المعلمون متدنو الأداء يقاضون «التربية»

[Turquoiseya]

عدم نشر أسماء الوافدين أساء للكويتيين


المعلمون متدنو الأداء يقاضون «التربية»



كتب عبدالعزيز الفضلي:

عقدت لجنة تقصي الحقائق لتسريب أسماء معلمي متدني الأداء اجتماعاً صباح أمس ضم مستشار وزير التربية محمد الحزمي ورئيس جمعية المعلمين الكويتية متعب العتيبي وخلود الكندري من إدارة الشؤون القانونية.
وكشفت مصادر تربوية مطلعة لـ«الوطن» ان الاجتماع الذي حضرت جانباً منه وكيلة التعليم العام منى اللوغاني اطلع على الكتاب الذي تضمن أسماء المعلمين والإدارات التي تسلمت نسخاً منه، مشيرة الى أنه تم بحث كامل لملابسات الموضوع مع معرفة أسماء الموظفين والموظفات الذين قاموا بحفظ هذا الكتاب في الملفات.
وأوضحت المصادر ان اللجنة ستقوم خلال اليومين المقبلين بالبحث عن الموضوع في مكتب وكيلة الوزارة تماضر السديراوي وطرح عدة تساؤلات على الموظفين.
وذكرت المصادر أن اللجنة أبدت استياءها الشديد من طريقة التسريب متمثلة بنشر أسماء المعلمين الكويتيين دون نظرائهم من الوافدين وهذا يدل على وجود أيدٍ خفية تعمدت الإساءة الى المعلمين الكويتيين لإحراج بعض الأطراف القيادية بالتربية.
وأضافت المصادر أن المعلمين الذين نشرت أسماؤهم بصدد مقاضاة وزارة التربية لرد الاعتبار والحفاظ على كرامة المعلم فضلاً عن كون الوزارة لم تحترم خصوصية هذه المواضيع الحساسة التي تلقي بآثارها السلبية على العملية التعليمية والمجتمع بأسره.

المصدر من جريدة الوطن : http://www.kuwait.tt/ArticleDetails.aspx?Id=130749&YearQuarter=20113


ياما قلنا وصحنا وبجينا وشقينا هدومنا بعد
ان هالوزارة الوصخة تكفر وتفجر بالكوادر الكويتية خصوصا بقسم اللغة الانجليزية

وافد مانفع ديرته بينفع غيره!
ودي اصدق انه منهم فايدة بالتدريس بس ما اقدر
يمكن ندرة منهم تقريبا ماينعدون حتى على الاصابع

بصراحة اذا بيرفعون قضية عند المحكمة بوزارة العدل اوكي
اما يرفعون قضية بنفس الوزارة بيندفنون في مقابرهم وقضاياهم للحين مجمدة

اوف منج ياوزارة قلة التربية

 

[قـہۈه فـرنسيـہ™]

عسآآ عسآآ . . . وشويه بعد بحقهم

 

[ريـــمْ]

مآآلهم حق ينشروون الأسآآآمي ,,,
وشمعنى بس الكويتين صج لي قآلوآ البيت بيت أبونآ والقوم حآربونآآ ,,,
والله كنت أمووت بمهنة الأبله كآنت طمووحي خلآآص بصير أبله ولآ يصير فيني شي
كنت حدي متحمسه أصير أبله الحيين بشتغل بأي مكآآن بعيد عن التربيه
الله يسآآمحهم,,,​

 

[om mariam]

لوووووووووووووووووووووول
البيت بيت ابونا والقوم حاربونا
يعني وزارة تربية تربي اجيال يبي احد .............
لا تعليق
بس حسبي الله ونعمه الوكيل

 

[حلوى عمانيه]

مو بس وزارة التربيه لازم يرفعون القضيه على الجريدة اللي انشرت اسمائهم

 

[PuPa^^SWeeT]

ايي صح شمعنا بس الكويتيين اللي انشروو اساميهم ؟؟؟؟

حسبي الله عليهم

 

[درة أهل الطولات]

حسبي الله ونعم الوكيل

وعسى حوبتهم ما تتعدى هالشخص اللي تعمد يهينهم

 

[Cool Teacher]

مو بس الكويتين كان في اسامي لمعلمين وافدين بعد ....كلمة حق لازم تقال ...

