المسافة من الكويت الى ماليزيا على الطيران السيلاني؟؟؟

[البيداء_77]

مساء الخير يا بنات



سؤالي اللة يعافيكم جم ساعة يكون الطيران من الكويت الى ماليزيا عن طريق الطيران السيلاني؟


الي جربت الطيران السيلاني تقولي اللة يخليكم لا تطنشوني لاني اخاف من الطيارة

 

[سيد-الغنادير]

من الكويت لي سيلان 6 ساعات ومن سيلان لي ماليزيا 3 ساعات

 

[mooomooo]

بالسيلانية

اول شي دبي ساعه

ومن دبي لي سيلان 7 او 6 ساعات

ومن سيلان لي ماليزيا 4 او 3 ساعات


مثل ماقالت سيد الغنادير

 

[حلوة ومزيونة]

أنا بعد بسأل عن الطيران السيلاني اشلونه وفي الرجعه المبيت في منتجع اشلون

 

[البيداء_77]

حلوة ومزيونة انتي مثلي قالولنا انة بالردة من ماليزيا راح ننام ليلة في كولومبو

 

[البيداء_77]

مومو انتي ما وضحتيلي عدل يعني من الكويت الى دبي ساعتين الا ربع وبعدين من دبي الي كولمبو جم ساعة بالضبط؟

 

[mooomooo]

والله حبيبتي

عام 2004 كانت رحلتنا حق كوالامبور عن طريق السيلانيه

وفيها ترانزيت ساعه بدبي

تأكدي من رحلتكم اذا تطب دبي ولا لاء

بالرده الله يسلمج اختربت الطياره كان فيها عطل

وقعدنا نحوس بالمطار لمده عشر ساعات هههههههههههه

مارضوا يحطونا بفندق

هذا اللي صار ويانا مابي اضيق خلقج

بس عموما طيرانهم زين لانهم تابع للاماراتية



تروحون وترجعون بالسلامه

 

[%عسولة الحلوة%]

وييييييييييييييييييييييييييييي
نفس لسوال اللي يدور براسي

ابوي قاعد يفهمني وما فهمت
احنا طيارتنا7-8 ان شاالله وعلى السيلانيةوجان زين اشوف وحدة من البنات اللي معانا بالمنتدى

واحنا راح نطب بدبي يمكن ساعة ونروح ترانزيت بسيلان وعقبها ماليزيا ان شالله

 

[البيداء_77]

حبيبتي انا ماشية باجر انشاءاللة واللة يسهل لنا ولكم

 

[zhora73]

من الكويت سيلان ماليزيا الفندق كله 12 ساعة وطيران السيريلانكي اوكي وتمام بس الريحة اف اف اخذي اكلونية ورشي وكلينكس معطر ...على فكرة راح تسمعين تراييع (العفو) السيلانيين

 

[البيداء_77]

انا رجعت من السفر بالسلامة الحمد اللة والى تبي اي استفسار عن الرحلة والخطوط انا حاظرة

 

[@ دهن العود @]

اى يا قلبى بغيت اعرف اشلون كانت خدمة السيلانيه مقارنه بالاماراتيه اذا كنتى رايحه عليها

وجم سعرها وشلون كان الترانزيت معاكم

 

[توت عنكبوت]

انا سافرت عالسيلانية طرنا بالليل الساعه 11 الا ربع وصلنا الساعة 5 الفجر

ومن سيلان لي ماليزيا 3 ساعات ونص

 

[dan]

المده كامل مع الترانزيت حوالي 9 ساعات و الطيران عجيب والله مريح ولافيه شي

 

[brettey]

من الكويت الى دبي الطريج ساعه وعقب نقعد بالطياره ساعه عشان ناس يركبون وناس ينزلون وينظفون الطياره وعقب من دبي الى كولومبو 5 ساعات نقعد ساعتين بمطار كولومبو وعقب من كولومبو الى كوالالمبور 3 ساعات
بس ترى طيران سيلان مو شي بس حلاتها من الكويت الى دبي
اهي كراسيها مريحه بس مأساه الاشكال الي فيها ومطار كولومبو ويع

 

[غموض المطيرى]

حلو الطيران السلانى