المدارس الخاصة بالجهراء

[أغلى الناس]

السلام عليكم
شلونكم بنات
انا ولدي بأولى ابتدائي والصراحه مو راضيه عن مستواه الدراسي كلش مايعرف يقرا ولا يعرف الحروف ومعطينه امتياز بالشهاده على شنو مادري
المهم بنات قلت ليش اشقيه بمعاهد التقوية الصبح مدرسة والعصر معهد
قلت ابي انقله مدرسه خاصه وسعرها معقول:bbbiu:
عاد بما ان بيتنا بسعد العبدالله مالي الا مدارس الجهرا واحطله باص يوديه واييبه لاني اوصل عيالي مدارسهم بالعاصمه
المهم بغيت اسالكم عن احسن المدارس الخاصه هناك والله يجزيها خير ويوفق عيال اللي ترد علي:yaaaaaarb: ​

 

[أغلى الناس]

ادعوه بنات ماكو رد 12 وحده داشه عالاقل رفعو الموضوع
جد جد حبطتوني

 

[manoooram]

بعد قلبي راجعي المدرسه .. وطلبي من المدرسات الجديه في توصيل نقاط الضعف عنده لج انتي أمه
ونصيحه دخليه القاعده الحلبية جدا ممتازة لتأسيس اليهال من عربي و انجليزي ورياضيات
والله يوفقه ويخليه لج ان شالله

 

[فديته]

انا همن مثلج بنتي ممو فاهمه شي

ولا تعرف تكتب ولا تقرااا ولا حرف وانا بعد بسعد العبدالله

وافكر ادخلها تقويه افضل

يمدحون حضانه سميه
والنورانيه

سميه يحلون الواجبات معاهم واعرف امهات مدحوهم وتغيرو عيالهم حيل معاهم

والنورانيه هم يمدحونها مري شوفيهم

والله يوفق عيالنا يارب

اما الحلبيه مو مثل اول تغييرت مامدحوها

 

[زَهر تِشرينْ]

◈|❀|◈


يُرفع للَأهميّــة ​

 

[أم عبووووود]

هلا حبيبتي

ياليت تراجعين المدرسة قبل لاتنقلينه وتعرفين مستوى الضعف عنده

وبعدين قرري وربي يوفقه ان شالله

 

[أغلى الناس]

ماقصرتو حبيباتي اللي ردو علي
رحتلهم تقول هذا المنهج واحنا احسن من غيرنا نعطي حروف زياده شقول لها بعد
انا قلت بدخله تقويه هالسنه وبجرب وبشوف وان شالله يمشي حاله
النورانيه وين صايره هذي مامرت علي جان زين تعطيني رقمها

 

[إيـلاف]

انصحج بمدرسة كويت ثنائية اللغة

وايد قوية عيالي فيها أولى ابتدائي يقرا جريدة من غير مبالغة

 

[ورد و ريحان]

والله دخلت بنتي القاعده الحلبيه قبل لا تدش مدرسه
الحين تقرا ماشالله بشكل رائع
وللحين ماخلصنا منهم
خذت كتابين ونص ووقفت عند التنوين
يمدحون الانكليزي بعد بس ماجربته
انا ادرسها بالبيت والحمدلله ممتااااازه فيه

 

[M!SS.LOBY]

مدرسة أجيال المستقبل ومدرسة الرفعة النموذجيه ومدرسة الباكسينيه

 

[انسام الكويت]

مدرسة أجيال المستقبل ومدرسة الرفعة النموذجيه ومدرسة الباكسينيه

ما قصرت الأخت قالت لج بس الباكستانيه باللغة العربيه مستواهم موشي ..

يعني افضل مدرستين الثنتين اللي الأخت اذكرتهم لج ...

 

[M!SS.LOBY]

موفقين ياااارب

 

[دلوول 2006]

بنات عطونا تجاربكم مع المدارس الخاصة بالجهراء

 

[همس الغلا..]

مدرسة لغة انجليزية من الصف الاول لصف الثاني عشر(تدريس مناهج التربية+منهج المدرسة الباكستانيه+مدرسة ال kbs )
منطقة الجهراء القصر
96652008

 

[نووويرة]

عندج مركز الرياضيات بقطعة 2 يأسسون ولدج و يحلون معاه واجباته شوفي عرضهم بجرايد الاعلانات