويووريكــم مكرووه بغـآلي...اني مـآ أرضى الآآ بدمـــه....ولوو أمووت مـآرضيـــت بمـآل دمه يدخل بجيبي....مهمـآ كـآنت حـآجتي لــه....وأتنـآزل لووجـــه ربي لآآ انجبـــرت...ولآآ انـــي أرضى بعديـــل لدمـــه.....

وقال الله عز وجل: " يَا أَيُّهَا الَّذِينَ آمَنُوا كُتِبَ عَلَيْكُمُ الْقِصَاصُ فِي الْقَتْلَى الْحُرُّ بِالْحُرِّ وَالْعَبْدُ بِالْعَبْدِ وَالأُنثَى بِالأُنثَى فَمَنْ عُفِيَ لَهُ مِنْ أَخِيهِ شَيْءٌ فَاتِّبَاعٌ بِالْمَعْرُوفِ وَأَدَاءٌ إِلَيْهِ بِإِحْسَانٍ ذَلِكَ تَخْفِيفٌ مِنْ رَبِّكُمْ وَرَحْمَةٌ فَمَنِ اعْتَدَى بَعْدَ ذَلِكَ فَلَهُ عَذَابٌ أَلِيمٌ" [البقرة:178].

وبرآآي القصـآص أرحـــم بمليوون مره...من الديــه اللي تكســـر ظهر أهل الجــآني...بلآآ ذنــب...وهم يحطوون اللي فووقهم ودوونهم...والنــآس تبغى الآآجـــر وتمـد لهم اللي مقدوور عليـــه...وهم يستميتوون وهم يحـآولوون انهم يجمعوون المبلــغ المطلووب...وبووقــت محدد...يعني مووت بالبطـــئ...يعني القصـآص ارحم وبعيــد...والســن بالسن والعيــن بالعيــن على مـآنقـآل...والغلطـآن يرووح بذنبـــه...ولآآ انــه يجنـــي على أهلــه...وهم يحـآولوون يسـآبقوون الووقـــت....علشـآن يـآمنوون المبـلغ المطلووب....والمووت لآآ انتهــى الووقـــت...والمبــلغ مـآتجمـــع....بيتموون يلووموون أنفســـهم طوول العمــــر....:eh_s(2):

المهم أبغى رآآيكـــم؟...
وشنوو حلوولكـــم لهالمشكلـــه العوويصــه بووجهة نظري؟...
ولآآ سمــح اللـــه ان انحطيتوآآ بهالمووقف...وش مووقفكـــم؟..
والدوور المترتــب على حكوومـآآتنـآ اتبـآعه؟...رغم ان القصـآص بدولتنـآ الكوويــت للآآســـف يندر جدآآ قيــآمه.....
وانتم مع أو ضـد تحديــد الديـــه لآآهل المقتوول؟...
والسؤآآل متووجـــه للجميــــع....
وربــــي يفرج علـــــى الجميــــــع.....

 

[manoooram]

والله انج صاجه من قبل كم يوم أفكر بهالشي صح ان الديه من حق اهل المقتول الله يرحمه
لكن المغالاة بصورة مبالغه وخياليه ليش !!
شنو الاستفاده من كل هذا ؟ المال بديل وتعويض لدم المقتول ؟!!

 

[pink^q8]

انا الصراحه من وجهه نظري اللي يغلط يتحمل نتيجة غلطه لان صارت كانها عادة اي احد يذبح اهل المقتول يطلبون دية كان الدم صار يتعوض بفلوس الله لا يقوله لو انا انحط بهالموقف اخوي او اي احد ينذبح والله والله مااتنازل عن دم اخوي او ايا كان واطلب القصاص عالقاتل عشان ارتاح يعني مثلا انا اخوي ينذبح ونطلب دية والقاتل يطلع يسرح ويمرح ويعيش حياته لا انا ماايد

 

[المرتاحة]

اختي الاسلام دين عدل

أنا لما قريت بهالموضوع لقيت ان الاسلام يقر الدية بالنسبة للقتل الخطأ اللي من غير قصد و حدد قيمتها


اما القاتل القتل المتعمد هذا له القصاص وهو القتل لكن اذا تكرموا اهل المقتول وعفوا عنه فهذا من طيبهم واذا وجائز لهم انهم يطلبون مبلغ او تعويض دينا الاسلامي ما حدده في هالحاله




الحين نرجع لقصص القتل اللي نشوفها هالايام ، أنا قريت قصة واحد قتل لانه يدافع عن شرفه و عرضه وبالاسلام يفرض علينا الدفاع عن العرض والشرف ودفعه بأقل الخسائر لكن اذا مالقى طريقه غير القتل فيعتبر ما عليه شي من الناحية الشرعية وان انقتل يعتبر شهيد


هذا حسب نص حديث الرسول عليه الصلاة والسلام بما معناه من مات دون ماله فهو شهيد و من مات دون عرضه فهو شهيد


يعني أنا ما اعرف شنو تفاصيل قصة الولد بس اللي اعرفه السعودية تحكم بشرع الله وما اعتقد بيظلمون احد


أنا هذا اللي أشوفه وعسى الله يبعد عنا و عن المسلمين المشاكل يارب

 

[قَلبڪْ صًخرْ]

طبعا مارضى بديه
ويستاهل يقتص منه

وعن ان بعضهم يطلب فلوس بالعلالي
انتي جاوبتي قلتي موت بطيء
لان ماراح يحصلونه ،،،

 

[ToOoTi]

المغالاة مرات مو قصدهم انه الفلوس بدال ولدهم .. أحتمال انه في شخصية تدخلت وقالت نبي حله ودي واطلبوا اللي تبونه .. يقومون اهل القتيل يطلبون مبلغ خيالي للتعجيز عشان اهل القتيل ما يقدرون يجمعون المبلغ ويتم القصاص في النهاية .. وللاسف مافي قانون في أي دولة يحدد مبلغ الدية .. أذا طلبها حقه .. وإذا تنازل له أجر إن شاء الله .. بس صج الفترة الأخيرة صارت مزايدات كبيرة على مبالغ الدية ..
وربي يفرجها على كل مظلوم ومحتاج .

يسلموا خيتوا على الطرح

 

[زين ودلال]

الله لا يحطنا بهالمواقف ان شاء الله

بس انا اشوف ان من حقهم هالشي وكيفهم

يعني هالشخص ذبح ولدهم بس مايبون يحكمون عليه بالقصاص وبنفس الوقت يبونهم يحسووون ان اللي صار مو شويه ولا بسهوله يقدر يطلع منها بمبلغ بسيط

يطالبون بمبلغ كبير عشان هالسوالف ماتتكرر وتصير مثل شربة الماي

لان حاليا القتل صاااااار بكل سهووووله

ومهما كان المبلغ مايعوض اللي انفقد

بس ماتدرين ممكن بهالمبلغ يسوون للميت مشاريع تنفعه عقب موته

 

[ناتشوو]

دام الشرع اجاز لهم تحديد اي مبلغ بكيفهم
ومو من حقنا نحاسبهم
والقتله المجرمين واهلهم
يبون يذبحون عيال خلق الله
وعادي يكملون حياتهم
ومايبون ينهانون وينفقرون
واي قاتل لو فيه شهامة ومروة
اصلا يطالب بتنفيذ القصاص فيه
ولايصير عبء ع اهله
بس شنقول اذا هو مجرم نفسه مريضه بالاساس