المجلس الطبي متوهقه حدي

[الله يعيني]

السلام عليكم انا سكرتارية بمدرسة و حامل رحت أخذت مجلس طبي عطوني شهر و مو كاتبين مع التجديد و انا ما قلتلهم و لا سالت عن التجديد لاني بصراحه ما كنت اعرف و لما قربت الاجازه تخلص قلت لزوجي يراجعهم قالتله سكرتيرة المجلس الطبي هذا اسمها مكتوب و تراجع اليوم الفلاني مع اني ما خذيت موعد من السكرتاريه بنات اللحين لازم اخذ إجراءات المجلس من جديد و لا نفس ما قالت السكرتاريه اروح الموعد و بس لان خفت ان السكرتاريه غلطانه لان مو كاتبين مع التجديد

 

[^ lamooosh ^]

لا تروحين الموعدويجددون لج
اهم جذي
يعطيج شهر مثلا
وتاخذين اعادة عرض بعدها من المجلس
ويحولونج علي المستشفي
والمستشفي يعطونج موعد
بس اذا خلص الشهر
ومايا موعدج لازم تداومين
لين موعدج وتشوفين يجددون لج ولا لا

 

[الله يعيني]

مشكوره الله يجزاج خير

 

[Q8_QT]

اذا عندج موعد لازم تروحين واذا ماعندج حطيلج موعد وروحي مايحتاي تعيدين الاجراءات

 

[الله يعيني]

اب اب اب

 

[^ lamooosh ^]

اختي انا اندمجت بالكاتبه قصدي ان لااذذا عطوج لازم تروحين الموعد اذا حاطين لج
ويجددون لج ،،،، ونفس التكمله


قريت وخفت تفهمين ان لا لاتروحين
هههههه
وانا قصدي ان لا روحي بس اندمجت جني اسولف
لووول
السموحه

 

[الله يعيني]

هههه معذوره يا الغاليه

 

[Withered flower]

بنات
سؤال
المجلس الطبي ما ينخصم من معاشي؟
انا حامل الحين وتعبانه ما اقدر اتحرك ومفكرة اقدم عليه شهر ٣ لما موعد ولادتي ان شالله
ومهنتي تدريس طبعا وانتوا عارفين معنى هالوظيفة
مافيني حيل اصرخ ولا اوقف طول الحصة

شلون اقدمه ولازم واسطة؟؟
انا الواسطة ان شالله ادبرها وصراحة زهقت من هالمدرسة اللي ما تقدر ولا تراعي

 

[glby7sas]

انا مسويه حاليا واللي قالولي ياه اني استلم اوراقي من الصباح وعلى طول اروح العدان المستشفى اللي انا تابعه له واحط موعد والورقه الثانيه اوديها الدوام جذي قالولي


بالنسبه للتسأل براتب او لا اقولج لو مو براتب اخذ طبيه ابركلي لووول

 

[الله يعيني]

اب اب اب

 

[أأأميرة الورد]

اااااب لعيونج

المجلس الطبي حوووسه ولازم واسطه

اول شي يعطونج اجازه وبعدين خلاص يوفقون شوووي

الله يعينج

 

[mi corazon]

المجلس الطبي ادا عندج تقرير انج ماتقدرين تزاولين العمل بهالفتره

مثلا اللي تتعرض لاجهاضات اسمالله عليكم

واللي يحوشها نزيف او المشيمه عندها مو مستقره او ضغط او زلال قوي

يعني شي قوي يعطونها مجلس طبي

 

[Amonito]

الاخت الي تسال عن المجلس الطبي

بلعكس عادي يعطونج مجلس طبي

اول شي تاخذين تقريرج من دكتورتج الي

تراجعين عندها واهي تكتب انج محتاجه

لراحه خصوصا في الاشهر الاخيره

وبالنسبه لمعاشج ينزل كامل ماله شغل بلعكس

احسن من الطبيات ذبحونا بالخصصم

توكلي على الله وجربي

وان شاءالله يعطونج وترتاحين والله يهون عليج

 

[كويتيه مذهله 87]

اذا حالتج مو مستقره يعطونج اجازه لي الولاده

اذا مستقره يعطونج اجازه شهر بس اذا تبين بعد تروحين تجددين الكتاب بس مو كل الاجراءات اللهم المقابله بس وهما يقررون اذا تحتاجين بعد راحه او لا

 

[كوكو واوه]

بنات يصير اجدد في عطله الصيف قبل دوامات شهر 9 ؟