المطاعم الايام

[بنت بلادي]

المطاعم هالايام

بنات آنا هالايام ملاحظه شي مو طبيعي وشي زايد عن حده واهو والله ما اجذب عليكم من اروح مطعم ما يمديني ارجع البيت الا قظبني عواااار ابطني تكرمون وصار فيني تسمم ....... والمشكله مو أي مطعم المطاعم اللي على مستوى ومو بس آنا هم الوالده وزوجي نفس الشي!

شنو هذا وين الرقابه والا ليش مر موسم رمضان وموسم العيد محد يحاجيهم... آنا فكرت اروح اشتكي عليهم لكن السالفه طواله... لو اقولكم اسامي المطاعم اللي تسممت منهم ما تصدقون من كثر الزحمه اللي عليهم.

منو اللي صار معاها مثلي تدخل اتقولنا

 

[((MiSS CuTe))]

ويييييييية وايد اولهم جيليز وابل بيز وفرايدز وستار بكس


بس ما اقول الا اللة يحمينا

 

[غادة الكويت]

لاتاكلون من ستاربكس اكلهم وصخ
حتى لاحظوا داخل الجامه اللي فيها الاكل والكيك تلقون بق صغار يطيرون وععععع حتى لا بغوا يطلعونهم يطفون الليت اللي داخل عشان يطلعون لان الاحشرات تتيمع على الليتات

ومركز سلطان صج كل مااتريق فيه تقلب جبدي وماارتاح الا لما ارجع واييني اسهال تكرمون
يعني بالعربي اللي اكله لازم اطلعه عشان اطيب
مايسوى علي اقط فلوسي عشان اتسمم

وابل بيز ساعات احس التشيكن فنغرز مو فرش احس جنه الديايه خربانه وطابخينها مادري بس باقي اكلهم اوكي وتوني اول امس ماكله منهم

تشيليز ماشفت فيه شي موزين ولا صارتلي اعراض عقب ما كليت منهم ولا مرة

فرايديز ما اواطنه بعيشة الله واحس صج اكله بايت

برج الحمام حطوا بااااااااااااااالكم منه خصوصا الكبه
اذا حظج حلو بيصير فيج نزله معوية
واذا جسمج مايقاوم عادي تنامين بالمستشفى ويعطونج درب
غير اني سمعت اكثر من وحدة قالتلي انهم يزيدون بالفاتورة حطوا بالكم جيكوا على الاسعار بالمنيو مع الاسعار بالفاتورة

 

[الغاليه نونو]

بقول لكم سالفه علشان عقبها تحرمون تشترون من هالمطاعم
والله العظيم يابنات كنت ساكنه بالسالميه بعماره راقيه حيل ويمنا عماره قديمه وفيها كراج له بيبان المنيوم وهالباب علي طول كل مامريت الاقيه مسكر يوم من الايام لقيت هالهندي لابس صدريه بيضه المفروض انها بيضه بس سوده من الوصخ وشكله أرف وكرشته طالعه ويحك تحت اباطه انا وقفت من باب الفضول بسأل هذا شيسوى بهالمحل المسكر المهم قلت له انتا ساكن اهني جان يقول لي لا ماما انااااا يشتغل هذا مطبخ مال مطعم تايم آوت اللي بشارع المطاعم
لاعت جبدي والله حرمت اشتري شى من شارع المطاعم رحت بوظة فارس تعرفونها اللي بشارع المطاعم شفتوا العماير اللي يمهم سكراب وخربوطه واناقاعده انطر ولدي يشتري البوظه والا هالمصري شايل صيخ الشاورما مكششششششف ويتمشا وراح حق المطعم اللي يمهم لارقابه ولابطيخ اكلهم وصخ وعمالهم اي كلام والمطابخ يالله سترك حدث ولاحرج
كل اللي فاتحين المطاعم وراهم ظهر بالبلديه ون قلتي لهم كلمه يدرونها لج الف والضحيه آنا وانتي وغيرج وغيرج وايدين ياكلون ومايدرون شسالفه

