المعلمات اليي سوو مجلس طبي تكفون دشو

[warda_76]

بنات انا حامل وبعلاج عملية انابيب ابي اشلون اقدم على لجنة مجلس طبي؟؟ اشلون شسوي؟؟ فيدوني تكفون انا باخذ مرضيات من الاسبوع الجاي:e3:

 

[باحثة الأمل]

اولا مبروك الحمل والله يتم عليج ويقومج بالسلامه انا قبل العام حملت بانابيب اولا تاخذين من دكتورج الخاص طبيه يكتب فيها 15 يوم مو اسبوعين في فرق لما تقدمين الطبيه هم السكرتاريه او الناظرة تطلب تحويلج مجلس طبي او انتي اطبي يصير
ثانيا يحولونج للمجلس الطبي اللي مبناه يم مستشفى الصباح افتحي ملف وقولي لهم انا ابي اجازة طويله منكم راح يحولونج تبع سكنج يامستشفى الصباح وهو سهالات حيل يا مستشفى العدان هو العقد كله والواسطات ولا تنيسين تاخذين رقم عشان يدخلونج للدكتورة هي راح توافق لج على الطبيه بعدين الاولى لان هالمبنى حده اجازات قصيرة مايعطون اجازات طويله واذا عندج اي سؤال انا حاضرة

 

[مل قلبي]

مبروك الحمل والله يتمم عليج انشالله
طريقة المجلس الطبي الحين غير قبل لاني في نهاية الكور الاول اخذت مجلس طبي
الطريقة تروحين لدكتورج وتطلبين منه تقرير عن الحمل ومخاطرة بعدين الله يسلمج تروحين لسكرتلرية تطلبين منهم ورقة نموذج ( 1 ) وتكتبين فيها طلب مجلس طبي وبياناتج وترقين معاها التقرير الطبي بعدين توقع عليها الناظرة وصوريها بعد ماتوقع عليها الناظرة عشان احتمال تضيع بالمنطقة
وخلي نسخة عندج بعدين يروح الطلب المنطقة التعليمية قسم الاجازات والدوام ويرسلها الى مستشفى الصباح ويعطونج موعد عشان دشين لجنة مجلس طبي
بس نصيحة اذا اوصلت ورقتج الى المنطقة خلي زوجج او اي احد كل يراجعهم ويشوف وين وصلت لان ورقتي ضاعت وقعدوا يومين يدورن وكل وحدة تقطها على الثانية
الوقت من سويت الطلب لي ماأخذت الموعد تقربيا اسبوعين والموعد كان بعد اسبوع ولما دخلت على اللجنة قالوا نطري اسبوع نعطيج الرد يعني السالفة كلها اخذت شهر

 

[*ماي الورد*]

مبرووووووووووووووووووووك
ياعمري والله فرحت لج
تروحين المنطقة قسم الاجازات و الدوام مع تقرير من طبيبج
بس للاسف تحتاج جم توقيع بالمنطقة يمكن شهر تطول اذا خلصت راح يدقون عليج
تاخذين الورفة و تروحين المجلس الطبي انتي لا تروحين خل ريلج يروح لان حوووسة و اتشوفج الدكتورة اهناك و تحولج عل الصباح
تروحين الصباح و تاخذين موعد يمكن يعطونج بعد شهر علشان تدشين عل اللجنة

 

[*ماي الورد*]

نسيت اقولج خلي عندج صور من الطبيات و الموافقات سبحان الله تضيع ورقة و لاشي
و خليهم كلهم بملف عندج

 

[البرنسيسة83]

مبروك حبيبتي .
العام انا ماخذه مجلس لا زم تاخذين من دكتورتج تقرير وبعدين توحين للسكرتاريه وتاخذين نموذج (1) تحويل مجلس طبي وتوقع الناظرة علية وتودينه للمنطقة قسم الإجازات وهم يقولولج . موفقه

 

[اسمي بين الاسامي]

مبررووووووووك الله يثبته ويسر حملج وولادتج يارب

انا سويت مجلس طبي الكورس اللي طاف نفس كلام الخوات فوق

الطريقة تروحين لدكتورج وتطلبين منه تقرير عن الحمل ومخاطرة بعدين الله يسلمج تروحين لسكرتلرية تطلبين منهم ورقة نموذج ( 1 ) وتكتبين فيها طلب مجلس طبي وبياناتج وترقين معاها التقرير الطبي بعدين توقع عليها الناظرة وصوريها بعد ماتوقع عليها الناظرة عشان احتمال تضيع بالمنطقة
وخلي نسخة عندج بعدين يروح الطلب المنطقة التعليمية قسم الاجازات والدوام ويرسلها الى مستشفى الصباح ويعطونج موعد عشان دشين لجنة مجلس طبي
بس نصيحة اذا اوصلت ورقتج الى المنطقة خلي زوجج او اي احد كل يراجعهم ويشوف وين وصلت لان ورقتي ضاعت وقعدوا يومين يدورن وكل وحدة تقطها على الثانية
الوقت من سويت الطلب لي ماأخذت الموعد تقربيا اسبوعين والموعد كان بعد اسبوع ولما دخلت على اللجنة قالوا نطري اسبوع نعطيج الرد يعني السالفة كلها اخذت شهر

