المتزوجات الموظفات اللي ساكنييييين مع حمولتهم ...ابيكم بليييييييز

[جوـوـوري]

السلام عليكم








بغيت اسألكم شلون نظامكم مع اهل ريلج
يعني كل يوم تنزلين عندهم ولا يوم وترك ولا محددين ايام تنزلون تحت ...
تتقهووون وسوالف وتصعدين شقتج ولا كل يوم تتعشين معاهم يوميا...


اول ايام عرسي كنت انزل يوميا عندهم واللحين ماقمت انزل وايد
مادري اللي اسويه صح ولا لازم انزل يوميا .. وان نزلت ما اطول واذا طولت ساعتين
بالكثير وصعدت شقتي ..
اهل ريلي حبوبين وخالتي وعمي ينحطون عالجرح يبري .. الحمدلله يارب ...
ما ابي اكون مقصره معاهم ونفس الوقت مااحب اكون ثقيله علي احد ..
والله يقدرنا يارب علي طاعته



عفياااااااا بنااات ابي مشاركتكم بشوف الاكثريه شلون نظامهم مع اهل ريلهم ....
خاصه اذا اهم زينين معاج....

 

[Tom ♥ Jerry]

.



انا مرات اذا العشا فوق و حمآي مو موجود آتعشى فوق !
بس الغدآ من الـ آحد ليه الـ خميس > كلا آكل بالكليه لأني آدرس !
لمآ آرد يشيلون لي غدآ

و ايام العطل على حسب حمآي
اذا مو موجود بالبيت يدزون لي مسج على طول آروح آقعد آتعشى و لا اتغدى
لمآ ايي حمآي آنزل شقتي

 

[فانتا ستروبري]

انا اللي حدي مقصرة مع خالتي كلش صايرة ما اروح لها

مع انها حدها حبوبة وطيبة وتحبني الحمدلله

بس اتعييز البس كله قاعدة بغرفتي ​

 

[اهواك بلا امل]

انا مانزل كلش ملش دوام وحمال وتعب امر عليهم بدشة وطلعة واقعد بوساعة اوساعتين وبس هذا اذ طلعت

 

[تبطي عظم!]

للحين ماصار العرس لين صار بقولج

لاني بسكن عند حمولتي ان شاء الله وهم مووظفه ~

 

[جوري 2007]

سوي اللي يريحج بس لا تقطعين

متى مافضيتي نزلي يوم وترك قعدي ساعة بالكثير ويوميا سلام واشلونج خالتي وشخبارج

 

[~LiBrA~]

رد : المتزوجات الموظفات اللي ساكنييييين مع حمولتهم ...ابيكم بليييييييز

بس اذا اقدر وانا راده من الجامعه او وانا رايحه ادش اسلم بس واطلع بدون قعده وسوالف

لكن القعده والمجابل كل يوم لأ بس يوم يمعتهم

الا اذا متيمعين وانا حاسه بملل ادش عادي

بس عادي يمر اكثر من يوم ومايشوفوني


لكن على حسب حمولتج اذا كانو من النوع الي عادي عندهم او يطنقرون

 

[واوي حبي]

رد : المتزوجات الموظفات اللي ساكنييييين مع حمولتهم ...ابيكم بليييييييز

انا عن نفسي أنصحج لا تعودينهم كل يوم تنزلين عندهم خصصي يوم تنزلين عشان لا يتشرهون عليج اذا صار عندج ظرف ومارحتي لهم لا سمح الله


حتى لو حبوبييين نصيحه انتي راح ترتاحين ولا راح تحاتين

 

[يـاسمينا]

رد : المتزوجات الموظفات اللي ساكنييييين مع حمولتهم ...ابيكم بليييييييز

على حسب اذا كانوا زينين وعادي مايعلقون على كل شي ,
اما اذا مايعجبهم العجب حاولي تنزلين عشان زوجج بس وعشان تتحاشين القيل والقال ,

انا كانوا يقولون عني شايفا نفسي وانا اصلاً كنت ارد من الكليه تعبانه :/

 

[bride collection]

اب اب

 

[حجيه هيونه]

رد : المتزوجات الموظفات اللي ساكنييييين مع حمولتهم ...ابيكم بليييييييز

ماكو حموله


بس اتوقع براحتج اذا عندج وقت قعدي وجابلي اذا لا عادي بس بعدين تكلمي معاهم انه ترا ماكو وقت وجذي واهم اكيد بيعذرونج

 

[الغاااااالية]

