المشي,, المشي ... كل الي يمارسون رياضه المشي يدشوون (( تجمـــــــــــع))

[احـــ فراشةـــلى]

هاااااااااااااي

بنااات شلونكم

بنات انا يتلي فتره كلا امشيييييي عندنا جهاز مشي بالبيت والحين قطعت المشي للعلم انا ضعييفه بس احس ان جسمي مو مشدود فبسالكم المشي يشد الجسم؟ وبسألكم بعد عن فوائد المشي

والي تمارس المشي تقولي شنو حست وشنو الي تغير فيها

وبالنهايه خلونه نشجع بعض وكل وحده تقول جم كيلو تمشي باليوم

 

[بنـ العـزـت]

انا بعد بعرف منو جرب

لاني شريت الجهاز وبمشي من اليوم

 

[نور الشمس 75]

انا عندي جهاز مشي
بس احس المشي بالممشى وايد احسن
الجهاز تملين وتتعبين وانتي تمشين وتقولين بس ابي اخلص المسافة اللي مقرره امشيها
لكن بالممشى تحسين الجو طبيعي وكثر ما مشيتى عادي تمشين بعد وبعد لما تحركين ايدينج وانتي تمشين يشد الجسم كله

انا عندي جهاز مشي واخليه واروح الممشي بس اذا كنت مضغوطة وما عندي وقت امشي بالبيت

واكيد المشى له فوائد ما تنعد كافي انه يخلي الكولوسترول والدهن اللي بجسمج يروح وهم زين للقلب والجهاز التنفسي
وبعد زين للي يعانون من الأمساك وبعد زين للجهاز الهضمي يخليه يتنشط

 

[نور الشمس 75]

نسيت اقولج انه انا امشي باليوم 2500 متر يعني كيلوين ونص بجهاز المشي
واذا بالممشى ممكن امشي اكثر ممكن 3 كيلو

 

[خوش بنيه]

ودي اروح امشي

 

[اهات الصمت]

انا امشي بجهاز المشي بس يملل احسن بالممشى

 

[ريـــانـــه]

بصراحه انا شريت جهاز المشي


بس خساره مامشيت الا يمكن مرتين

احسه يمللللللل :0bee2e8d89:

بس لما رحت امشي بالممشى

فرررق كبير خصوصا اذا كان الجو حلو

انا امشي واعيالي يلعبون بالالعاب الي باللممشى

يعني ضربت عصفورين بحجر

منها انا امشي ومنها عيالي يستانسون ويرجعون دايخين _03BA:




والي حسيت فيه لما واضبت عالمشي فتره طويله مع الريجيم نزل وزني يمكن 15 كيلو


وراح بطني مع ان ماصارلي سنه والده وقتها كنت طايره من الوناسه :dddds:



وفوق هذا النفسيه تتحسن
والمشي يشد كل الجسم
نصيحه للكل الجو الحين بدا يحلو يعني وقت حلو للمشي

 

[nandeny]

انا احب المشي بره بس عندي جهاز للازمات يعني غبار ولا شي صعب اني اطلع امشي بالبيت لكن اذا الجو بديع اطلع بره

 

[احـــ فراشةـــلى]

مشكوووووووووورين

وانا صارلي فتره امشي كل يووم بس من رمضان قطعت المشي

والحين برد امشي

 

[شكيرا]

والله يابنات المشي بالممشى او الحديقه افضل الف مرة , تدرون ليش ؟ لان الجو الخارجي يكون مشبع بالاكسجين , والاكسجين غذاء العضلات , يعني الاكسجين اهو الاساس لحرق السعرات الحراربة , وكل مازادت كمية الاكسجبن المستنشقه كل مازادت عملية الحرق , يعني مشي ساعة عالجهاز يحرق تقريبا 350 كالوري والمشي بالممشى او بالحديقه ساعه يحرق 450الى500 كالوري , والمشي ينزل الوزن ويشد لكن له شروط مايكون ببطئ شديد , يكون سريع نوعا ما , واذا تبون يشد جسمكم لازم قامتكم تكون منتصبه خلال المشي , والبطن تشفطونه لداخل ,وتنفسوا بعمق , ولازم تشربون ماي كافي , لان الماي فيه اكسجين يضاعف عملية الحرق, صدقوني بنات راح بنزل وزنكم ويشد جسمكم بسرعه , بس لاتفوتون ولايوم , واستغلوا الجو الحين صار روعه بالليل :ada::ada:

