- إنضم
- 13 أكتوبر 2010
- المشاركات
- 4,436
- مستوى التفاعل
- 0
- النقاط
- 0
السلام عليكم بنات
اول شي بس تذكير قبل لا ندش موضوعنا عشان الردود
أصلح المسيء بحسن فعالك ودل على الخير بجميل مقالك
الهدف نناقش مشكله وليس انتقادشخصي وأرجو استئذاني قبل نقل موضوعي
او ما احلل من تنقل موضوعي من غير ذكر اسمي كمصدر
نبدي بسم الله الرحمنالرحيم
واللهم صلي على محمدوآله وصحبه وأزواجه المنتجيبن جميعا من غير تفريق واحشرنا معهم يوم الدين
في موضوعي السابق الي تكلمت فيه عن سوء أخلاق بعض النساء عندنا في ديرتي الكويت
والي ساعات ايي من تنفيس الغضب والأحباط
لأنها من كثر الضغوط والهموم والمسؤوليه ومن معاملة الزوج السيئة او السلبيه
فيفلت السانها او انها قد تتصرف ببعض التصرفات السيئة الي ذكرتها بموضوعي السابق
وهذا ليس لها عذر فيه
(او للرجل أيضا )
اليوم راح اقولكم هذي القصه عن أحد الأئمه اذا ما كنت غلطانه للأمام علي عليه السلام
هذي القصة الي راح اقولكم عنها راح تبينلكم ليش انا اقولكم
لازم تمسكين نفسج وأعصابج
وانج ما تتبرين لنفسج هذا التصرف
وقت المشكله او الغضب ولازم تفكرين بعقلج مو بمشاعرج
حتى لما تجكين ريلج يخونج او تصرف تصرف يأذيج
سمعو هذي القصة وانشاءالله راح تعرفون أكثر ان ذلك
الموضوع ما كنت اقصد فيه الاساءة ولا الحط من قدر المرأه في الكويت ولا التعميم أيضا
ولا أني أعذر الرجل بتصرفاته السلبيه
القصه تقول انه احد الرجال أتى للأمام عليه السلام وأساله ليش سوء الكلام او التصرف السيء
يعتبر شي مو زين او تصرف أحمق ومنبوذ
قاله أبيك تييب كيس وتترسه كله ريش وااايد
قاله الحين ابيك تمسك هذا الكيس وتطق فيه حييل بحيث انه الريش يطلع
فهذا الرجل سوا هذا الشي
الحين الأمام قاله يالله يمع كل الريش كامل الي طلع وورده داخل الكيس مرة ثانيه
قاله يا أمامي مستحيل ماراح أقدر ايمعهم كلهم لأنه في شي طار بعيد وماأدري وين راح
وقاله كذلك سوء الكلام او الفعل
بنات الكلمه اذا كانت داخلج فهي ملك لج بس من تطلع من حلجج خلاص طلعت منج وصارت ملك للغير
تصرفاتج كذلك
انتي معصبة او محترة او الي يكون
لما ما تفكرين بالعقل وتنفسين على الزوج
تذكري كيس الريش
راح تقطين وايد أشياء بهذي اللحظه او هذا التصرف السيء
وفي أشياء حتى لو قدرتي تلمينها وتصلحينها لكن في أشياء ثانيه راح تطير منج وتضيع للأبد
فلذلك مستحيل ترجع الأمور لحاتلها الأصلية
عشان جذي اقولكم انه يصير شرخ بالعلاقه الزوجية حتى لو تصالحتو بعدين
المطلوب منك شي واحد عزيزاتي
انج تنبهين حق نفسج وتصرفاتج لأنه في النهاية
مو أنا الي راح أتأذى
انتي الخسرانه بهذي التصرفات السيئة ونكران هذا الشيئ مراح يحل المشكله أبدا
وراح تخترب علاقتج بزوجج
اذا انتي تبينه وتحبينه او ما تبين تتطلقين وتعيشين معاه
اشلون تسوين شي راح يخرب علاقكمت للأبد
المرأه مثل العسل
والصفات الي ذكرتها مثل الخل
حطيهم مع بعض شصير بالعسل؟؟؟
المره حبايبي أنا قلت أكثر من مره
ايهي عامود الخيمه
ايهي شايله ثقل الخيمه كله عليها وايهي السبب بأنه هذي الخيمه تستر على اهلها
اذا انعوت او طاحت
تنهد الخيمة على اهلها
فهل في أحد يقدر يعيش بخميه طايحه بالأرض؟؟
في حلول ثانيه عقلانيه أكثر وترد اعتبار وكرامه المرأه
بس لكل حاله خصوصيتها وطريقتها
لكن في كل الحالات دايما تلقين الحل فيلي الله والدين قاولو عنه
الأخلاق والحنان والمحبة
واللسان الحلو
أرجو انكم تستفيدون
مو بس مع أزواجكم مع كل الناس والمواقف
خاصة الي فيها مفترق طرق
التعديل الأخير:
