المشي خلال الاشهر الاولي من الحمل

[ام سلومd]

بنات سؤال الي تمشي و تسوي رجيم قبل لا تحمل و اكتشفت انها حامل خاصتا انها تمشي ساعة كل يوم و توها حللت انها حامل هل يضر بالجنين و لا لا و لا تتم على مشيها لانها صج خايفة و الحين بعد بتسافر شهر 6 يعني عمر البيبي 3 اشهر تقريبا هل هذا زين حقها



عفيه كل وحدة تجابوني الي كان عندها خبرة بالموضوع لانها البنيه صج صج مترددة على السفر و السبب الحمل لانه فيها مشي مسافات طويله

 

[أم عبود 2011]

شوفي حبيبتي المشي زين للحامل بس يفضل بالأشهر الثلاث الأولى إن الحامل تريح عمرها كثر ما تقدر علشان ربي يثبت لها الحمل
وبالنسبة للسفر قبل السفرة تراجع الدكتورة ولو كان وضعها ووضع المشيمة والبيبي تمام تتوكل على الله لكن أنصحها تكنسل السفرة لو ما كانت ضرورية علشان البيبي وكل شي بعد الولادة إن شاء الله لاحقة عليه

 

[سيلينا]

حبيبتي يعتمد على حملها ووضعها

يعني انا كنت امشي وطلعات ونزلات المدينه فيها جبال كان يجيني الم بالمبيض
وماكنت ادري اني حامل
واستمر المشي والتنظيف بالبيت وعادي الحمل كان سليم ماصار فيني اي مضاعفات

واختي كانت مسافره ومابقى لعبه خطره الا ركبتها وطراد يكفخ فيها وهي ماتدري من اساس
انها حامل ومافيها الا العافيه على عكس في حملها الاولي كانت تاخذ ابر تثبيت وضع حملها ووضعها اختلف عرفتي

يعني يعتمد على وضع المرأه نفسها خليها تروح تراجع دكتور وتسال من ناحيه وضع حملها وهل حالتها تسمح انها تسافر

اما بخصوص المشي اذا كان في حدود الطبيعي مو تهلك روحها ما اعتقد انه بيأثر مع انه يأثر على البعض ويصير عندهم نزول بالمشيمه
يعني المحك الاول والاخير وضع حملها وحالتها

الله يثبت حملها ويسهل عليها يارب​

 

[iLLuMinaTion]

الله يثبت حملها ويسهل عليها يارب

 

[ام سلومd]

انزين بنات على السفر المشكله مع عيالها و عيالها بعضهم صغار يعني في شي منهم لازم تشيلهم و تحطهم تكنسل السفر احسن