المرأة الكويتيه الغير متزوجه ...؟؟؟!!! هاااذي المرأة المنسية وين حقوقها ...

[بنت بابا جابر]

المرأة الكويتيه الغير متزوجه ... اللي ظلمها الوقت والمجتمع انحرمت من حياة إجتمااااعيه طبيعيه وانحرمت انها تكووون زوجه وام ... وماااا خذت من الدنيا الا لقب عاااااااانس واصبحت للأسف نموذج للشخصيه الغير سويه ...

أين الناااائبااات عنها وماااااهي حقوقها ... ليش محد فكر فيهااااا ...؟؟؟!!!

تصدقووون ان المرأة الكويتيه الغير متزوجه ماااا تقدر تكفل خااااادمه .... لازم تكووون مطلقه حتى لو ماااعندها أولاد ... لازم تركض ورا فلان وعلان عشاااان يكفلووون لها خااادمه ... تدرووون انها محرومه من الرعايه السكنيه ... لازم تكووون مطلقه او ارمله ... أو قعدي في بيت اهلج على قلب الورثه ... وحريم خوااانج كل يوووم يايبين لج عوير وزوير وياااويلج اذا قلتي لأ ... مو مهم تكونين سعيدة ومرتااااحة ...مو مهم شنو يصير بعدين ...!!!! المهم فلوس البيت ...

المرأة الكويتيه الغير متزوجة المرأة المنسيه ... شنو لها ... وشنو عليها .... وين حقوقها ... ؟؟؟!!!

ويااارب ترزق كل بنت بالزوووج الصالح الطيب اللين وترزقها بالذريه الصاااالحة ...؟؟؟!!!!

 

[سميت حزني فرح]

إختـي حتى لـو عطينـآهـآ كـل الحقوق

منو يعطينـآ حق الإحترآم , و غيـر التطنز ... !


//

أتوقع تغيير ثقافة المجتمع هو الأنسب .. ولكن للأسف ليس بيـد أحد

نحن نخلق ذلك المسار

 

[بنت بابا جابر]

إختـي حتى لـو عطينـآهـآ كـل الحقوق

منو يعطينـآ حق الإحترآم , و غيـر التطنز ... !


//

أتوقع تغيير ثقافة المجتمع هو الأنسب .. ولكن للأسف ليس بيـد أحد

نحن نخلق ذلك المسار

بالعكس ماكو اسهل من تغييير نظره المجتمع ... ياااامااا في شغلات كانت غلط وعيب والحين العكس ...

ممكن تتعدل نظره المجتمع اذا كان لها مميزات انعزت وانرزت ومااا احتااااجت أحد ...

 

[يمة يادلبي]

انا معاج انها مظلومة من الحكومة يعني مايمشلونها معاش مثل الأرملة ولا يعطونها بيت مثل الأرملة والمطلقة يعني إذا وحدة ماتزوجت والله بلاها بأخوان كل واحد أبلس من الثاني ويركض ورا مصلحته وبس او سكانه مرته والمرة الله لا يوريج بس تبي الفكة منها
شتسوي بعمرها تعيش عالة على غيرها ومو كل وحدة مو متزوجة تقدر اتكون نفسها في بنات وعليا يمشون ورا رياييل العايلة وعاد شوفي المذلةة الي اتيييلهم

المرأة الكويتيه الغير متزوجه ... اللي ظلمها الوقت والمجتمع انحرمت من حياة إجتمااااعيه طبيعيه وانحرمت انها تكووون زوجه وام ... وماااا خذت من الدنيا الا لقب عاااااااانس واصبحت للأسف نموذج للشخصيه الغير سويه ...

