المتزوجات شنو عنايتج وقت الدوره الشهريه للرحم وتنظيفه(لهوم-دارسين-لبس دافي-اكل معين)

[مزيونه وشقره]

المتزوجات شنو عنايتج وقت الدوره الشهريه ( حسو-لهوم-دارسين-مرمية-لبس دافي-اكل معين...)

انا البس دافي والف ظهري باي شي وامي دايم تنصحني باكل معين واترك البيبسي بس ما اطيع ودي اعتني في نفسي ابي من خبراتكم اكثر يالسنعات

تصدقون عاد يوم اني بنت وقت الدوره اشرب دارسين واكل عدل واحرص اكثر من الحين


يالله نبي جواب على هالاسئله:eh_s(20):



شنو تاكلين عشان يتنظف الرحم ويطرد الهوا والافرازات وغيره؟

شنو تشربين ؟:eh_s(17):





وشنو الشي اللي لاحظتي انه فرق معاااج لمن استخدمتيه وقت الدوره ؟:eh_s(9):



منو تسوي تدليك وترديد بعد الدوره ؟:eh_s(6):


شنو تحاميل تضيج وتنظف بعد الدوره ؟:eh_s(22):


واي شي من خبرتكم نبيه :eh_s(3):



مع تحياتي يا حياتي

مزيونه وشقره​

 

[بنت الدلال]

سوري مزيونه وشقره دشيت عــرض

بس العنايه تصير حق البنات والمتزوجــات صح ؟


ورديت عليج لانها علي الحين وبطني قاعد يعورني هههههههه وقاعده اشرب عصير كوكتيل بس مو بارد وايد


كنت بسـألكم عادي اشرب عصاير .. لاني وقت الدوره كله ماي عقب الاكــل ماني شنو اشرب وشنو ما اشرب وحتى بالاكل ؟

 

[۩۩ الجـــــود ۩۩]

اهم شى الفطور الصبح يكون خبز مفروك بسمن معه فلفل رشاد

حبه سودا

الغدا مرق كتى شوى فلفل مع خبز ايرانى

تتجنبين البرد برجولج لبسى دلاغات دفى جسمج

ممنوع السبوح الايام الاولى واذا حصل ماى دافى

شربى دارسين مع قشر قهوه شربى جنزبيل طازج هذول كلهم حق الهوا والافرازات

وحده من البنات بالمنتدى تبيع قهوه حلوه حيل وتنظف انا مجربتها

قهوة العصر كثرى النونخه حلوه تنزل الدم وتنظف البطن

البخور بفلفل الهوا والكمون اخر ايام الدوره

تحاميل احسن شى الطبيه ومنها البوثيل صج صج روووووووعه

وسلامتك

 

[tofy]

ام توكة تحاميل البوثيل ينباعون بالكويت ؟

 

[^SwEeTa^]

حبوبة وقت الدورة اهتمي بالدفى، دفي جسمج

لازم تلبسين شي بريولج، شحاطة حق البيت أو دلاغات

و لبسي ملابس تدفي شوي

و لا تلبسين شي ضيج حيل، راح تتضايقين و ما راح تنزل الدورة عدل

و ممنوع الايسكريم و البيبسي و كل شي بارد

كثري من الجاي و الزعتر ---(ما أحب الزعتر، الجاي أهون)

ضيفي الفلفل الأسود على الأكل لأنه ينظف ---- (انا حتى بالعيش أحطه و انا قاعده اكل )

و عقب الدورة إذا غسلتي، اهتمي بالغسول و حطي مسك في المنطقة الحساسة لأنه يطهر المنطقه عقب الدورة، و مو أي مسك، عند القرشي في مسك العروس يكون مسك حر و طبيعي 100%

أتمنى ما أكون نسيت شي

و إن شاء الله ماكو إلا العافية

 

[مزيونه وشقره]

البوثيل عندي اياهم شارينهم لي من السعوديه استعملهم اذا طروا علي خامس يوم الدوره

ام تروكه شنو فلفل هوا النونخه وفلفل رشاد وقشر القهوه من وين وشلون طريقته


مع تحياتي يا حياتي

مزيونه وشقره​

 

[مزيونه وشقره]