وماخفي كان اعظم

 

[*ستايل*]

وييييييع لاعت جبدىيانونو من الهندىابو كرشه
ويحك اباطه بعد وعععععععععععععع
وين الرقابه عن هالاشكال الوصخه

 

[جكورة]

وووع أباطـــه مرة وحده حده ووووع :eh_s(12):

 

[HoNeY_GirL]

وععععععععع شنو هذا

بنات ترى اكثر المطاعم مايغيرون زيت الغلي يعني يصير اسود وماكو نظافه والله العظيم انا شايفه بعيني من جم مطعم هالهنود لايلبسون دسوس ولا شيء وشوفي شنو كان ماسك قطيعه ويحط الاكل بيده
صايره مااحب اكل وايد من المطاعم حمدلله

 

[سبائك]

أحنا لو الله يفكنا من هالمطاعم جان احنا بخير

اعوذ بالله مع ان ندري فيهم وبوصخهم وفوق هذا نروح لهم بريولنا!!!!!

 

[.]

الله يعينا ...

ولا في مطاعم اكلهم يسد نفس تكرم النعمه...

 

[supermarket]

بقول لكم سالفه علشان عقبها تحرمون تشترون من هالمطاعم
والله العظيم يابنات كنت ساكنه بالسالميه بعماره راقيه حيل ويمنا عماره قديمه وفيها كراج له بيبان المنيوم وهالباب علي طول كل مامريت الاقيه مسكر يوم من الايام لقيت هالهندي لابس صدريه بيضه المفروض انها بيضه بس سوده من الوصخ وشكله أرف وكرشته طالعه ويحك تحت اباطه انا وقفت من باب الفضول بسأل هذا شيسوى بهالمحل المسكر المهم قلت له انتا ساكن اهني جان يقول لي لا ماما انااااا يشتغل هذا مطبخ مال مطعم تايم آوت اللي بشارع المطاعم
لاعت جبدي والله حرمت اشتري شى من شارع المطاعم رحت بوظة فارس تعرفونها اللي بشارع المطاعم شفتوا العماير اللي يمهم سكراب وخربوطه واناقاعده انطر ولدي يشتري البوظه والا هالمصري شايل صيخ الشاورما مكششششششف ويتمشا وراح حق المطعم اللي يمهم لارقابه ولابطيخ اكلهم وصخ وعمالهم اي كلام والمطابخ يالله سترك حدث ولاحرج
كل اللي فاتحين المطاعم وراهم ظهر بالبلديه ون قلتي لهم كلمه يدرونها لج الف والضحيه آنا وانتي وغيرج وغيرج وايدين ياكلون ومايدرون شسالفه

وماخفي كان اعظم

يبا المطاعم كلها بالواسطات

اعرف واحد كان عنده محل معجنات

سكرته البلدية لان كانت افرانه بالعمارة الثانية

يعني يسوي المعجنات واييبها المحل ( مغلفة )

بس قالوله مايصير مخالف هالشي

بعدين الاكل يتلوث




فما بالج سيخ شاورما

 

[supermarket]

على فكرة مكدونالز من المطاعم الوصخة

انا متسممة منهم واعرف واحد داش مطبخهم

دهن النقتس مثل لون العباة

 

[bambena]

انا احب المطاعم مانقدر مانروح !

والحمدالله عمري ماشفت شي وان شالله ماشوف

 

[بنت بلادي]

آنا طول عمري اشوف يا بانبينا.... على فكره ترى في ناس معدتهم اتحمل حتى لو الأكل فيه شي وفي ناس معدتهم ما اتحمل لو ذرة وصخ.

آنا اقولكم ابأي مطاعم اشني تسمم:

مطعم قيصر الهندي اللي بالسالميه رحتله ثالث يوم العيد وتسممنا آنا وزوجي والوالده..... احنا من دخلنا والا ريحته الا لا يراويكم عوووع قلت للوالده وع اشهالريحه قالت ريحة دهن روس مال الهنود!!!!

