المشي ونط الحبل !!!

[ريري-14]

السلام عليكم بنوتات ؟!!!


انا اليوم اول يوم رجيم خففت شوي ومشيت نص ساعه ونطيت حبل 10 مرات بس وماكليت شي بعد مامشيت ؟

كويتيات شنو الاكل اللي لازم اوخر عنه لانه انا ابي 10-15 كيلو تقريبا على مايتعدل جسمي ؟

وشنو اسوي عشان مااخرب رجيمي ؟


ناطره ردوووودكم ....

 

[الصواني]

رد : المشي ونط الحبل !!!

تحتاجين برنامج غذائي

 

[عشقي اناني]

رد : المشي ونط الحبل !!!

وي رجيم النقاط وادعيلي

 

[كيكه توفي]

رد : المشي ونط الحبل !!!

ليش ماتشوفين ريجيم من قسم الانظمه وتمشين عليه أحسن لج

 

[فتاة البحر]

رد : المشي ونط الحبل !!!

-ودعي المقالي
ودعي اكل عقب الـ8
-ودعي التو متش سكر بالحلويات والشاي
-صيري رباعه ويا السلطات والشاي الاخضر والاشياء المشويه
-قللي ملح لانه يبني جدار حول الدهون ويكون صعب انها تذوب
-ريااااااااااااااااااااضه
-رابعي الماي

وووووووووووبس:d

 

[الدفا 1986]

حبيبتي كثري من شرب الماي و امشي على السنة النبوية يعني اكلي ثلث بطنج بس هذا احسن ريجيم

 

[بطة رشيقة]

شوفى اختى انا ابى اقولج اللى عندى وان شالله كلنا نلتزم انا البرنامج هذا كنت ماشيه عليه ونزلنى الحمدلله بس بس للاسف تركته والحين انا بعد محتاجه عشره كيلو او 15 وحتى لو 20 كيلووووو هم الف الحمدلله ..

المهم انا كنت اسوى ... الله الحين صار كنت وانا اول شحلوى ملتزمه اخ يالدنيا بس ان شالله راده من يديد ان شالله ... خلصينا زين البنت تنطرج ..

المهم شوفى حبيتبى انا كنت اقسم يومى على 5 اقسام

ريوووق .. يعنى يكون توست وجين وعصير و جاى حليب وحلوم او صمونه فيها تيركى وخس وجبن وجذى يعنى

على الساعه 11 او 10 اخذ جاى اخضر

على الساعه 12 اخذ سناك قهوه وبسكوت قهوه وقطعتين كاكاو صغير جاى اخضر ثانى مع مكسرات تفاحه برتقاله او عصير يعنى اى شى يعتبر سنااااك

الغدا

اى شى مشوى او شوى عيش 5 او 6 قفاش عيش وصدر دياى روب سلطه ... يعنى اى شى يكون بدون دهن

العصر سناك ثانى اى شى من فوق

العشااااا يا مثل الغدااااا او مثل الريووووق او تقدرين تاخذين تبوله مع روب وحبه فاكهه ...

والمشى نص ساعه يوميا وانا كنت انط حبل والعب على القرص الدواااار وانط حبل وكنت اشرب ماى وايد من 6 الى 7 اكواااب

والحمدلله نزلت عليه وايد وكنت اروح مطااااعم وكل شى وماحرمت روحى وكنت اعرف شنو اطلب وخلال سنتين ونص وانا ملتزمه بس من رمضاااااااان وانا خايرته ورد زاد وزنى وايد ...

الله يوفقج ان شالله وانا باذن الله تونى باديه واذا تبين نشجع بعض انا حاااااااضره ... عطينى خبر وانا حاضره ​

 

[fmfmfm]

رد : المشي ونط الحبل !!!

مافي شي يسددددددددددددددددددددالشهية عطونى حالالالالالالالالالالالالالا

 

[فجر_الكويت]

رد : المشي ونط الحبل !!!

ان شاء الله تضعفين بصحه وعافيه يارب :eh_s(17):

 

[شذى الحب]

ان شااءلله كلنا نضعف يصحة وعافية يارب :yaaaaaarb:

 

[ام دليار]

رد : المشي ونط الحبل !!!

:n2006107:

 

[Sweet Brunette]

رد : المشي ونط الحبل !!!

شربي ماي وايد و كثري سلطات و لا تحرمين نفسج من اي شي
انا اعشق شي اسمه ككاو و قبل فتره قطعت الككاو مره وحده عشان اضعف و بعدين ما قدرت اتحمل و قعدت اكل ككاو 24 ساعه, فا انتي لا تحرمين نفسج من الاشياء اللي تحبينها بس ان لا تكثرين منها وايد
وانشالله تضعفين :ggdw:

 

[Miss sensitive]

حبيبتي كثري من شرب الماي و امشي على السنة النبوية يعني اكلي ثلث بطنج بس هذا احسن ريجيم

اي والله كلامها عدل
وازيدج بعد الممنوع منهاا باتا بالبطاط المقلي والبفك والبيبسي

اما الكاكاو تقدرين تاخذين عن خاطرج كل يوم شوي
مثل كسرتين من الجالكسي ماراح تاثر معاج

 

[مفرفشه عالاخر]

لاتمشين على رجيم بدون مايقولج دكتور تغذيه ولا بتصيبح امراض مصيببببببببه لا سمح الله

 

[Miss McDonald]

.



شنو فصيله دمج ؟
في أطعمه تمتن وتنقص على فصيله الدم :eh_s(15):