حبوبة وقت الدورة اهتمي بالدفى، دفي جسمج

لازم تلبسين شي بريولج، شحاطة حق البيت أو دلاغات

و لبسي ملابس تدفي شوي

و لا تلبسين شي ضيج حيل، راح تتضايقين و ما راح تنزل الدورة عدل

و ممنوع الايسكريم و البيبسي و كل شي بارد

كثري من الجاي و الزعتر ---(ما أحب الزعتر، الجاي أهون)

ضيفي الفلفل الأسود على الأكل لأنه ينظف ---- (انا حتى بالعيش أحطه و انا قاعده اكل )

و عقب الدورة إذا غسلتي، اهتمي بالغسول و حطي مسك في المنطقة الحساسة لأنه يطهر المنطقه عقب الدورة، و مو أي مسك، عند القرشي في مسك العروس يكون مسك حر و طبيعي 100%

أتمنى ما أكون نسيت شي

و إن شاء الله ماكو إلا العافية

انزين كل هذا اوكي اسويه والمسك عاد غرامي بالدوره وبالايام العاديه

بس فلفل اسود على طول اكله والا اول ثلاث ايام بس


مع تحياتي يا حياتي

مزيونه وشقره​

 

[۩۩ الجـــــود ۩۩]

قشر القهوه عند الحواى تجبينه وتحمصينه عندج بالبيت

البوثيل ما عتقد بالكويت من السعوديه اذا احد يروح الخفجى متوفره بالصيدليات

وسعرها دينارين

 

[marioom]

موضوعج اينن لان حتى انا اقدر استفيد منه

وانا عادي عندي اقعد بالبرد احنا بيتنا على طول الدرجة تحت الصفر :eh_s(6):
واشرب كل شي اشتهيه حار ولا بارد

ولااااااااازم وضروووري اتسبح اول يوم وثاني يوم لان ينزلها بسسرعه اصلا اتخلص بسرعه

وعقبها لازم تنظيف بو ساعه ولا ساعه ونص

وودي اسال سؤال :eh_s(22): يفشل شوي عادي عسولة صح :eh_s(6):

انا واايد اسمع عن التحاميل يصير استخدمهم وانا مو متزوجه؟؟
وشنو اسم اللي انتي تستخدمينهم :eh_s(22):

ويعطيج الف عافيه على الموضوع ياعسل :eh_s(17): ​

 

[حـور]

حبيبتي انا يوم بنت ماكنت اهتم ولا كنت ادري انه في شي خاص ايام الدورة اصلا:eh_s(22): !!!! بس بعد الزواج بفترة بديت استوعب...واكتشفت الحل الخطييييييير والسهل والاكيييييييد انشالله......
طبعا الاعشاب انواعها وايد وكلها مفيده للرحم وللتنظيف ونفكر الف مرة شلون نخلطهم ونحاتي شلون نشربهم....لكن الحمدلله لقيت طريقه سهلة ومضموووونه:eh_s(15): ...
الطريقه اهي>>>>>الحسو...:eh_s(3): :eh_s(9):
والله ترى مفيد ولو تلاحظين انه فيه رشاد ودارسين وكل الاعشاب المفيده للرحم انا اللي استخدمه امي الله يطول بعمرها تقول انها خالطة فيه 14 نوع من الاعشاب....واسويه بكل دورة من ثاني او ثالث يوم اكل منه لانه من اول يوم راح يزيد النزيف انا ماتحمل الالم...واتعب...بس من ثالث يوم اوكي ينظف الرحم ومايخلي الدم يتقطع ينظف الرحم وينظم الدورة مع الانتظام في استخدامه...وبنفس الوقت مغذي ويعتبر وجبه الصراحة لانه فيه طحين وشكر..وانا انصح فيه مو بس للنفاس ,,حتى وقت الدورة الشهريه..لاني استفدت منه وانشالله تستفيدين منه انتي بعد..
وسلامتج ..​

 

[سعوودية]

موضوعج اينن لان حتى انا اقدر استفيد منه

وانا عادي عندي اقعد بالبرد احنا بيتنا على طول الدرجة تحت الصفر :eh_s(6):
واشرب كل شي اشتهيه حار ولا بارد

ولااااااااازم وضروووري اتسبح اول يوم وثاني يوم لان ينزلها بسسرعه اصلا اتخلص بسرعه

