المظاهـرات وصلت بغـداد .. هل اللي يصير تحرير للامه العربية والا تجميد !!

[اخت خالتهم]

السـلام عليكم ورحمة وبركاته


شلـوونكم شخبـااركم



بنات على قناة العربيـة

ان بـدت مظاهرات بالعراق وبدايتهـا بـ ألفين متظـاهـر


بنـات انـا ادري هذي الدول مظلومـه لكن احس في تلاعب شوي .. :eh_s(4):

يعني الطريقة والوقـت خلتني أفكر انها تجميد للامـه العربية

من بعـد سالفة اسطول الحريـة شافو ان المسلمين بدو يتحركون لفلسطين و خاصه غـزة

فـ اشغلونـا في نفسنـا ..

العراق
اليمن
مصر
تونس
ليبيا

انـا أدري إن اللي بتونـس صـار بسبب شـاب لكن المقصد التحرك والطريقة
والا هذي الدول معروف حكامها ماراح يديمون ..

و هذا رايي الشخصـي

وانتظـر آرائكـم


اللهم احفظ بلادنـا وبلاد المسلمين من كل مكـروه

 

[اخت خالتهم]

اب
اب

 

[فـــخـــر]

يمكن بس ماااعتقد بصراحه النااااس ملت

جمهوريه ويحكمها وااحد بالثلاثين وبالاربعين

سنه لا ويورث عياله جنه شي من حلاله

و صح التدخلات الخارجيه تشعللها وتزيدها وبعدين

بالعراق ابوي يقولي يجيبون اي وااحد ويحطونه وزير :s

علشان جي الديره ساايبه عندهم

بس ان شالله ان شالله مايحوشنا طشاار من ثورتهم

 

[_ظل الياسمين _]

بكل الاحوااال الاوضااع معدومه..
يايطلعون بشى ..يايموتون اكرم لهم من هالعيشه..
وربى ينصر المسلمين وين ماكانوا.

 

[اخت خالتهم]

آآميـن يـااارب .. لكـن الخـوف لو تفككت الامه العربيـة .. واهنـي تتربع امريكـا و اسرائيل على العـرش


بس احلـى شي بالثورة ان الاخبـار بكل ديره
والناس راح تعرف الاسلام والدين الاسلامي لما تسمع كلمة اسلام

 

[::كيك وعسل::]

:: ماشالله امريكا صايره حنونه على الشعوب العربيه !!! كلها خطط يهوديه واميريكيه بأتفاق مع الشيطان الاكبر ضد زعزعت الامه الاسلاميه والعربيه صحيفة ايديعوت احرونوت الاسرائيله +هيلاري كلينتون يقولون الشرق الاوسط نريده بوجه جديد اقول سودالله وجيهكم ياليهود والنصارى ::​

 

[دلوعة أبوهآ]

الله يحفظنا ويحفظ دول الخليج من كل شر وفتنه ..

 

[بتبوتااا]

الله يحغظ الكويت والخليج من كل مكروه ويسهل امور اخوانا العرب عاجلا غير اجلا ياارب ,

 

[Stylista_Q8]

امريكآ رازة ويههآ لنه مبينه ماتبي إيرآن تسيطر عَ الوضع ! :/

احس الحين تنآفس بين امريكا وايران عَ الدوول كل وحده فيهم تشجع الثورآت !

انزين انتوا شكو ؟!

الله يحفظ المسلمين والمظلومين بكل مكآن إن شآلله

 

[غ ــلا الــروح]

رد : المظاهـرات وصلت بغـداد .. هل اللي يصير تحرير للامه العربية والا تجميد !!

عســى الله يحفظ لنـآ ديـرتنـآ

 

[ماركة انثى]

رد : المظاهـرات وصلت بغـداد .. هل اللي يصير تحرير للامه العربية والا تجميد !!

العالم صار لعبة ريسك بين امريكا وايران

الله يستر ويحفظ الكويت واخوانا العرب والمسلمين

 

[amoon]

الله يحفظنا ويحفظ دول الخليج من كل شر وفتنه ..

 

[سيلينا بيريز]

رد : المظاهـرات وصلت بغـداد .. هل اللي يصير تحرير للامه العربية والا تجميد !!

الله يفكنا من كل عدو

 

[جوانا2010]

رد : المظاهـرات وصلت بغـداد .. هل اللي يصير تحرير للامه العربية والا تجميد !!

الله يحفظ السعوديه و دول الخليج والاسلاميه يارررررررررب

 

[رو&الشقاوة&وح]

رد : المظاهـرات وصلت بغـداد .. هل اللي يصير تحرير للامه العربية والا تجميد !!

