المدبرة الشاطرة و الذكية تدخل تفيدني صج محتاجتكم

[*فرحة عمري*]

السلام عليكم ورحمة الله و بركاته انا حبيت احط موضوعي بهالقسم لعدة اسباب
1- لان احب هالقسم والنصايح و الحلول الي تنعطي
2- لان يوجد في اكبر عدد من المتابعات فراح القى ضالتي باذن الله
3- لان مرتبط بالحياة الزوجية نوعا ما

مشكلتي كالاتي:

انا موظفه اتقاضى راتب بمبلغ 825 دينار صارلي 8 سنوات اشتغل و الله ما احتكم على دينار واحد
يعني ما وفرت حق نفسي اي فلس

ضايق خلقي من وعلى نفسي ليش انا غبية ومسرفة بهالشكل الحين صار عندي بيبي و التزاماتي اكثرت

زوجي القروض و الديون و اجار البيت كاسر ظهره و الله مايعطيني بايدي اي مبلغ بس الشهادة لله مايقصر على ولده نهائي

مو قاعدة اسافر و لا البس مثل خلق الله انا خلقة ما احب البس ماركات حتى و الله لو عندي ما احب و مو من النوع الي احب الذهب قاعدة افكر في ولدي باجر لي كبر هل راح اقطه مدارس حكومه و اظلمه ابيله شي زين ومدرسه ثنائية اللغه

ابي لي تعب اسم الله عليه الا يكون عندي مبلغ له اذا براجع بالخاص

مشكلتي المواجيب ولازم اذا بروح بيت حمولتي ما اروح ايدي فاضية

بالدوام مشكلتنا الحطات ماتخلص

شوروا علي وعوني سوولي دراسة جدولة و الله ربي بيحاسبني على هالاسراف

معاشي 825
200 قرض الله لايبارك بالقرض ولا الساعه الي اخذته فيه
30 ماستر
100 دينار الوالدة
100 الماجلة
50 موبايل
21 انترنت

هذي التزاماتي يبقى صافي معاشي 324 دينار شلون ادخر منهم؟؟

بليز الموضوع واااااايد متعب نفسيتي ابي ابني نفسي من جديد و الي عندها اقتراحات لاي مشروع منزلي اقدر ازيد من دخلي لا تبخل علي​

 

[@ام ضاري@]

موضوع يستحق النقاش رفع لي باك

 

[شريت ديني ونفسي]

السلام عليكم
شوفي حبيبتي
اول شي تسوينه بطاقة الماستر لاااااااااازم تلغينها
ثاني شي فتحيلج حساب ولا اطلعين بطاقه وانسييييييييييييييه وسوي استقطاع شهري 200 ويبقالج 124 اصرفي منهم صدقيني بيكفي لان الماجله وشاريتها والموبايل والنت مدفوع واذا خلص القرض خلي الاستقطاع 300 او 350 والباقي حطيه على مصروفج

 

[لمى الهاجري]

السلام عليكم ورحمة الله و بركاته انا حبيت احط موضوعي بهالقسم لعدة اسباب
1- لان احب هالقسم والنصايح و الحلول الي تنعطي
2- لان يوجد في اكبر عدد من المتابعات فراح القى ضالتي باذن الله
3- لان مرتبط بالحياة الزوجية نوعا ما

مشكلتي كالاتي:

انا موظفه اتقاضى راتب بمبلغ 825 دينار صارلي 8 سنوات اشتغل و الله ما احتكم على دينار واحد
يعني ما وفرت حق نفسي اي فلس

ضايق خلقي من وعلى نفسي ليش انا غبية ومسرفة بهالشكل الحين صار عندي بيبي و التزاماتي اكثرت

زوجي القروض و الديون و اجار البيت كاسر ظهره و الله مايعطيني بايدي اي مبلغ بس الشهادة لله مايقصر على ولده نهائي

مو قاعدة اسافر و لا البس مثل خلق الله انا خلقة ما احب البس ماركات حتى و الله لو عندي ما احب و مو من النوع الي احب الذهب قاعدة افكر في ولدي باجر لي كبر هل راح اقطه مدارس حكومه و اظلمه ابيله شي زين ومدرسه ثنائية اللغه