انا مو معاج بهالكلام
ترا مو كل مرة عازبة مظلومة من المجتمع ولا كل مرة متزوجة الناس كلها تحبلها واتفزلها لي قامت
الزواج كلش كلش ماله شغل بالحياة الاجتماعية ياما حريم متزوجين وجودهم وعدمهم بالمجالس واحد وحريم مو متزوجين ووجودهم فعال بالمجالس
فالشي هذا يعتمد عالشخصية والأسلوب كل وحدة تفرض نفسها بشخصيتها واسلوبها ولباقتها مو بزوجها وعيالها
ولازم كل وحدة الله مارزقها بزوج ماتوقف حياتها على هالشي اتشوفلها شي ثاني تشغل نفسها فيه عشان تقدر تتغلب على الظروف

 

[بنت بابا جابر]

انا معاج انها مظلومة من الحكومة يعني مايمشلونها معاش مثل الأرملة ولا يعطونها بيت مثل الأرملة والمطلقة يعني إذا وحدة ماتزوجت والله بلاها بأخوان كل واحد أبلس من الثاني ويركض ورا مصلحته وبس او سكانه مرته والمرة الله لا يوريج بس تبي الفكة منها
شتسوي بعمرها تعيش عالة على غيرها ومو كل وحدة مو متزوجة تقدر اتكون نفسها في بنات وعليا يمشون ورا رياييل العايلة وعاد شوفي المذلةة الي اتيييلهم


انا مو معاج بهالكلام
ترا مو كل مرة عازبة مظلومة من المجتمع ولا كل مرة متزوجة الناس كلها تحبلها واتفزلها لي قامت
الزواج كلش كلش ماله شغل بالحياة الاجتماعية ياما حريم متزوجين وجودهم وعدمهم بالمجالس واحد وحريم مو متزوجين ووجودهم فعال بالمجالس
فالشي هذا يعتمد عالشخصية والأسلوب كل وحدة تفرض نفسها بشخصيتها واسلوبها ولباقتها مو بزوجها وعيالها
ولازم كل وحدة الله مارزقها بزوج ماتوقف حياتها على هالشي اتشوفلها شي ثاني تشغل نفسها فيه عشان تقدر تتغلب على الظروف

ماااا اختلفنا ... حبيبتي ... المسأله مو نظره المجتمع لها ... الموضوووع وين حقوقها ... وين النائبااات عنها مو اهيا اولا من المتزوجة من غير كويتي ... !!!؟؟؟

 

[6moo7a]

السلام عليكم عزيزتي

اتوقع ان مسألة ان الغير متزوجة مايكون لها بيت او راتب من الحكومة او غيره
خوف لأن انتي الحمدلله بنت متربية تربية صح وتشوفين الجانب الايجابي بس لو تشوفين الجانب السلبي من الموضوع
بتشوفين ان ممكن تصير حالات تمرد وان انا بنت بسكن بروحي محد له شغل فيني ومن هالامور
بتقولين هذي المطلقة او الارملة بتعيش بدون رجل صح ؟ بقولج ان البنت الغير متزوجة ممكن سهل خداعها
وترى الموضوع حوسة ويدخل فيه عادات وتقاليد

يا بنت الحلال اذا المطلقة او الارملة تكون ساكنة وياها عيالها وهم ماتسلم
عيل شلون لو لم يسبق لها الزواج والله بياكلونها الناس وشياطين الانس

وسلامتج[/COLOR]** على فكرة الموضوع فعلا يعور القلب اذا صار فيه ورثة والاخوان وحريمهم يتحكمون والخ الخ الخ

الله يحفظنا ويرزقنا بالازواج الصالحين ان شاء الله والله يحنن قلوب الاخوة ان شاء الله

 

[السهم الصويب]

صح الكلام
وين النائبات اشوف ماسوو شي ؟
بس صوتولنا صوتولنا

 

[pretty sarona]

انتي تتكلمين عن حالات معينة . ما اشوف ان الموضوع بصفه عامه نفس الصورة اللي تكلمتي عنه .. محد مظلوم اجتماعيا و انا اشوف ان الحريم ناجحين و الحين ماشالله فلوسهم بيدهم و بنات صغار عندهم عقارات و ماسكين مشاريع . و محد بيده يحرم احد من شي متكوب له ! هذا قدر من رب العالمين و كل الناس متواسية بمقدار سواء متزوجه او لا ! و واللي ينظر للوحده اللي مو متزوجه انها شخصية غير سويه هذا متخلف , و لقب عانس هذا ينطلق حق الريال اللي مو متزوج بس الناس ما ادري ليش قاموا يطلقونه على الحريم

 

[بنت بابا جابر]

انتي تتكلمين عن حالات معينة .

