المتكممات تعالوا بسرعة ابيكم بسالفة

[nice word]

شلونكم بنات
:eh_s(6)بصراحة انا ودي اسوي تكميم طولي 156 ووزني 92 تنصحوني فيها ةلا لأ
وابي اعرف بعد العملية شنو اللي راح احس فيه
مثلا غثياان الام معدة والسؤؤؤؤال المهم النفسية شلون يعني قلة الاكل او انعدامه في الفترة الاولى ما راح تخليني اتنرفز واتهاوش مع نفسي وعيالي والاهم بو الشباب لأني سامعة ان النفسية تصير جذي
وجزاكم الله خير بنات فيدونا وشجعونا علشان الكل يتشجع ويسويها:ada:

 

[nice word]

رد : المتكممات تعالوا بسرعة ابيكم بسالفة

ليش ما في احد رد

 

[اميره بكلمتي]

صح نايس اول الايام النفسيه صفر عالشمال دليل على انعدام او قلة الاكل مع الكل بس اول الايام
وبنسبه للغثيان لازم لان كل شي يتغير وبعدين يصير عادي
وبنسبة لوزنج يسمح انج تسوينها على حسب كتلتج

 

[nice word]

رد : المتكممات تعالوا بسرعة ابيكم بسالفة

مشكورة اميرة ما قصرتي بس تدرين انا هذا اللي احاتي ومخليني مترددة لأني بالريجيم لا تحاجيني فما بالج بالعملية من غير اكل ما ادري تصدقين محتارة يمكن اذا جذي اسويها في الصيف على الاقل ما في مدارس

 

[دلع مطيريه]

هلا حبوبه

انا مسويت العمليه والحمدلله سويتها بمستشفى الفروانيه عند دكتور عبيد الحربي

وبالنسبه للالم ماكو بس اول 3 ايام تحسين بعوار الغرز مال المنظار بس اما اي شي داخل مثل المعده يعني لا ماتحسين فيها كلش

انا اللي كان ياذيني المغذي وشكشكت الابر والبربيش اللي حاطينه بجنبي ولا اي شي ثاني لاااا والحمدلله الحمدلله مشيت بعد العمليه يعني العمليه كانت الصبح انا مشيت المغرب بعد ما صحصحت من البنج بس يبيلج اراده وانج تتحملين واذا انتي متردد وخايفه ومو حابه العمليات سويلج رجيم قاسي وتحملي انا ما احبط فيج علشان محد يقولج لا عادي مافيها عوار ولا شي لا فيها الم اول ثلاث ايام الم بس فتحات المنظار وانا اللي كانت تعوري الفتحه الكبيره اما الثلاثه الباقين لا والله ما حسيت فيهم لاني سالت الدكتور قلت له بس هلفتح اللي اتعب منها غير الباجي انا عبالي ملتهبه خفت قالي لاا لانها الفتح الاكبر من بافي الفتحات بس كثر ماتمشين كر ما يخف العوار والحمدلله الف مره انا امس طلع من المستشفى واموري طيبه

وبالنسبه للاكل ماراح تحسين بالجوع ابدا والاكل راح يكون لج شي عادي ولا راح تهتمين له انا اهلى اكلون قدامي وكانه العيد عندي واطالعهم وانا لايعه جبدي حتى اهمه قامو يقولون لي من نظرتج عوفتينا النعمه هههههههههه

اما النفسيه انتي عدج عيال الله يخليهم لج يمكن اهمه اللي يتعبون نفسيتج لاني انا عندي عيال اختي وعيال اخوي جننوني من صراخهم واتنرفز ليهم دايم غير جذي لا لانهم يبوني العب معاهم كوره انا قبل كله العب معاهم وبس

طولت عليج حبيبتي اسمحيلي بس كنت حابه اقولج كل شي بالتفصيل الممل وان شاء الله اني ماقصرت واي استفسار من عنوني

 

[AF (&-&)]

عن نفسي الحمدالله

التعب اول ثلاث ايااام بس اور اربع اياام يكون تعب من العملية بعدهاا عادي والحمدالله