شي يحير ونوعا ما الهدف منه غامض

لاتقولين حرية ... هي واجهتها حريه بس الخافي اعظم ماتدرين هو اعادة تقسيم العالم العربي؟؟؟؟هو صراع بين الدول الكبرى للسيطره على البترول والموارد الطبيعيه في المنطقه ؟؟؟

الله اعلم

الامور ماتطمن ابد والحين مو وقت تحليل النتائج لااااا الحين يفضل مراقبه الاوضاع بصمت وتيقظ

والله يستر ويحفظ بلاااااااااااااااااد المسلمين

 

[غاليه 2000]

الله ينصر الاسلام ويكفينى الفتن

 

[اخت خالتهم]

اختي خليك معاي صدام حسين + حسني مبارك + معمر القذافي + علي عبدالله صالح = صدام لو ما امريكا واللي صار كان للحين حاكم للعراق

وحسني لو مو الشعب قام عليه كان للحين حاكم ويغير بالدستور وبيسويه وراثه نظام الحكم لعياله

ومعمر القذافي عاد هذا اهبل خالص من زمان يكفي كلمته لما قال انا استلمت الشعب الليبي من 40 سنه كانو 3 مليون والحين 6 مليون

ماعندي مانقع اقصف نص الشعب بالطيارات وارجعهم 3 مليون مثل ماكانو >> بذمتكم هذا عاقل

وتونس عاد الله بالخير رئيسسهم حرامي مع انه تونس دوله سياحيه بس هو وزوجته واهلها ناهبين الأولي والتالي

تونس + مصر = خلاص طلعوهم برا السالفه انحلت قضيتهم وانشالو هالطاغيات الأثنين

الحين نجي حق ليبيا واليمن = ليبيا خلاص معمر شبه انتهى وكلها بالكثير اشهر ويفتكون منه الليبين مع انه راسه يابس وبيطلع الشيب فيهم

اليمن رئيسهم سلمي جدا اذا شاف الاوضاع تدهورت راح يترك الرئاسه بكل برود ومن غير تخريب ودمار

خلصنا من هذولا

نجي للعراق عاد العراق اصلا شبه خاربه ماعندهم رئيس سوو مظاهرات او ماسسوا نفس الحكاييه

وبالأاخير الله يستر على المسلمين بكل مكان ويحفظ خليجنا وعربنا وإسلانا كله قولو امين يالسامعين

هـلا اختـي .. و الأمـه العربيـة وينهـا ؟
ليش ما تهتم الا بشؤونها الداخليـه
ليش نخلي امريكـا وغيرها تدخل بينـا ..
ليش كله ما نتفق و وقت اللي نوصل لعدم حل .. نلجأ للحرب و التخريب ؟ مثل ما سوا صدام
ليش الامه العربية ما قالت بنحرر العراق من صدام ؟

احنـا ضعـاف .. قوة امريكـا سيطرت علينـا ,, فهمتـي علي !
كل الشغل على امريكـا
خطه لاعبينهـا و مع الظروف لقوا الخطه صارت اسهل اكثر واكثـر

نحرر ليبيـا .. نساعد مصـر ..

وبالاخيـر اهل السـلام امريكـا
واحنـا الهمج اللي ما نعرف نتحرك ولا نروح يمين ولا يسـار الا عن طريق امريكـا ..

شوفي الشعـوب لمـا تحركـت .. مـا طالبو الدول ان لازم يتنحى مثـلا القـذافـي
ليش ما قلنـا راح نشيلـه بالقـوه ..

ليش امريكا امريكا امريكا
وننطر تصريح امريكـا ..

شوفي لما اتفقو العرب بديرتهم قـدروا على حاكم الطاغيـه ..
ليش نخلي امريكـا تدخـل ..

باختصـار كلهـا فتـره .. الخريطة العربية راح تتغير فوووق تحت .. وبدايتها بالسودان ..

هذي وجهة نظري وتعليقي
انا مع الشعوب
لكن ضد تدخل ناس لها اطمـاع

 

[اخت خالتهم]

ولا تنسيـن مسانـدة امريكـا لاسرائيل
وهدف اسرائيل ان خريطتها من النيل لي الفرات
وبرايي امريكـا و احتلالها العراق جزء من الخطـه

 

[ترانيم القصيم]

طيب أيش سبب المظاهرة ؟

على أيش يتظاهرون .. ؟

: ( الله ينصر كل مظلوم و يهدي كل ظالم

إحترامي و تقديري

ترانيم القصيم

 

[اخت خالتهم]

سبب المظاهرات على حياتهم و طبعا على اللي تقوله لهم امريكـا
و نطري الدور على كردستان العراق ..
لان يطالبون يصيرون دولة بروحهم ..
وهذا اللي تبيه امريكا