المجلس الطبي والخصم

[الزين يفرض نفسه]

سلام عليكم ايتها المكروفات المسكينات

لكم وحشه صارلي دهر مو مشاركه

حبايبي انا صارلي فتره غايبه تقريبا من بداية الكورس عشان كنت وايد تعبانه ومريضه
وقدمت على مجلس طبي عن طريق سكرتيرة مدرستنا بس ليلحين محد دق علي؟ وين اروح واراجع منو عشان اعرف موعدي

والشغله الثانيه شلون طريقة الخصم من الراتب ؟ جم يخصمون ومتى يخصمون الحين ولا من معاش العطله؟

 

[روح موسى]

السلام عليكم اختي الكريمه
أنا سبق وقدمت على مجلس طبي تلقين ورقة الرد في المنطقة التعليمية إما في قسم الاجازات والدوام أو قسم البريد الوارد تاخينها وتروحين المستشفى اللي انتي تابعة حقه تحطين موعد حق لجنه طبيه يعتمدون طبياتج عشان مايصير عليج خصم وذا انخصم عليج يردونه لج مع قرار اللجنه
مع تمنياتي لك بدوام الصحة والعافيه

 

[مسك وطيب]

اذا انتي مقدمه نموذج تحويل للمجلس من مدرستج ثاني يوم يروح للمنطقه

انصحج خلي احد يروح يضبط ورقتج بالمنظقه والا بتنطرين واجد وتعطلين

عقب المنطقه للمجلس الطبي بالصباح بعدين يحولونج للمستشفى الي انتي تابعه له

عقب تاخذين موعد والله يسهلها يارب

وما سمعت انه يخصمون انا بنت عمي 9 شهور مجلس طبي لانها ربط ما اخصموا عليها معاشها ينزل كامل

 

[ريانا]

المجلس اذا اقرولج ماعليج خصم بس مثلا اذا خذتي طبيات ينخصم عليج انا قبل المجلس كان عندي طبيات وماعتمدتهم سسولي فلم هندي بالمنطقه قالو مايصير نكتبلج كتاب اعتماد حركه نذاله طبعا وانخفم من راتبي وااااايد وكل شهر يخصمون شوي

 

[الزين يفرض نفسه]

انا راجعت المنطقه قسم الاجازات والدوام قلتلهم شصار علي اوراقي؟

حاسوا حاسوا داروا داروا داروا بالملفات والاوراق جان يقولون نطري مدرستج ادق عليج

شنو يعني ؟؟

عندي احساس في شي غلط صاير الله يستر ولا سالسالفه !!

انا ماخذه ورقه من مدرستي قبل عطلة العيد الوطني بالضبط ليلحين ماكو رد ؟

 

[ريانا]

خلي ريال يروح لهم انا سوو فيني جذي وديت ريلي خلصها بيوم واستلمها يوم ثاني

 

[Angel_store]

اب
اب
اب