 

[مبرووكه]

من خلال وجودي في ميدان التدريس أشوف إن أغلب الوافدين إللي إيبونهم عله على جبودنا إهم متدنين الأداء وحراميه عايشين في هالبلد لاذمه ولاضمير وشغالين دروس خصوصية بس لأن الموجهين من جنسيتهم وإحنا شعب طيب نقول حرام نحطهم تدني أداء،،
والكويتيين ما يصدقون على الله ينشرون أساميهم بالجريده ليش ومنو مصلحته يسوي جذيه ،،،،،،،،
لازم تكون لهم وقفه جاده ويكونون إيد وحده وياخذون حقهم من التربية بالمحكمة ،،،
ويكسرون إيد إللي كتب عنهم بالجريده إللي حق الفضايح جاهزين،،،،،

 

[Turquoiseya]

عسآآ عسآآ . . . وشويه بعد بحقهم

صاجة 00 شوية بحقهم
ان شالله ينفضحون اللي سربوا الاسامي

مآآلهم حق ينشروون الأسآآآمي ,,,​

وشمعنى بس الكويتين صج لي قآلوآ البيت بيت أبونآ والقوم حآربونآآ ,,,
والله كنت أمووت بمهنة الأبله كآنت طمووحي خلآآص بصير أبله ولآ يصير فيني شي
كنت حدي متحمسه أصير أبله الحيين بشتغل بأي مكآآن بعيد عن التربيه ​

الله يسآآمحهم,,,​

هذا اللي يقهر ان احنا نشتغل بديرتنا ونلقى الاهانة من اللي منحاش من ديرته ومشيخينه عندنا واهو ما يسوى بيزة

لوووووووووووووووووووووول
البيت بيت ابونا والقوم حاربونا
يعني وزارة تربية تربي اجيال يبي احد .............
لا تعليق
بس حسبي الله ونعمه الوكيل

اسمها وزارة قلة التربية والتعليم

 

[Turquoiseya]

مو بس وزارة التربيه لازم يرفعون القضيه على الجريدة اللي انشرت اسمائهم

ويبهذلون ويفضحون اللي سرب الاسامي بعد بالجريدة
العين بالعين والسن بالسن والبادي اظلم 00 قانون حامورابي

ايي صح شمعنا بس الكويتيين اللي انشروو اساميهم ؟؟؟؟

حسبي الله عليهم

مثل ما اهو مكتوب بالجريدة 00 انه كان تعمد الاساءة للكويتيين بس

حسبي الله ونعم الوكيل

وعسى حوبتهم ما تتعدى هالشخص اللي تعمد يهينهم

امين 00 الله يسمع منج

 

[Turquoiseya]

مو بس الكويتين كان في اسامي لمعلمين وافدين بعد ....كلمة حق لازم تقال ...

حبوبة كل الاسامي كانت كويتية ماعدا واحد مشكوك فيه
هل معقولة ان ولاوافد تحول اداري00 بس الكويتيين اهم الفاشلين وانفضحوا بالجرايد

انا اشتغل بقسم كله وافدين
احنا 2 كويتيات والباقي مصريات
وحدة تشتغل بضمير لانها توها جديدة عالكويت وماتمردت عدل
اما الباقي لاوسائل 00 لا لغة سنعة 00 لا اسلوب بس شغالين تخريع بالطلبة
وجودهم سد نقص وعالة عالتعليم
اختي راحت لناظرتها واشتكت على مصرية طاقة طالب لين اكسرت المسطرة الخشب على ايده
هالحمارة ماخذة راحتها بالطق لان الولد عنده مشكل بالبيت ومحد فاضي له يسمع له

شفتي هالمجرمة راح تترقى وتصير موجهة وتلعب بحسبة الكويتيات لعب

 

[Turquoiseya]

من خلال وجودي في ميدان التدريس أشوف إن أغلب الوافدين إللي إيبونهم عله على جبودنا إهم متدنين الأداء وحراميه عايشين في هالبلد لاذمه ولاضمير وشغالين دروس خصوصية بس لأن الموجهين من جنسيتهم وإحنا شعب طيب نقول حرام نحطهم تدني أداء،،
والكويتيين ما يصدقون على الله ينشرون أساميهم بالجريده ليش ومنو مصلحته يسوي جذيه ،،،،،،،،
لازم تكون لهم وقفه جاده ويكونون إيد وحده وياخذون حقهم من التربية بالمحكمة ،،،
ويكسرون إيد إللي كتب عنهم بالجريده إللي حق الفضايح جاهزين،،،،،

