المعلمات الي تخصصهم لغة عربيه / اجتماعيات

[الخاطر المكسور]

السلام عليكم


انا خريجة جامعة الكويت تخصص عربي / اجتماعيات ابتدائي

بغيت اسأل يا ابلات شلون صرتو مدرسات اجتماعيات

لان ماودي اصير ابلة عربي :eh_s(1):

الي صارت ابله اجتماعيات او عندها معلومه عن الموضوع ياليت تفيدني :eh_s(7):

 

[هيبة ملك]

الله يوفقج ياقلبي والله مادري أظن حسب الحاجة

يارب البنات يفيدونك

 

[ريانا]

صعبه الحين حيل مابي احبطك من ثلاث سنين تقريبا فتحوا المجال للتحويل سنه وحده كان عندهم نقص بالاجتماعيات الحين عندهم فاااااائض والاولويه للعربي وبيقولولج ان تخصصج الرئيسي 
هذا غير ان في احتمال يعممون مدارس المستقبل ومثل هالتخصص مطلوب خيل عشان تدرسين عربي واجتماعيات
انتي احتياط قدميزطلب تحويل تخصص نموذج رقم واحد بالسكرتاريه والله يوفقج
اذا فدتج بشي اتمنى تدعيلي بظهر الغيب
واي شي انا حاضره مابي غير دعوه

 

[الخاطر المكسور]

ريانا الله يوفقج ويحقق لج الي تبين

بس انا ما توظفت للحين .. ادري التحويل صعب عشان جذي ابي اتوظف اجتماعيات من اول شي

واحنا بالجامعه الاجتماعيات مايعتبر مساند

!!!!!!!!



الي عندها معلومه لا تقصرررر فيها

 

[ريانا]

ادري ياعمري مايعتبر مساند مو لان انا تخصصي اساسا نفسج وعارفه 
بس التوظيف دايركت اجتماعيات صعب جدا احنا ظلينا سنه او سنتين عقب حونا لا وكان حظنا حلو فتحو التحويل سنه وحده للنقص عقب صكروه بدون رجعه
والحين مع خطه مدارس المستقبل اصبح هالتخصص العين عليه عشان تدرس عربي واجتماعيات نفس الوقت
شوفيلج فيتامين واو قوي حيل يمكن تضبط مع عضو او شي اقول يمكن مع اني اشوفها صعبه على طول لان بالسستم ينزل اسمج لغه عربيه الا اذا واوج من المعيار الثقيل 

موفقه حبيبتي

 

[الخاطر المكسور]

ادري ياعمري مايعتبر مساند مو لان انا تخصصي اساسا نفسج وعارفه 
بس التوظيف دايركت اجتماعيات صعب جدا احنا ظلينا سنه او سنتين عقب حونا لا وكان حظنا حلو فتحو التحويل سنه وحده للنقص عقب صكروه بدون رجعه
والحين مع خطه مدارس المستقبل اصبح هالتخصص العين عليه عشان تدرس عربي واجتماعيات نفس الوقت
شوفيلج فيتامين واو قوي حيل يمكن تضبط مع عضو او شي اقول يمكن مع اني اشوفها صعبه على طول لان بالسستم ينزل اسمج لغه عربيه الا اذا واوج من المعيار الثقيل 

موفقه حبيبتي

ياربي ليش جذي والله ظلم


:eh_s(14):


مابي العربي جربته بالميداني يغث احس الاجتماعيات احلى


ماقصرتي ياقلبي فديتج والله يوفقج :eh_s(17):

 

[بنوتة كول]

نعممممممممممم أنا بالجامعة و بتخصص اجتماعيات
يعني ممكن أدرس عربي !!!! خيرررر إن شاء الله
بس مأكو مساند شلون أدرس لغة عربية و أنا بالإساس بتخصص اجتماعيات ؟
قفلت أهىء أهىء أهىء خبر مو حلووووو

 

[ريانا]

لا بنوته انتم نظامكم اليدي الاجتماغيات تخصص بروحه بس قبل جم سنه كان تخصصنا اسمه عربي واجتماعيات عرفتي؟؟؟
انتي تخصصج بس اجتماعيات فارتاحي مستحيل تدرسين عربي وهالمجرشيت طبقوه من ٢٠١٠ وبعد احنا ٢٠٠٨ وقبل كان عربي مع الاجتماعيات

 

[بنوتة كول]

^^^
إشوه ريحتيني الله يريحج

 

[ريانا]

شكرا عالدعوه

الله يوفقج الاجتماعيات حلووو انصحج فيه اختيار موفق 