ومطعم ميس الغانم انصدمت يوم تسممت منه مع اني على طول آكل منه منزمااااان.

مطعم روبي تيوزدي يابولنا صمونه ريحتها محمضه ( هذا برمضان )وبس قرمت منها نتفه بطني ذبحني.

مطعم زيتونه وليمونه اللي بالعديليه بالفرع هذا مطعم يديد ووصخ.

مطعم كنتاكي خو هذا آنا حاطه عليه Xxxxxxxxxx واذا حطو غذاء حتى الاشباع اقول (غذاء حتى التسمم).

مطعم هارديز مره تسممت من صمونتهم اللي على مشروم وكرهتها.

طبعا اللي حاشني منهم على مدى سنوات يعني مو ورى بعض على طول تسممت منهم كلهم.

 

[((MiSS CuTe))]

لووووووووووووووووووول غداء حتى التسمم وانا بعد تسممت من برجر كنج كيفان والسالمية

 

[سنابل]

نعد و نغلط بالمطاعم الوصخة

انا تسممت من كوكتيل جمعية السرة .. و الله مريت بحالة .. عمري ما حاشني اسهال و تسمم مثل اللي حاشني ذاك اليوم ..

قاعدة احاول اقلل من اكل المطاعم .. بس استغفر الله ، لو نبي نطلع مع ربعنا و نستانس ما نطلع الا طلعة اكل !

يا حلات اكل البيت بس

اللي من لو شنو ما آكل منهم بعد .. كنتاكي .. هارديز .. تكا .. مطاعم شارع المطاعم .. و ماكدونالدز صايرة ما اشتهيه هالايام كلش .. و ستاربكس نفس الشي ..

و السلطات بالمطاعم كلها حطوا بالكم منها ما ينظفون الخضرا عدل

بس مادري كبابجي انا اشوف انه انظف الموجود ، و لا شرايكم ؟

مشكورين بنات على مشاركتكم .. نبهتونا على مطاعم نحاول نتجنبها

 

[dima]

staghfarallah

ana mara tesamamt men pizza hut way banat alah laywarekom shsar fene walah ene shft el moot mo tasamom 3adi

alah yakfena elshar enshalah

 

[بنت بلادي]

مطعم كبابجي هم وصخ اللي بالعديليه والله مره رحناله جان اييبلنا الأكل بارد وبايت والتبوله فيها رمل جان انقوله غيرها وغير الأكل كله.

 

[زلابيا]

روبي تيوزدي رحتله مرتين وكل مانطلب لازم نلقه شعر وييييييع

هارديز وكنتاكي ما اشتهيهم صايره تحسين المطعم لي دشيتي وصخ مادري عشان اللي يشتغلون في مصاروه!!!

وبرجر كنج مره طلبت منه تشيكن رويال وانا آكلها ولا اشوف الديايه سوده من داخل استغفر الله قمت وقطيتها!!

شارع المطاعم الله يزيد النعمه ماحبه

ابل بييز احس اكله بايت!! الدياي لما نطلبه معرفط شكله كلش مايغري !!

 

[HoNeY_GirL]

ذكرتوني بنات
ثالث يوم العيد رحنا قيصر اللي بحولي اول شيء شفنا شعره بصحن ولد عمتي وسكتنا ثاني شيء جان بنت عمي اتقول بصحني فيه شعر امبييييه لا صج شء ارف
وناديت واحد منهم واشرت على الشعر ويه تغير وخاف وقام يتعذر وانا ال

 

[HoNeY_GirL]

ذكرتوني بنات
ثالث يوم العيد رحنا قيصر اللي بحولي اول شيء شفنا شعره بصحن ولد عمتي وسكتنا ثاني شيء جان بنت عمي اتقول بصحني فيه شعر امبييييه لا صج شء ارف
وناديت واحد منهم واشرت على الشعر ويه تغير وخاف وقام يتعذر وانا ال