امبيه انتي فضفضتي عن جزء في داخلي
هذيلة مو عله 00 هذيلة اصلهم من سكان المقابر
شغالين حصالات بالديرة 00 مايشتغلون بضمير ولايشرحون
وتشوفينهم متنقلين من بيت الى بيت يجمعون هالبيزات يبنون العماير بديرتهم اللي مافيها ذرة بركة
وبالمقابلات الاشرافية ناجحين 00 شلون مادري حتى طلاقة انجليزية ماعندهم
والكويتية تسقط مليون مرة لان رئاسة القسم مو لها لعيال عمهم

 

[فـــخـــر]

الغلط غلط كويتيين او وافدين ماكان له داعي نشر الاسامي

عمري ماشفت وزاره تنشر غسيلها غير التربيه متدني مستوى

يعطونه انذار / يحولونه مكان ثاني اي شي مو يفضحونه :\

 

[TIC TOK]

حطيتي الموضوع تبين ردودنا صح ؟

تحمليني شوي حبوبه


انا شفت فيج حقد عجيب غريب للمعلمات الوافدات

انا ابلة انجليزي نفسج والاغلبيه بالقسم وافدات والله ثم والله انه فيه كويتيات بالقسم يفشلووووووووووووووووون ماكو لغه ماكو شي تدريس متدني فعلا

انا جدا متضايقه منهم

وشوفي جم وافده عندنا تدريس خيالي لغه عجيبه انا محد علمني شنو التدريس الصج الا اهما الله يذكرهم بالخير ويردهم سالمين


وبعدين تعالي اذا كلش مو مرتاحه بمدرستج ليش ماتنقلين بكل موضوع تردين وتتذمرين على هالوافدات

على فكره الكويت محتاجتهم اكثر ما اهما محتاجينا بالله من وين نجيب مدرسات انجليزي اذا راحو عنا


اكره شي بحياتي المنه والتكبر وشوفة النفس على ولا شي


وايد ابلات يتحجون عن الوافدات ويسبون جنه اهما اللي يدفعون معاشهم


يعني باختصار الزين والشين بكل مكان مو مقتصر عالجنسيه عجزنا نفهمكم يا اصحاب التفكير المحدود المتحجر المتكبر

 

[Cool Teacher]

الصج ينقال ..متضايقين حطوا اساميهم بالجريده ....ومو متضايقين انهم ماخذين تدني اداء ....هذي المشكله بس ؟؟!!!

وقلبوا الغلط عالوزارة ...؟؟!!!

صج ان وزارة التربية فيها اخطاء كثيرة لكن ايضا المدرسين ماقصروا ....وقبل مانحاسب الوزارة ايضا نحاسب انفسنا ...

 

[Turquoiseya]

حطيتي الموضوع تبين ردودنا صح ؟

تحمليني شوي حبوبه


انا شفت فيج حقد عجيب غريب للمعلمات الوافدات

انا ابلة انجليزي نفسج والاغلبيه بالقسم وافدات والله ثم والله انه فيه كويتيات بالقسم يفشلووووووووووووووووون ماكو لغه ماكو شي تدريس متدني فعلا

انا جدا متضايقه منهم

وشوفي جم وافده عندنا تدريس خيالي لغه عجيبه انا محد علمني شنو التدريس الصج الا اهما الله يذكرهم بالخير ويردهم سالمين


وبعدين تعالي اذا كلش مو مرتاحه بمدرستج ليش ماتنقلين بكل موضوع تردين وتتذمرين على هالوافدات

على فكره الكويت محتاجتهم اكثر ما اهما محتاجينا بالله من وين نجيب مدرسات انجليزي اذا راحو عنا


اكره شي بحياتي المنه والتكبر وشوفة النفس على ولا شي


وايد ابلات يتحجون عن الوافدات ويسبون جنه اهما اللي يدفعون معاشهم


يعني باختصار الزين والشين بكل مكان مو مقتصر عالجنسيه عجزنا نفهمكم يا اصحاب التفكير المحدود المتحجر المتكبر

هلا حبوبة
ردج قريته وجا دوري ارد وتحمليني 00 اوكي

انا موبس حطيت موضوع عشان ابي ردود
انا حطيت الموضوع لالفت النظر ان استهداف الكويتيين وفضحهم صار مكشوف والدليل ان حتى الجريدة كتبت مباشرة :

