المتحجبات و هدومكم ... تعالوا

[Chocolate Milk]

قووه شخباركم؟

بدخل عالموضوع :ada:

انا متحجبة و ملوعه جبدي سالفة الملابس

يعني البلوزات ملوت البيت

و البلايز الحفر و النص جم و الجم طويل و الابيض و الاحمر و الاخضر و الاسودد

و البنطرونات

والقمصان

والجاكيتات

امبييه مخلي و قف والله !!

قولولي شلون ترتبون

فيدوني برتب كبتي :0bee2e8d89:

 

[fajora]

بصراحه انا اصفف اول شى احط التوبات بعدين الجينزات وبعدين البلايز وجذى واعتقد جذى راح ترتاحين لان راح تشوفين الى تبينهم بصوب بروح

 

[HASB_83]

انا الجينزات بروح
والحفر بروح
والنص جم برووح
والجم طويل بروح
اصفطهم واصبفهم يم بعض بالكبت

بس هم مرات يتعفسون ويدشون على بعض ههههههه

يبيلي احط فواصل بينهم!!!

 

[al-zabarjad]

روحي ايكيا

راح تلقين أشياء واايد تساعدج في ترتيب هدووومج

اشتري سلال أو فواصل

ورتبي كل شي مع بعض

 

[ام منتظر]

اي صج روحي اليكيا فيها شغلات وايد حلوة لترتيب الملابس مثل تعلاقة الحجابات وفواصل انشالله اتفيدج

 

[إستبرق]

والله انا مشتريه من ايكيا سلات والبديات اصفطهم يعني سله تكون للالوان الغامجه الاسود والكحلي وجذي وسله ثانيه للبيج والابيض وهالالوان والسله الثالثه للالوان الباقيه والبنطلونات كبتي فيه علاقه البنطلونات فاعلقهم فيها والباقي مصفطتهم سله لالوان البيج وسله لالوان الغوامج الي بالسله البنطلونات الي ما استخدمهم وايد
وبعدين الملابس عاد معلقتهم من الاطول لي الاقصر وبس سلامتج
وصج ترى السلات واااااااايد ترتب انا كل شغلي بسلات حتى احس ان بدون سله المكان لويه يعني ملابسي الداخليه كل مجموعه الوان بسله يعني الوان الوردي بسله والاسود والكحلي بسله والابيض والاوف وايت والبيج بسله جذي
والمكياج حتى بسلات كل شي كل شي بسلات

 

[Lemon Juice]

انا كل شي أعلقه بالكبت ( الجينزات والتنانير والبلايز الطوال والقمصان بأنواعها سواء طويله أو قصيره وحتى البلايز القصار اللي جمهم طويل أعلقهم بالكبت )

وكل شي أفرزه وأحطه يم بعضه .. يعني التنانير يم بعض .. والقمصان يم بعض ...الخ

بس البلايز الحفر والنص جم أسفطهم وارتبهم واحطهم بالرف .. الحفر مع بعض , والنص جم مع بعض

وبجامات البيت طبعا ً أسفطهم بعد واحطهم برف ثاني بروحهم

اذا تبين كبتج يصير مرتب لازم تفرزين الهدوم واتحطينها في مكانها الصحيح

واذا عندج هدوم زايده ما تبيها وما تلبسينها خير شر ... تبرعي فيهم

احنا شاللي ذابحنا غير تكود الهدوم اللي ما نلبسهم كلش ولا ندري عنهم

 

[بـشـرى]

صج لوووووووووووووعه االهدووووووووم كل مكان القى لى شغله .. وكل ما قلت ابى افرز .. تحسفت وقلت لا ممكن انى اللبسهم ..
وهكذا كل يومين اشترى شغله يديده وابتلش فيها من كثر الخلاجين ..
المهم انى لما ارتبهم بالكبت ..... احطهم على اسااااس اللون ...... بجه وثانيا ... احطهم على اساس اذا كان لبس لدوام ولا زيارات وملابس المناسبات بكبت برووووووووووووووحهم بما انها من فترة لفتره تنلبس؟

 

[ام دودو المزيونه]

في شيئ ينباع بأكيا عبارة عن ارفف تتعلق بعلاق الكبت تكون من خامه اذا فهمتي علي اصفط فيهم البديات حسب اللون (يعني الغوامج بروح والفواتح بروح والخ ) وايد فادني قمت اعرف كم بدي عندي بدل ما هم مدعوسين بالكبت

 

[<< أزيان >>]

للأسف انا مابقى طريقه ماجربتها الفواصل والسلال واصفي ملابسي كل موسم انا مشكلتي بهدوم البيت وااااااااااااااااايد اكثر من الطلعه

فادلعت روحي وحطيت لي كبتين واحد بغرفة النوم لملابس البيت وواحد بدار الأوتي لملابس الطلعه وشذي ارتحت

 

[Piήk Đяέąмş‏]

مثل حالتي ههههههههههه

روحي ايكيا مث ماقالوا البنات

 

[حنون فنون]

افضل شئ اعملي فرز وبعدين تبرعي بالزائد لوجة اللة