صح كلامج حتى انا ورقتي ضاعت بالمنطقه التعليمية فنصيحة اخت ورده خلي زوجج يروح لان التواقيع من مكتب لي مكتب وصاعده نازله

يفضل انج تاخذين النموذجين مادري راح يوافقون ولا لا

اخذي نموذج اعتماد طبيات لانج خلال الاجراءات هذي اللي يمكن بتاخذ فوق الشهر راح تكونين غياب

فلازم تاخذين نموذج اعتماد طبيات

والنموذج الثاني توصيه طبيه علشان يعطيج الدكتور اجازة للايام الاجاية ماتزيد عن 4 اسابيع

لايصير فيج اللي صار فيني

طلبت نموذج اعتماد طبيات وعطوني بالغلط نموذج توصية طبية

ويوم جا الموعد قال الدكتور ماقدر اعتمد طبياتج لان اللي عندي توصية طبية

وليومج هذا مارجعتهم مفكرة اراجعهم بعد العيد واخذ نموذج اعتماد الطبيات واسوي الاجراءات من جديد

 

[¤§ زيتونة §¤]

مبروك حبيبتي وعسى الله يثبته لج يا رب


وان شاءالله تشوفين البيبي بحضنج اللهم اميين




انا نفسج وغبت غبت واطرش لهم كل اسبوعين طبيتي ليما نادتني سكرتيرة المدرسة وقالت ترى حولوج مجلس طبي اخذي تقاريرج وكل اوراقج من يوم العملية وروحي المجلس بمنطقة الصباح قريب على معهد التمريض هذا على خبري قبل 6 سنوات


وراح يوافقون لج لانه انابيب ومحتاجة راحة تامة



وديري بالج حبيبتي ولا تتعبين نفسج ترى الانابيب تظل حالة حرجة ليما الولادة في نظر الدكاترة


الله يوفقج ويثبته لج

 

[جلاكسي 77]

مثل ما قالو البنات بس لا تغلطين غلطتي اخذت طبيات ونطرتهم يحولوني ما حولوني راح ريلي طلب النموذج وراح المنطقه على اساس نعتمد الطبيات طبعا هالكلام كان بشهر 5 و6 اخر شي حطولي موعد اول 7 ودشيت على اللجنه على اساس بس اعتماد الطبيات اللي اخذتها جان تقولي الدكتوره ورقه اعتماد الطبيات مو موجوده مع ملفج رحت السكرتيره اللي باللجنه قالت راجعي المنطقه والمنطقه قالوا تغير القرار مافي اعتماد طبيات الا تكونيين ماخذه اجازه اسبوعين متصله بعدين حطيت موعد ثاني وكان بتاريخ 6/9 هالسبوع والحمدلله عطوني اجازه 8 اسابيع
انتي حاولي اداومين وخلي ريلج يراكض بالاوراق لين يوصل موعد اللجنه علشان ما تضيع عليج الايام بعدين يصير عليج خصم

 

[so salt so sweet]

رد : المعلمات اليي سوو مجلس طبي تكفون دشو

البنات ماقصروا

 

[مُــنية]

رد : المعلمات اليي سوو مجلس طبي تكفون دشو

اخذي مرضيات ليما يطلع موعد اللجنة كل اسبوعين جددي و سوي ما قالوا البنات انج تطلبين نموذجين اعتماد مرضيات و اجازة مرضيه علشان ما تتوهقين لانهم راح يردونج مرة ثانيه و ترى اطول مدة يعطونها 8 اسابيع و تجدد

و عسى ربي يرزقج الجنين الصالح المتعافي من قلب فرحت لج

 

[warda_76]

اشرايكم بلجنة بسمتشفى العدان لأن بطاقتى اتحول اهناك والا اشلونهم ؟؟

 

[warda_76]

اب اب اب

 

[اسمي بين الاسامي]

العدان مايمدحونها احسن شي الصباح

 

[اريج الجوري]

رد : المعلمات اليي سوو مجلس طبي تكفون دشو

الف مبرووك والله يهون عليج يارب ,,,

انزين بنات عندي سؤال ,,,

انا تقريبا ولادتي شهر 10 ,,,

يسوى اخذ مجلس طبي !!!

او اقزرها طبيات ؟؟؟

شرايكم ؟؟؟

وشكرا ...

 

[¤§ زيتونة §¤]

حبيبتي

لجنة العدان زينة ويمدحونها


توكلي على الله وقولي لهم عن ظروفج وانج معلمة ووراج لوية وتدريس وصعدة ونزلة عالدري بيعطونج موافقة باذن الله