رد : المتزوجات الموظفات اللي ساكنييييين مع حمولتهم ...ابيكم بليييييييز

شوفي حبيبتي حمولتج لا تقصرين معاهم مهما كانو ولكن كل وحده وضروفها وطبيعة حمولتها والحين اغلب البنات يا دراسه يا دوام ولكن لابد انه فيه وقت تخصصينه للنزله عند حمولتج وخاصة عند خالتج ام زوجج حسسيها باهتمامج فيها حتى لو كان عندج شغل قعدي شوي تقهوي معاها وسولفي معها وكل يومين اوثلاثه نزليلها حلو اوكيك اوجاي وفهوة من صنع ايدج ترى الخاله تستانس لا شافت جنتها هابت ريح وراح تريح ولدها اللي اهو زوجج وخليج انيقه وذربه بس بدون بهرجه وتصنع علشان ما تصرين جنج عروس المولد وتصير نزلتج لهم متعبه ومكلفه عليج ومن جذيه مع الايام تتكاسلين من النزله عندهم والسبه كثرة البهرجه باللبس والمكياج وخلي قعدتج خفيفه وبعدين استاذنيها لان عندج دراسه او ترتيب وتنظيف شقتج او بتروحين مشوار وتردين
ترى مو لازم انج تبسطين كل اليوم عندهم خليج خفيفه ترى حتى الحموله تحتاج انهم ياخذون راحه لان قعدتج عندهم طول الوقت راح يتثاقلونها وبنفس الوقت مو تسحبين عليهم بالايام ما يشوفونج وكله قاعده بشقتج لاتنسين ان الاشهر الاولى هي الاصعب بس لا قدرتي انج تعودين نفسج راح تكسبين رضاهم فهو مكسب لج ولتربيتج وسمعة اهلج اللي قدرو يربون بنيتهم على السنع والله ان القعدة مع الحموله اللي الله هاديهم راح تشوفونها من امتع ايامكم بعد ما تطلعون لبيوتكم ان شاء الله تعالى

 

[nwir72]

انا حسب ظروفي
وبالمناسبات اكيد

 

[احب المنتدى]

رد : المتزوجات الموظفات اللي ساكنييييين مع حمولتهم ...ابيكم بليييييييز

على حسب الوضع

 

[ريتااجي]

رد : المتزوجات الموظفات اللي ساكنييييين مع حمولتهم ...ابيكم بليييييييز

up

up

 

[Sweetq8]

ماعندي نظام معين

لان فبيت اهلي ماكان عندي نظام وهذيل بعد اهل

لي خلق نزلت مالي خلق مانزلت وعادي معاهم في حدود عشان محد يزعل من احد^_^

 

[ذهب ابيض]

منو عند الحموله <<ليش داشة لووووووووووووووول


اب لعيونج

 

[Sweetq8]

ماعندي نظام معين

لان فبيت اهلي ماكان عندي نظام وهذيل بعد اهل

لي خلق نزلت مالي خلق مانزلت وعادي معاهم في حدود عشان محد يزعل من احد^_^

 

[q8 sun]

رد: رد : المتزوجات الموظفات اللي ساكنييييين مع حمولتهم ...ابيكم بليييييييز

شوفي حبيبتي حمولتج لا تقصرين معاهم مهما كانو ولكن كل وحده وضروفها وطبيعة حمولتها والحين اغلب البنات يا دراسه يا دوام ولكن لابد انه فيه وقت تخصصينه للنزله عند حمولتج وخاصة عند خالتج ام زوجج حسسيها باهتمامج فيها حتى لو كان عندج شغل قعدي شوي تقهوي معاها وسولفي معها وكل يومين اوثلاثه نزليلها حلو اوكيك اوجاي وفهوة من صنع ايدج ترى الخاله تستانس لا شافت جنتها هابت ريح وراح تريح ولدها اللي اهو زوجج وخليج انيقه وذربه بس بدون بهرجه وتصنع علشان ما تصرين جنج عروس المولد وتصير نزلتج لهم متعبه ومكلفه عليج ومن جذيه مع الايام تتكاسلين من النزله عندهم والسبه كثرة البهرجه باللبس والمكياج وخلي قعدتج خفيفه وبعدين استاذنيها لان عندج دراسه او ترتيب وتنظيف شقتج او بتروحين مشوار وتردين
ترى مو لازم انج تبسطين كل اليوم عندهم خليج خفيفه ترى حتى الحموله تحتاج انهم ياخذون راحه لان قعدتج عندهم طول الوقت راح يتثاقلونها وبنفس الوقت مو تسحبين عليهم بالايام ما يشوفونج وكله قاعده بشقتج لاتنسين ان الاشهر الاولى هي الاصعب بس لا قدرتي انج تعودين نفسج راح تكسبين رضاهم فهو مكسب لج ولتربيتج وسمعة اهلج اللي قدرو يربون بنيتهم على السنع والله ان القعدة مع الحموله اللي الله هاديهم راح تشوفونها من امتع ايامكم بعد ما تطلعون لبيوتكم ان شاء الله تعالى

يا حلو كلامج ما شا الله سنعة
انا معاج 100%

 

[om_dodo]

اب

اب

اب