المشروب السحري لعلاج الامساك عند الطفل اضافه لفوائده الرائعه

[فرح79]

السلام عليكم
خواتي ابني كان يعاني من الامسالك عمره 5 شهور فجربت مشروب التمر مع الينسون والله روعه وانتو بكرامه اخرج بعدها بساعه تقريبا

الطريقه
تجيبين 3 تمرات وتشيلي النوا وتنقعيهم بماء حار نص كوب تقريبا لساعه بعدها تحركيهم وتصفيهم وتضيفي على ماء التمر ينسون يكون منقوع بنص كوب ماء حار يعني شوي منقوع التمر وشوي ينسون
وتعطيه للطفل يجي تقريبا رضعه اولا طعمه مستصاغ جدا للطفل
التمر فوائده رائعه ويساعد الطفل لما يسنن الرسول صلى الله عليه وسلم كان يحنك الطفل بالتمر
والينسون مهدئ ويشيل االمغص
و
و طبعا الرضعه مشبعه للطفل لانه التمر غني بالعناصر المفيده
لاتنسوني من الدعاء وياريت اللي تجربه وتحس انه طفلها استفاد تحكيلنا

 

[ام اغلى الناس]

مشكوره
وجزاج الله خير
واجد يمدحون التمر
بس جربته مع ولدي مارضى يشربه
ماحبه

 

[نوسآ]

جزاج الله خير عالمعلومة

 

[@ام يوسف@]

جزاج الله خير

 

[دلوعت مودها]

اي يهبببببببل كله اعطي حق ولدي بس انا اشربه كل واحد بروح
ما اخلطهم المره اليايه بجرب احطهم مع بعض..
مشكوووره عالتذكير

 

[بيرلا ستور]

ايه انا اعطي ولدي منقوع التمر روعه والله ويقولج له فوايد وايد مو بس للامساك
بس ما اخلط معاه شي

مشكورة

 

[لياحه بنت لواح]

جزاچ الله خير

 

[فرح79]

فوائد التمر لاتعد ولاتحصى ويقولو انه مفيد وقت التسنين الطفل ما يشعر بالم التسنين اضافه ينمي قدرات الطفل

 

[طيبة83]

انا اعطي بنتي prune مجفف اهرسه لها مع الفاكهه ماشاء الله وايد زين

 

[فرح79]

اختى طيبه83
من وين ممكن احصله

 

[نـعـومـه]

صح التمر زين للامساك

بس بنتي تعودت عليه اول بس اعطيها تمر تخرج علطول الحين عادي

 

[طيبة83]

موجود في لولوهايبر ماركت اسمه

dried prune او dried plums

بس اهوا يصلح للياهل الي عمره فوق ٦ شهور الي يقدر ياكل تطبخينه مع تفاح ولا كمثري

 

[فرح79]

موجود في لولوهايبر ماركت اسمه

dried prune او dried plums

بس اهوا يصلح للياهل الي عمره فوق ٦ شهور الي يقدر ياكل تطبخينه مع تفاح ولا كمثري

مشكوره حبيبتي

 

[Zaina-al-zaina]

تسلم ايدينج اخت فرح

 

[سلاسل ذهبيه]

جزاج الله خير

 

[Lady H]

أنا بعد اغلي الينسون 5 دقايق وخليه يبرد شوي
اشخله واحط معاه حبتين سكر نبات واعطيه بالرضاعه عجيييييب حق الامساك
واعطيه من النفاس عادي للحين عمره سنه

 

[zain-alq8]

يزاج الله خير يالغاليه

 

[حبيبه ببي]

مشكوره

 

[om MaRyooM]

مشكورة ماقصرتي