ابي لي تعب اسم الله عليه الا يكون عندي مبلغ له اذا براجع بالخاص

مشكلتي المواجيب ولازم اذا بروح بيت حمولتي ما اروح ايدي فاضية

بالدوام مشكلتنا الحطات ماتخلص

شوروا علي وعوني سوولي دراسة جدولة و الله ربي بيحاسبني على هالاسراف

معاشي 825
200 قرض الله لايبارك بالقرض ولا الساعه الي اخذته فيه
30 ماستر
100 دينار الوالدة
100 الماجلة
50 موبايل
21 انترنت

هذي التزاماتي يبقى صافي معاشي 324 دينار شلون ادخر منهم؟؟

بليز الموضوع واااااايد متعب نفسيتي ابي ابني نفسي من جديد و الي عندها اقتراحات لاي مشروع منزلي اقدر ازيد من دخلي لا تبخل علي​

انا مو متزوجة بس اعرف طرق احتفاظ بالفلوس اولا قطات الدوام ماله داعي جيبي اكلج وممكن يشاركون وياج الماجلة المفروض انت وزوجج تقطون فيها يعني تحطين راتبج على راتبه الوالدة ليش تعطينها فلوس ممم مادري احنا ماعندنا جي الانترنت الوبايل عليج بس الماجلة المفروض انتي وريلج وهو اوردي يصرف على ولده اما 324 يعني بالقطري 3240 ريال 420 خليها بظرف بروحها كل شهر واخذي 3000 وصرفي منها والانترنت شوفي اذا عندكم خدمة انترنت رخيصة لاني بقطر وماعرف شلون عندكم

 

[دلع بآبي]

الله يوفقج وأحيي فيج انج مانسيتي الوآلدة من مصروفج

الله يكثر من امثالج

 

[MiSS B.K]

حبيبتي احسن شي تدخلين جمعيات عشا ماتصرفين وخليها انت اخر وحده

 

[وصايف4]

اول شي معااشج زين مو شويه وولدج مو عليج على ابوه ومو مقصر جزاه الله خير
اول شي اذا الوالده بتقدر وضروفها زينه يعني عندها دخل خلاص مو لازم تعطينها 100 قلليها شوي مؤقت لين يفرجها الله
ثاني الشي النت مو شرط 20 اخذي الاقل موبايلج حوليه كروووت اريح وارخص واذا عندكم تلفون ارضي يريح بعد اللي اقوله لج حلوول مؤقته لين يخلص قرضج على الاقل

 

[طيبة83]

السلام عليكم
شوفي حبيبتي
اول شي تسوينه بطاقة الماستر لاااااااااازم تلغينها
ثاني شي فتحيلج حساب ولا اطلعين بطاقه وانسييييييييييييييه وسوي استقطاع شهري 200 ويبقالج 124 اصرفي منهم صدقيني بيكفي لان الماجله وشاريتها والموبايل والنت مدفوع واذا خلص القرض خلي الاستقطاع 300 او 350 والباقي حطيه على مصروفج

اي انا معاها

فتحي لج حساب واستقطعي كل شهر مبلغ معين ولا تسوين لها بطاقه

ومب لازم اتودين هدايا غاليه في المواجيب ولا لازم كل مره داخله على حمولتج بشي

 

[بـآربيـآ]

آنُـــآإ« مع الااخت وصايف كلامها عدل

 

[كويتية بروما]

دشي جمعيه وصكري الفيزا
تالي سوي استقطاع 150 والباجي عيشي فيهم

 

[hazel eyes]

اول شي تسوينه وانتي مغمضه تسكرين الفيزا
ثاني شغله حولي كروت وراح تكفيج ثلاثين دينار اذا التليفون مايطيح من اذنج واذا مكالاماتج قليله راح يكون اقل
دشي جمعيه عشان تجبرين نفسج بالدفع لان التزام احسن من الاستقطاع لان راح تسحبينه اذا شفتيه
وكل نهايت شهر اذا بقا معاج باجي فلوس قطي بالقرض انا جذيه سويت لين افتكيت منه قبل وقته

 

[كلنا عشاق لكن]