يدل على وجود أيدٍ خفية تعمدت الإساءة الى المعلمين الكويتيين

الشيء الثاني قلتي ان فيني حقد عجيب على الوافدين 00 انا راح اتكلم عن نفسي بس ولا ممكن اقول لج شنو تشوف رفيجتي الثانية اللي انا اهون منها بمليون مرة
اي نعم 00 لما يكون لي تسع سنوات وشايفة العجب والظلم منهم وقراراتهم اللي بس يدققون علينا احنا الكويتيات واهم لأ00 وتبوني اسكت واحبهم
لأ ومليون لأ
انا دخلت التدريس ومافي قلبي عليهم شيء
بس لما يشوفوني كويتية بروحي وتجي رئيسة قسم اتكسر فيني وتقول لي انتي ماتعرفين تكتبين حرف g بالمشبك وبنفس الوقت ادخلني بمسابقة خط عشان خطي حلو 00 بالله عليج ابي تفسير لهالشيء
لما انا اكون طايحة بالمستشفى وتجي رئيسة القسم المصرية اتضيع الدرجات اللي سلمتها لها وتحط المسؤولية علي وانا مادري شالسالفة واطنقر الناظرة وبالنهاية يطلع الحق بس مافي اي اجراء ضدها بل زادوا الشغل علي لاني طالعة من وضع مدة شهرين
لما تنبهني كذا رئيسة قسم كويتية من مختلف التخصصات ان رئيسة قسمي قاعدة تحشش الناظرة علي وانا اقول لا حرام والله انها طيبة وفي النهاية يطلع خياسها موبس علي حتى على غيري حتى الفراشات مااسلموا منها
لما اشوف لي كم مدرسة مصرية يتفاخرون انهم يطقون البنات بالذات اللي باولى وثانية وينادونهم يازفتة الطين وغيره ويحذفون الدفاتر بوجيههم 00 تبيني اسكت! احنا جايبينهم عشان يهينون عيالنا!
لما مايكون عندي غياب ومسوية كل شيء من اجتماعات وورش وماسكة انشطة واتفاجأ انهم مومعطيني امتياز وغيري اخذ00 اسالهم اقول ليش يقولون لي هذا من رئيسة قسمج وموجهج مع انهم جدامي يمدحوني ومن وراي شيء ثاني00 لما اناقشهم اقول لهم شالفرق اللي بيني وبين اللي خذت امتياز 00 شنو الزود اللي سوته وانا ماسويته00 طبعا مافي اجابة00 تبيني ابوس راسهم
لما كل يوم توجيهنا يبدع بالبدع اللي يجيبها مادري من وين واهم موقادرين يطبقونها 00 تبيني اسكت
وصل فينا لدرجة ان موقادرين حتى نشرب ماي من الكراف
لما اشوف كم زميلة كويتية قمة في الشرح والسنع تسقط اكثر من مرة بالمقابلة وغيرها اعرفهم بالاسم ناجحين واهم مايعرفون كوعهم من بوعهم
ابي اعرف ليش الوافدات نازلة اساميهم في الدورات وانا صار لي 9 سنوات مانزل اسمي الا مرة وحدة وكانت موجهة كويتية اللي منزلته باول سنة تعيين00 عقبها ماعاد شفت شيء

غيرت مدرستي كذا مرة نفس النماين اشوفها
يعطونهم احتياط يروحون للوكيلة شيلي منا الاحتياط وينقط على راسي انا
اشكره يقولون للوكيلة طب عطي فلانة احتياط!

اذا احنا محتاجينهم 00 نحتاجهم كمدرسات بس مو رئيسات اقسام وموجهين
استلموا التوجيه ولعبوا فينا

قولي لي ليش احنا موتخصص نادر لان عدد الكويتيات كبير ومع هذا رئيسات الاقسام الكويتيات عددهم معدوم بالمقارنة بالوافدين؟ اقولها مرة ثانية هل الكويتيات فاشلات مايعرفون يمسكون رئاسة القسم ولا التوجيه؟

اتذمر منهم 00 اشتكي منهم 00 اسبهم
هذا شيء خاص فيني 00 حطيت موضوع بموقع المليفي وكان اهو اكثر موضوع انقرى بين كل المواضيع وهذا يدل ان شكثر حاسين باللي انا حاسة فيه لاننا نعاني من نفس المشكلة واهي التمييز والفلسفة الزايدة

لمحتي اني متكبرة وشايفة نفسي واني متحجرة ورجعية وعقلي ميبس ومادري شنو بعد وانج عجزتي وانتي تفهمينا مع ان هذا اول رد لج علي