هالحاااالااااات المعينه ... نهملهم ...؟؟؟!!!
ما اشوف ان الموضوع بصفه عامه نفس الصورة اللي تكلمتي عنه ..

ok خلنا نتكلم عن الصفه الخاااصه ...
محد مظلوم اجتماعيا

اشدرااااج مسويه احصااائيه ...؟؟؟
و انا اشوف ان الحريم ناجحين و الحين ماشالله فلوسهم بيدهم و بنات صغار عندهم عقارات و ماسكين مشاريع .

يااابعد قلبي مو الكل .... في بناااات على قد حااالهم لا ورث ولا شهااااادة ...
و محد بيده يحرم احد من شي متكوب له ! هذا قدر من رب العالمين و كل الناس متواسية بمقدار سواء متزوجه او لا !

هااااذااا شي أكيد وعشاااان جذيه لازم يكون لهم حق ... مثال : اذا تعدت سن معين يحق لها قرض بدون فوائد ... أو تقدر تجمع بين وضيفتها ومشروووع تجاااري عشااان مااا يكون عندها وقت فرااااغ ... و...و...و

و واللي ينظر للوحده اللي مو متزوجه انها شخصية غير سويه هذا متخلف

ويااااكثرهم هالمتخلفين
, و لقب عانس هذا ينطلق حق الريال اللي مو متزوج بس الناس ما ادري ليش قاموا يطلقونه على الحريم


أول مره اسمع هالمعلووومه ...!!!!!

يسلمووووووو حبيبتي

 

[الاميره]

معاج حق .. عالاقل يوفرون لها حق السكن عشان محد يذلها ويتمنن عليها لانه في هالزمن الاخوان وحريمهم ما يخافون الله

 

[الطاوووسه]

النائبه معصومه مبارك في لقاء على قناة سكوب قالت :::

ان المرأه الكويتيه اللي ما تزوجت يخيرونها يأما ان الحكومه تشتري عماير أو تسثمرهم في مناطق معينه وتأجرها للحريم اللي ماتزوجوا بايجار رخيص أو يعطونهم ايجار واهيا تدور لها شقه >>> عشان بعض الحريم اللي ماتزوجوا يبون يسكنون في مناطق تكون قريبه من جماعتهم و أهلهم


بس والله مو متأكه اهوا اقتراح ولا قانون و أقروه

 

[النهج الاسمى]

قال تعالى<اذكروني اذكركم واشكرو لي ولا تكفرون

استغنوا عن الحاجه للناس

وألجأوا لرب الناس>>>>>>>وماتدرون وين الخيره

 

[غزلان]

اي والله بعد عيني زين انج تطرقتي لهالموضوع

 

[am_kshaa]

انا بتكلم من ناحيه قانونيه
اول شى قانون وزارة الداخليه حق كفاله الخدم .......... المرا الى مومتزوجه وصل عمرها 40 تكفل لها خدامه عادى
وقانون الاسكان حق الغير متزوجه مالها اى شى لانها ماتشكل اسرة يعنى لو توفت البيت او الشقه بتروح حق منو؟ لازم ترجع حق الاسكان مثلا ومايعطون سكن حق شخص واحد بس مثل كلام الاخت الى فوق انها ممكن تكون فى حالات تمرد على الاهل

 

[بنت بابا جابر]

انا بتكلم من ناحيه قانونيه
اول شى قانون وزارة الداخليه حق كفاله الخدم .......... المرا الى مومتزوجه وصل عمرها 40 تكفل لها خدامه عادى
وقانون الاسكان حق الغير متزوجه مالها اى شى لانها ماتشكل اسرة يعنى لو توفت البيت او الشقه بتروح حق منو؟ لازم ترجع حق الاسكان مثلا ومايعطون سكن حق شخص واحد بس مثل كلام الاخت الى فوق انها ممكن تكون فى حالات تمرد على الاهل

وااايد حريم مااايدرووون عن قاانون كفاااله الخدم ...

بالنسبه حق الإسكان ...
انا من وجهه نظري انهم يسمحووون لها بقرض عشااان تستدخل بيت ابووووها ...
يعني مو حلوة تطلع من البيت اللي تربت فيه وتسكن بشقه .. واذا مااااتت قبل ماااتسدد القرض يرجع المبلغ للحكومه من بيعه البيت ..