 

[احـــ فراشةـــلى]

مشكوره شاكيرا حبيبتي وانشاءالله بحاول اروح الممشي لان ماعندنا مكان بحديقتنا

 

[خوش بنيه]

ايه والله الجو وايد حلو حق المشي

 

[شوق و حنين]

:ada:خوووووووووووش تجمع:tomato2: وخروا دنّولي:tomato2:

يا حلات المشي إينن بس جهاز المشي ما أنصح فيه عن تجربه شخصيه الحسنه الوحيده إنج ممكن تلعبين عليه ساعتين متواصلين وانتي قبال التلفزيون بس النتيجه
-
-
-
-
-
-
-
آلام في الركب:0bee2e8d89:
أنصحكم بالمشي الطبيعي حتى إني سمعت سبحان الله فوائد المشي على الأرض فيها فوائد صحيه عشان سالفة الجاذبيه بس للأسف نسيت الشرح العلمي بالتفصيل لأن هالمعلومه ماره علي من زماااااااااااان

والمشي إذا استمريتي عليه عدلللللل إنسق الجسم وضعّف بس ما يشد إذا كانت الترهلات بشكل زايد
ييبي عندج بالبيت هالجهزين وادعيلي
ستبس
الغزال الطائر بس مو أي واحد
اللي لي لعبتي عليه ريرلج تدور عليه مثل مثل دوران القاري مو مثل التزحلق عالجليد<<<<حلوه هذى:dddds::dddds:
وإذا ظروفج تسمح سوى معاهم مساج تخسيس ونتايجج بتكون واو

والتفاصيل بتوقيعي_03BA:

 

[bano0ota_cool]

^^ دام انج نسيتي المعلومه انا بكملها عنج
فوائد المشي حافيه تفرق الشحنات الي بالجسم
.
.

بصراحه انا صارلي تقريبا 5 ايام امشي على الجهاز بس ربع ساعه اذا كثرت 20
لضروره احكام
معنه عندي المشي بالممشى احسن وماتملين بس شنسوي بحكم الشغل والدراسه ..والله امشي على الجهاز وعقب ماخلص القى روحي دايخه
.
.
وشكرا
<<الله يثبتنا ونواضب على المشي

 

[اقووول حدج شي]

انا كل يوم امشي بالممشى وااااااااااااااايد احسن من الجهاز نفس ما قالت الاخت الجهاز يسوي خشونه بالركبه وانا يسببلي دوخه والحين اذا طاف يوم ما مشيت احس بضيقه خلق منها تغيرين جو ومنها تحرقين سعراتج الحراريه انشالله البنات كلهم يتشجعون عالمشي بعد مايشوفون موضوعج يعطيج العافيه

 

[ترف 111]

لازم تمشون وانتوا شافطين بطنكم للداخل ضروري

 

[مـاي العـين]

خوفتوني من الآله!!!

معقوله تسبب خشونه بالركبه؟؟؟؟؟؟؟؟؟؟؟؟

توني بديت امشي عالآله و وااايد ارتحت عالمشي عليها

 

[diamonda]

انا بعد من تاريخ 9 هالشهر بديت امشي كل يوم نص ساعه مشي سريع وبالممشى
لان الجهاز امل منه وبسرعه اتعب وغير جذي صح احس ركبي تعورني
وما اتشجع امشي عليه
بس بالممشى يضيع الوقت وحتى لو تعبت اكمل

بس بنات قاعده امشي كل يوم والف بطني بنايلون وفوقه المشد اللي من الصيدليه
واكل وجبة وحده باليوم مشاوي من غير نشويات
ولما ايوع اكل روب وخيار او اسويلي عصير فواكه
وفوق كل هذا مو قاعده اضعف كلش ليششششششش؟؟؟؟
اضعف بس بالجرامات وبعدين ارد جم جرام وارد اضعف جم جرام
بسسسسسسسسس!!!!
بفهم ليش قمت اتحبط ومو متشجعه امشي لان ما شفت نتيجه

 

[(رينا)]

لايصير فيج احباط ولاشي يمكن راح ينزل وزنج بعد فترة فجاة ووايد

 

[*shog*]

اليوم ان شاء الله ببدأ المشي​