للاسف اني ماتكبرت ولاشفت نفسي ولاعرفت قيمتي ولايبس عقلي عدل واني موظفة كويتية بوزارة كويتية بدولتي الحبيبة الا عقب ما انداست كرامتي وسكت على ظلمهم وحيلهم وانفرك وجهي بالقاع زين بدون اي امتياز باسم الطيبة والاحترام لمدة سبع سنين متواصلة توني هالسنتين اللي طافوا فتحت عالدنيا عدل 00 عقب ما اكتشف ان تقاريري اقل من الامتياز 00 وغيري شوف العين هادة حصتها ومنحاشة واخرتها تاخذ امتياز لانها نفس جنسية الموجهة


ماعاد لي خلق عالتدريس تحت توجيه 95% وافدين

واخيرا: اختلاف الرأي لايفسد للود قضية

 

[TIC TOK]

تركوازيه كل اللي كتبتيه اي ابله كويتيه لغه انجليزيه تعانيه من(( التوجيه ))

اما بالنسبه لرئيسة قسمج هاذي حقيره ويبيلها مواجهه

غير جذي انتي مبتليه بقسم ماكو تعاون نهائيا


تدرين انه انا ساكنه ب منطقه بعيدة نص ساعه عن دوامي ومنو مضبطني؟؟؟؟؟؟ رئيسة قسمي المصريه بعد عمري والله صج صج تخاف الله ومقدره


وعلى فكره انا من اكثر المدرسات بالمدرسه كلها نشيطه (ما امدح نفسي ) واكتشفت نفسي سنتين مو ماخذه امتياز اكتشفت انه ناظرتي وموجهتي الكويتيات اهما اللي واقفين بوجه رئيسة قسمي ومايبون يعطوني الامتياز

هالسنه ولله الحمد وقفت بوجيهم عدل وعطوني 94 بعد الموت حقد وحسد غريب ليش ياربي

انا اسفه اذا ضايقتج

بس لو تنتقلين وايد احسن لج اذا الكل يتلككلج من وراج

 

[Turquoiseya]

كلامج صح وعدل ان اللي اعانيه 00 تعانيه اي ابلة انجليزي من التوجيه بس السؤال ليش احنا ابلات الانجليزي نعاني بزود اكثر من غيرنا؟
شوفي هالطلبات اللي مال امها داعي واهم نفسهم يقولون هالاشياء مطبقة عندنا في مصر
انزين احنا شكو انطبقها بديرتنا 00 احنا فاضين ماعندنا شغل!

اقسم بالله ان اكثر خلاني اكرههم اهو انهم يسمون بناتنا متخلفين 00 هالشيء احطه بذمتي ليوم القيامة
اذا البنات مافهموا قالوا الصف متخلف زبالة! كرمكم الله 00 يعني بناتنا وعيالنا متخلفين

حبوبة المسالة مو ان الكل يتكلك علي 00 انا ذكرت اني ارحم من رفيجاتي

ورئيسة قسمي سابقا عاقبوها انهم شالوها من مدرستنا وودوها لمدرسة ثانية وخلوها على راحتها تلعب في الدنيا00 صج الدنيا فوضى

انا كاتبة نقل اداري واخر خبر جايني انهم بيرفضونه وهذا وانا مدخلة واسطة 00 ودي اعرف شنو الحل اذا رفضوه اخلي ادائي متدني وما احلل معاشي واخرتها انفضح في الجرايد

انا عندي طموح دفنته سنين على الفاضي 00 كنت اتمنى سابقا اني احققه بالتربية
اول شيء بسويه اني بستغل وقتي اقرى واراجع لغتي
واشتغل بنفس مستوى شغلي كمدرسة بس بوزارة ثانية واحاول اخذ اجازة دراسية او اسافر برة اكمل دراستي حتى لو على حسابي00 المهم القى وقت ادرس وانا مرتاحة وماوراي شغل توجيه
عملي كمدرسة مافادني باي شيء لامن ترقية ولاهم يحزنون

وماله داعي للاسف كلنا خوات

 

[TIC TOK]

انتي فيج احباط كبير الله يعينج وهذا اللي قاعد يسويه توجيه اللغه الانجليزيه


اذا انتي بمنطقه الاحمدي قوليلي عشان ادليج على موجهه مالها حل لعانة توجيه اللغه الانجليزيه كله فيها

ولا بعد كويتيه بس مريضه نفسيا