آنا أقولج حبيبتي اول شي ان بشرتج دهنية فراح تكون المره شي مو بس عجيب حق ويهج الا شي خيالي و عن تجربة ..
اما ان كان جاف انصحج ما تستخدمينه لان يقولون ما ينفعهم كلش << يزيد الجفاف لانه ينشف الوي من الدهون
اوكيشن يا عسل اللحين شلون تسوينه يبيلج بطل << بطل ماي صحه مو شي ثاني
غسليه عدل مدل و سخني ماي
حطي المره بالبطل و صبي فوقها الماي الحار
خليه يوم كامل و بعدين لم يبرد كل يوم عقب ما تغسلين ويهج حطي منه شوي بايدج و كتيه ع ويهج << هالطريقه واايد احسن و نتيجتها اسرع من القطن مادري ليش
او ان كنتي بتسوين روحج اتيكيت يبيلج قطنه و حطي فيها شوي من منقوع المره و مسحي فيها ويهج
و بعد جم دقيقه راح تحسين ويهج ناااااشف << أحب هالاحساس
بس نصيحة لا تستخدمين قطن حطي بايدج و كتيه بويهج وااااايد احسن
و اي سؤال انا بالخدمه حبيبتي
و شوفي والله والله العظيم انه لم تستخدمينه شي خياالي و وااايد حلو انا ويهي لم رديت من مليزيا كان حده صاير زفت و حبوب و دهون و بلاوي اسبوع يختفي كل شي تقريبا و ينشف الحبه و يوخرها والله وايد حلو بس ها ان بشرتج دهنية اما ان جاافه ماااادري لول عشان ما احط بذمتي و ويهج يخترب
