المشروبات الأكلات المضرة للحامل موضوع للمشاركة

[كاملة الدسم]

شلونكم بنات وشلونكم يا حوامل ؟
موضوعي واضح عن الأكلات والمشروبات المضرة للحامل يالين كل وحدة تدش وتسدح لنا معلوماتها وخبرتها؟

بالنسبة لي بقولكم :
الأعشاب من زنجبيل ودارسين وغيره
النعناع امن الشاي الاخضر امن بعد
الشاي والقهوة مرة وحدة باليوم
الابتعاد عن الكيوي والاناناس والبابا يا


المايك لكم ياحلوين
ترا في بنات اول حمال لهم
وفي بنات ما يعرفون

 

[Aloe Vera]

كلشي عادي بشرط كمية معقولة
حتى الدارسين و الزنجبيل و الكيوي و الاناناس و البابايا عاااااادي بس كمية معقولة

 

[أأأميرة الورد]

يسلموو على الموضوع

 

[DivaQ8]

قريت ان التبوله مو زينه لان البقدونس يسبب تقلصات بالرحم
اول شهور طبعا
التمر قالولي مو زين باول شهور

 

[DivaQ8]

والقهوه وخروووا عنها نصيحه مع ان دكتوري قال ما تضر اذا بكميه قليلة
بس انا سوتلي مشكله بدقات قلب البيبي
و ماعرفوا الدكاتره من شنو و لما سويت بحث بالمواقع الأجنبية اغلب الي صار فيهم هالشي كان من القهوه
نصيحه قطعووها نهائيا فترة الحمل

 

[احساس السعوديه]

اللي اعرفه مضرر ( دارسين زنجبيل اناناس مره ). ويقال البقدونس بس ابي اتاكد مدري جد ولا. والمفيد حليب طازج بارررد والكافيين مفروض الحامل تقلل منه. والمشروبات الغازيه مضره. بس ابي ارف الشيبسات والشوكلاته كيف وضعها ؟؟

 

[حوريه ...]

التمر يهيج الرحم قالته لي ممرخه

وبعد قالت عن
الفلفل الاسود والاحمر والشطه والسومطرا والمعبوج
وكل شي حاااااار لانه يفتح الرحم


سمعت عن الجزر باول ثلاث شهور ممنوع

 

[اخت الدكتور]

الاعشاب وخاصة الحلبه والاكلات اللي فيها فلفل والقهوه والتمر والمانجا

 

[مزآجيه!]

اكلي باعتدال وان شاءالله ما من مضرّه

 

[Hla Bee]

انا دكتورتي قالت اللحوم الورديه ( المرتدلا و النقانق ) ممنوعه طول فترة الحمل


واصلا مضره حتى لو مو حامل

 

[شطانه طفله]

الفلفل والحوامض

 

[ظبية بوظبي]

القهوه قريت مقال طبي عنها
مضّره ف كثرتها في فتره الحمل .. اولا ما يثبت الحمل. ثانيا تقلل من وصول الاوكسجين للجنين هالي اتذّكره

ألعسل مب زين مرت اخوي افتكت عليها المشّيمه وترقدت اشّهر فالمستشّفى واخرتها ولدوها عالشّهر السابع

اللحوم البارده الي مثل النقانق والمرتدلا والذّ ي منو بعد تجنبيها عشّانها مب نظّيفه. ممكن تتعرضّ الوحده لخطر التجرثم

والتونه والاسماك الكبيره لان فيها رصاص ..

 

[M!SS.LOBY]

اكلي باعتدال

 

[Sohai]

شلونكم بنات وشلونكم يا حوامل ؟
موضوعي واضح عن الأكلات والمشروبات المضرة للحامل يالين كل وحدة تدش وتسدح لنا معلوماتها وخبرتها؟

بالنسبة لي بقولكم :
الأعشاب من زنجبيل ودارسين وغيره
النعناع امن الشاي الاخضر امن بعد
الشاي والقهوة مرة وحدة باليوم
الابتعاد عن الكيوي والاناناس والبابا يا


المايك لكم ياحلوين
ترا في بنات اول حمال لهم
وفي بنات ما يعرفون

الزنجبيل والدارسين والاناناس كلاها تسوي
اجهاض الله يثبته لكي اسألي الدكتوره
لاتسوين شئ تندمين عليه في الاخر لا تكثرين
من سكريات اوالموالح علشان لا يصير سكر
او ضغط

 

[الـجـوري]

اللي اعرفه الخططر حييل الرشااد ..
والحبه السووده ..



اماا البااقي .. الاناناس والكيووي لْۆ مضرات جان ماعطو اختي بالمستشففى كانت منووومه
واهي حاامل .. سالتهم !! قالو لْۆ مضر جان ماعطيناج ايااه ..


ۆاللَّہ اعلم .. وكل شي بيد ربج ..

 

[Mrs.H]

راجعت عند دكتورتين

الاولى قالت: الجبدة والجزر ممنوعين باول 3 شهور لان فيهم كمية عالية من فيتامين أ

الثانية قالت: الفلفل ممنوع باول الشهور لانه يسبب سيولة بالدم

 

[Mrs.H]

على فكرة الزنجييل في نوعين من الاراء بتسمعينها.، الراي الاول يقول انها توخر الوحام والراي الثاني يقول حارة عالرحم .. وعموما انا ما اشرب زنجبيل بس نستخدمه في الاكل وحمدلله مافيني شي