ثبتي مصروفاتج على 600 د شهريا فتكون شاملة كل شي قرض مواجيب الخ
و225 خليها بحسابج هذي 2700 سنويا :eh_s(15):
بس عقب الادخار شبتسوين بهالمبلغ عشان يزيد ماينقص ؟؟
يا وديعة بارباح / يا اراضي رخيصة /اومتوسطة بعدة دول / يا محلات وأسهم
كلها خير وبركة وتقدرين اتبيعين وتشترين فيها بأي وقت وأحسنها الأراضي سواء اتأجرينها أو اوتنباع واتثمن وهذي لج وللمستقبل
والله يبارك لج ويسعدج
​

 

[قموووره]

حبيبتي دامج مخلصه كل التزاماتج ومصرف ايدج بس 300 تقدرين تشيلين منهم 100 دينا شهريا فتحيلج حساب ثاني وسوي استقطاع على هالحساب بقيمة 100 دينا واقلمي نفسج على 200 الي بقو عندج وحاولي قد ماتقدرين ما تلمسين ال 100 الا للظروره القصوى يعني حياة او موت بعدين انا افضل ان الي بصرفه اسحبه كله واحطه جدام عيوني واقسمه وااقلم نفسي على الي جدام عيوني واتحاشى الاشياء الي مالها لزمه او مو ظروريه
اذا عودتي نفسج على هالنظام راح تشوفين نفسج بعد فتره قاعد توفرين حتى من ال 200 الي اهم مصروفج
انا كنت نفسج ومشيت على هالنظام انصحتني فيه رفيجتي الله يبارك لها والله والحمدلله كنت وين وصرت وين وما علي قاصر ربي لك الحمد جربي هالنظام والله يبارك لج حبيبتي​

 

[المزيونه انوار]

اي انا مع الاخت وصايف كلامها عدل وع راسي والله يكثر من مثالكم

 

[قموووره]

نصيحه
لا تنقصين ولا فلس من الي تعطينه لامج !!! هذي الخير والبركه واذا ربي بيبارك لج بمعاشج ترى من الي قاعد تعطينه لها حتى لو اهي مو بحاجه لا تقطعينها والله ربي بيبارك لج​

 

[Gifts&Occaions]

سكري الفيزا وسويلج مشروع بالنت او دشي جمعية

 

[Patcholli]

صكري الماستر ..

شيلي مبلغ 50 او 100

قسمي المبلغ الزايد على 4 اسابيع

مثلا اذا الصافي الي ظل معاج 300 قسمي هال 300 على 4 اسابيع

راح يطلعلج كل اسبوع مبلغ 75 دينار ..

وحاولي تقسمين هال 75 حق الدوام ومني مناك وحق الويك اند

مثلا خلي حق الدوام 20 ريوق وبانزين وجذي
وراح يزيد معاج 55 خليهم حق الويك اند

ومثل ماقتلج حاولي تقللين طلعات مثلا زاد معاج الحين 55 حق الويك اند ..

مو لازم تطلعين هالويك اند .. او روحي مثلا اتعشي وردي مو لازم مجمع كل اسبوع انا اذا ودي ايمع اقول حق ريلي لاتوديني مجمعات مابي اصرف

قولي من هال 55 صرفتي 20 حق مطعم ..

ظل معاج 30

زيديها على ال 50 الي شلتيه اولشي من معاشج

او خليه مع مصرف اسبوع الياي راح يصير عندج بدال 75 دينار 105

اهني تقدرين تخلينهم حق سوق او اذا محتاجه شي

وجذي يعني حاولي تتحكمين بعمرج ولاتدشين السوق الا وانتي صج محتاجه تشترين اذا بس تمشي ماينفع لان احنا مانعرف ندش ومانشتري شي :|

صدقيني اولشي يمكن تستثقلينها اشلون ما اشتري وجذي بس لما تيميعين ويصير عندج مبلغ حلو راح تستانسين وراح تقدرين تتحكمين اكثر بروحج

 

[هندووو]

حبيبتي شكو انتي بل ماجلة علي ريلج يدفعها بعد اهو مايعطيج شي واهو ملزوم بل ماجلة واجار الشقة ومصرف ولدج وفري 100 الماجلة وخلصنا وماعليج من الكلام الي يقولون لج قطعي 100 امج تري اهي الزم من كل امورج واللة يبارك لج بفلوسج

 

[كارلوفي فاري]

انتي القرض هو اول مشكله بس يخلص تنتهي مشاكلج. اما الباقي فهو معقول.

 

[هيبة ملك]

مثل ماقالوا البنات استقطاع وقطي البطاقة عند أمج