وعقبها لازم تنظيف بو ساعه ولا ساعه ونص

وودي اسال سؤال :eh_s(22): يفشل شوي عادي عسولة صح :eh_s(6):

انا واايد اسمع عن التحاميل يصير استخدمهم وانا مو متزوجه؟؟
وشنو اسم اللي انتي تستخدمينهم :eh_s(22):

ويعطيج الف عافيه على الموضوع ياعسل :eh_s(17): ​

لا لا لا انتى بنت ما يصير تستخدمين تحاميل مو زين ؟؟؟؟؟؟؟؟؟؟؟؟؟؟؟؟؟؟
أنتبهى البنات ما يستخدمون تحاميل بس يدفون وياكلون زين وبس
ويشربون دارسين او شاى زعتر زنجبيل بس تحاميل لااااااااااااااا ابدا لا تفكرين لانك بنت انتبهى

 

[بنت الدلال]

مريوم شناويه عليه ها ههههههههه شتحاميله


التحاميل تو الناس عليها

وانا وياج داشين لقافه وثقافه .. يلا خل نطلع هههه


مزيونه اول ماقريت الموضوع وكنت اشرب كوكتيل قلت لهم يسون لي دارسين..


المتزوجــات ســؤال ؟


يصير نــاخذ اعشاب وقت الدوره وشنو احسن شي استعملتو ؟ انا مشكلتي تنزل متقطع ودايمـاً تتـأخر حتى لمه تييلي احس ماينظف رحمي ليلحين

 

[همسات ليالي]

خووووووووووووش موضوع

انا احاول ايام الدورة ولاحظوا كلمه احاول ما اشرب بيبسي او اي شي بارد

اما السوالف الباجي ما اسويها للامانه

 

[شمس الوفا]

حبايبي شلون طريقة الحسو حدي غشيمة بهالسوالف ما اعرف شي موليه
وقشر القهوة شلون طريقتها بالضبط مثل القهوة العربية والا غير ؟؟؟؟؟؟
بحاول اعقل شوي واترك الخرابيط واهتم بالدورة

 

[^SwEeTa^]

حبوبة الفلفل الأسود على طول من أول يوم عادي ما يضر

و إذا تعودتي عليه يصير إدمان حتى من غير لا تكون عليج الدورة

 

[سبائك]

اهم شي التدفي وتلبسين دلاغات

تبتعدين عن البيبسي والبوارد بشكل عام

والحمضيات(برتقال+ليمون) ممنوعه

الجبن واللبن ابتعدي عنه<<<الفلبينيه الي رددتني عقب الولاده
تقول انتو يالكويتيات ميانين تاكلون جبن وقت الدوره!!!!!!

تشربين شاي اعشاب يوميا

تبتعدين عن اليوع وتحاولين تقسمين وجباتج الى 5 وجبات خفيفه بدل 3 رئيسيه


ابتعدو عن الفلف الاسود......المره الي اشتري منها ادوية النفاس
تقول الفلفل الاسود ما منه فايده بالمره
لا عقب الولاده ولا بالدوره وكثرته خطره على الصحه
وفعلا بآخر ولادتين ما استخدمته كلش

 

[سحــابة شــوق]

صراحه موضوع حلو

بالدوره انا احاول اهتم بنفسي فما اشرب بارد واشرب شاي اعشاب وطبعا الفلفل مااستغني عنه بالاكل ولا الحليب لانه امي دايم تقولي الفلفل اهم شي وماتوقع كثرته له مضار

وثالث ورابع يوم الدوره اتبخر


صدقوني لما تهتمين بدورتج تلاحظين بفرق عقب ماتخلصين الدوره

 

[marioom]

لوول شفيكم :eh_s(6):
خلاص هونت :eh_s(22):

وثااانكس على الاجابه ياعسولات :eh_s(17): ​

 

[منورة الكويتية]

خوووووووووش موضوع يعطيج العافية
للاسف انا ماهتم يعني ماتدفى ولاا امنع نفسي من البيبسي ولاا اقدر ما اتسبح يعني كل شيئ عكس
بس لازم اغيررر واظغط على نفسي
ناطرين ردود باجي البنات
ويعطيج العافية ياعسسل

 

[انا كويتية]

خوش موضوع .... وياكثر مانسمع ولا نطبق