المطبخ ...معلمات الرياض ؟

[كل الأسامي مأخوذة ليش؟]

معلمات الرياض عفية حدي متوهقة انا تربية عملية وماني عارفة اشلون اقدم المطبخ لاني ما شفته الابلات يقدمونه لحد اللحين والمشرفة تبيني اقدمه باجر ياريت احد يساعدني بطريقة تقديم المطبخ .. وشلون على المنبه وهل لازم يكون المطبخ مرتبط بخبرة النفط ماني فاهمة شي

اللي تساعدني لها دعوة من القلب

 

[عالي مستواها]

حاسه بمعانتج .. عانيت أكثر الكورس اللي طاف بالتربية العملي

الله يعينج


شوفي أهم شي بالمطبخ السلوكيات .. لبسي الأطفال سدريات وقبعات وقفازات وانتي البسي مريلة وأذكري الأدوات أنه ما نستخدم السكين الحادة نستخدم البلاستيك .. نغسل أيدينا قبل الأكل ونأكل باليمين نقول " بسم الله الرحمن الرحيم " قبل الأكل و " الحمد لله " بعد الأكل

انا أذكر كنا لما نسوي المطبخ مو لازم الأكلة مرتبطة بالخبرة .. بس مادري عنكم جان سألتي مشرفتكم ؟

أذكر كنا كله نسوي " عصير برتقال " أو " حليب كاكاو " أسهل شي والمنبهات فيهم سهلة

ايه نصيييييييحة لوجه الله .. إذا بغيتي تسوين مطبخ لا تخلين عدد الأطفال أكثر من 14 أو 15 ترا يجننونج .. الباقي وزعيهم على الصفوف :ggdw:



مادري ما بغيت أمر بدون ما أساعدج .. وان شالله البنات يعطونج أفكار أحسن

 

[* @ * كرستال * @ *]

يرتدون الصداري ويتوزعون على الطاولات من غير صوت كلميهم بصوت واطي عشان يهدون

بالبداية تخيلي نفسج الشيف رمزي : عشان صحتنا تكون قوية ونمنع عنا الأمراض .. ماذا نحتاج ... مثل ماذا ..

اليوم حضرت لكم عدة مقادير : خس للتزيين .. و حلقات خيار .. توست .. أنواع من الجبن ... حسب اللي تبين

وزعتها أمامكم عالطاولة كل مجموع لها نفس المقادير بطبق جماعي و أمام كل طفل صحنه الخاص وملعقته ووو

نبدأ الان باعداد الوجبة المفيدة .. لاحظوني يا أطفال وسوو مثلي ,, نفرش التوست على سطح الصحن شنو فايدة التوست أو الخبز ........

نوزع الخيار على التوسته ... شنو فايدة الخيار ... من وين نشتريه ... شنو نسوي قبل ما نقطعه ... شنو لونه ... سولفي معاهم كأنهم صديقاتج .....

بعد ما انتهينا من اعداد الطبق نسمى بالله ...... وناكل بهدوء وتكون اللقمة صغيرة ونهضمها عدل .. عشان مانسمن

اشرايكم بالأكلة اعجبتكم ... الحين كل واحد فينا بغسل صحنه وأدواته بشكل مجاميع صغيرة ... فلان وفلان وفلان تفضل الى المغاسل ولا تتأخرون لان الكل بينطركم عشان الوقت قبل لا ينتهي

وعلى ما يرجعون طلبي منهم تنظيف الطاولات .. استغلي الوقت الضايع بتكليف المهام عليهم على ما يرجعون اللي بالمغاسل .. وشجعيهم على اعداد الوجبة نفسها اليوم بالبيت مع أهلهم​

 

[كل الأسامي مأخوذة ليش؟]

يعطيكم الف عافية انشاللع يتحقق كل اللي في بالكم ماقصرتوا
من صج مشكورين فدتوني وايد

 

[معلمة متقاعدة]

ممكن تستعينين باصداري لللاصفي والتوصيل مجانا