 

[nana212]

رد : رد: المتكممات تعالوا بسرعة ابيكم بسالفة

حبيبتي اذا سمحتي انا توني مسوية العملية صارلي 4 ايام واليوم ال 5 بس لسة في فتحة احس فيها عوار وايد وخاصة لما اكح وابي تفيديني بالاكل اول 10 ايام اعرف انها سوائل شفافة بس كل كم ساعة لازم اشرب شوربة وشاي والعصييييييييير

وتسلميين حبيبتي:080402ask_prv:

 

[nana212]

رد : المتكممات تعالوا بسرعة ابيكم بسالفة

:wqedqw: بلييييييييييييييييييييييز الي تقدر تفيدني ترد

 

[*ود*]

رد : رد: المتكممات تعالوا بسرعة ابيكم بسالفة

حبيبتي اذا سمحتي انا توني مسوية العملية صارلي 4 ايام واليوم ال 5 بس لسة في فتحة احس فيها عوار وايد وخاصة لما اكح وابي تفيديني بالاكل اول 10 ايام اعرف انها سوائل شفافة بس كل كم ساعة لازم اشرب شوربة وشاي والعصييييييييير

وتسلميين حبيبتي:080402ask_prv:

شفت سؤالج وماحبيت امر وماأردعليج...
العوار طبيعي ويروح مع الوقت بس لاتشيلين شي ثقيل...
اما عن السوائل مافي ساعات محددةبس حاولي تكثرين من السوائل ...نصيحة التزمي مع اخصائية التغذيةوايدبتفيدج موفقة

 

[nana212]

رد : رد: المتكممات تعالوا بسرعة ابيكم بسالفة

شفت سؤالج وماحبيت امر وماأردعليج...
العوار طبيعي ويروح مع الوقت بس لاتشيلين شي ثقيل...
اما عن السوائل مافي ساعات محددةبس حاولي تكثرين من السوائل ...نصيحة التزمي مع اخصائية التغذيةوايدبتفيدج موفقة

مشكوووووووورة حبيبتي ما قصرتي بس ابي اسألك سؤال والله ما قدرت اسأل الدكتور عليه يعني متى ترجع الامور طبيعية بالنسبة للمعاشرة الزوجية وهالأمور انا وايد آسفة على السؤال بس ما اقدر اسأل الدكتور:080402ask_prv:وعندي بيبي عمرة 7 شهور في مشكلة اذا شلتة؟سامحيني أذيتك بأسئلتي :hjy5jewf:

 

[*ود*]

رد : رد: المتكممات تعالوا بسرعة ابيكم بسالفة

مشكوووووووورة حبيبتي ما قصرتي بس ابي اسألك سؤال والله ما قدرت اسأل الدكتور عليه يعني متى ترجع الامور طبيعية بالنسبة للمعاشرة الزوجية وهالأمور انا وايد آسفة على السؤال بس ما اقدر اسأل الدكتور:080402ask_prv:وعندي بيبي عمرة 7 شهور في مشكلة اذا شلتة؟سامحيني أذيتك بأسئلتي :hjy5jewf:

ياهلا عادي حياج الله...
انا مومتزوجة لكن بإمكانج ادقين على السكرتيرة وتخلينها اهي تسأل الدكتوروتقولج..
وسؤالج الثاني المفروض إنج ماتشيلين شي ثقيل هالفترة لأن مكان الجرح يعور..أخاف يصير شي انتي بغنى عنه فالأفضل لا تشيلينه حيااااااااج الله

 

[nana212]

رد : المتكممات تعالوا بسرعة ابيكم بسالفة

مشكووووورة ما قصرتي حبيبتي, ايه والله انا بغنى انا يصير اي مضاعفات ابي استانس بنتائج العملية مشكووووووووووووووورة

 

[*ود*]

رد : المتكممات تعالوا بسرعة ابيكم بسالفة

حياج الله ولاتنسيي راجعي اخصائية التغذية

 

[cramela]

وااااااااااااااااااااااااي ابي اسوي موعدي السنه الجايه افففففففففففففف وايد