 

[بنت بابا جابر]

رفع

 

[عهود الحب]

موضوع بالصميم
هذي تالية انتخاب الحريم ما وراهم نفعة وفايدة لبنات ديرتهم


شوفي في اشخاص كثير مظلومين
منهم المرة الكويتية المتزوجة من غير كويتي
للأسف ما لها حقوق بديرتها
مع انه الدستور مساوي بين المواطنة والمواطن بالحقوق
لكن الواقع شي ثاني


انا ما اقول بيت على ثلاث شوارع

انا اقول المرة اللي تبي الستر وتاخذ رجال خليجي وتقبل بالغير كويتي
شوفي شيصير فيها ؟
عجب العجاب


كأنه الزواج والستر من غير كويتي جريمة بحق الوطن
خلاص الكويتية عيالها يسكنون بيت شعبي

والعراقية تتزوج كويتي وتسكن فيلا وتتجنس بعد وتالي تطق علج وتناشبج برزقج




اذا الكويتية محرومة من حقوقها بديرتها


خلاص لايجنسون زوجات الكويتيين عشان يكون بالمسألة عدل شوي

للأسف اصبحوا العراقيات والفلبينيات والهنديات والمصريات والسوريات ومنو بعد ! كل ما يطري عليج

يناشبج بديرتج

و لي مات الرجال سكنت الحلوة بالبيت وجابت ولد ديرتها على كفالتها وتزوجته

والحوادث المشابهة كثيررررررررررة وتارسة ملفات القضاء والمحاكم

بس منو يتكلم ؟ منو يعتبر


ديرة بطيخ !


حتى المعلقة صعب تجيب لها خدامة
المتزوجة ما تجيب خدامة
خو الي زوجها وجوده مثل عدمه نفس حالتي ما تجيب عود اسنان وتكفله


يااختي احنا الكويتيات بشكل عام مظلومين بديرتنا
مظلومين والله وشكوانا لله
وعسى ربي يحفظ الكويت من هالناس الدخيلة عالبلد

 

[عهود الحب]

في نقطة أحب اضيفها و سامحيني عالاطالة


للعلم الحريم وصلوا الحريم للمجلس حتى نشوف منهم نفعة

لبنات الكويت المنسيات ! مثل الغير متزوجة والأرملة و المطلقة والمتزوجة من غير كويتي وربات البيوت الغير عاملات وخلاااااااافه


يعني بنات الديرة بكل فئااااااتهم





بس لأ


الكرسي دافي و نسى الحريم النااااااااائبات خواتهم الكويتيات



لألأ ما تعدي والله


والله حريم الكويت بستين شنب

صدقيني الي خان ثقة بنات الكويت مرده يطيح بمزبلة تاريخ الوطن


ما يشرفنا


وشوفي انجازاتهم كبنات الكويت

سواد وجه


وااااااااي قلبي محرووووووووووق


كانت بوقت الانتخابات وعوووووودهم خيالية

احنا بنسوي و بنسوي واحنا نئدر لكان هيك

وعقب ؟؟؟؟؟؟؟؟؟؟ قمنا نطق اصبع


النائبات يتبطحون ويتسدحون للحكومة


لعنبوا هالدنيا مافيها احد ما خان ووباع ذمته !

حدي منقهرة بس صدقيني بوقت الانتخابات ماراح تطوف


والدواااااااااااام لله

 

[جوك احلى جو]

الله يصلحهم ويسوون شييفيد هالبلد بالاول كل اهتماماتهم برا الديره للاسف

 

[الـمـــــاااااس]

شنو نقول بعد

خيرنا لغيرنا

مثل عين عذاري خيرانا للبعيد والقريب مالة شي



شنسوي


انا مرة قلت هاكلام لنائب لما كنا مسوي مؤتمر نسائي

وقلت لة وين المراة الكويتية الغير متزوجه من اهتماماتك

قال اهم شي الحين المراة الكويتية المتزوجة من غير كويتي

اما العانس لما نخلص كل المشاكل نفكر فيها

يؤ يؤ يؤ

يعني متى بيفكرون فيهااا

اهما اصلا ماراح يحلون كل المشاكل

طبعا بدون ذكر اسماء