المانيا و النمسا حق شهر العسل .. ساعدوني بليز

[Lourdez]

قووة بنات

انا و ريلي حجزنا حق المانيا (ميونخ) لمدة 11 يوم شهر 5 من ميونخ بنأجر سيارة و ننطلق للنمسا (زلمسي) و بعدها نفتر عالمناطق ف بليز ابيكم تساعدوني ابي جدول فيه المناطق اللي لازم نروح لها سواء بالمانيا او النمسا و عندي شوي اسئلة

طيارتنا تنرازيت والرحلة 8 ساعات و نوصل ميونخ الصبح هل تقترحون ننام ليلة بميونخ و لا نتحمل الشقا و ناجر سيارة نطير فيها للنمسا؟

شنو البس ؟ شلون الجو مناك؟ تريننقات ؟ و لا اخذ جاكيت فرو؟ اخذ بوتات؟

سمعت انه الاكل مرات مو شي و مو حلال ف شنو اخذ من الكويت معاي ودي اسوي عزبة للطبخ اشيل قش شوي يعني قهوة جاي جبن قلاص توست و لا اشتري من هناك

 

[StEllA]

انا ما عرف بالمانيا بس بالنمسا
ب زل ام سي روحي كابرون( جبل الثلج )
و يوم ثاني ( شلالات كريميل) احلا مكان
و اقترح لازم تمرين و تسكنين بسالزبورغ لانها حلوه و فيها رحلات اكثر مثل رحله البحيرات و قصر هيلبرون و في قلعه نسيت اسمها
بالنسبه للجو انا رحت لها اول شهر ٤ كان الجو بارد بس حلو بس اتوقع شهر خمسه ما تحتاجين فرو بس خلي معاج كوت لان يمكن تحتاجينه
و الاكل انتي بتنزلين بشقه؟؟ و لا فندق؟؟ و احس ماله داعي تاخذين اكل كل شي هناك متوفر في مطعم هندي بزلمسي اكله حلو و في بكل مكان بيتزا و باستا بدون لحم

 

[Lourdez]

انا ما عرف بالمانيا بس بالنمسا
ب زل ام سي روحي كابرون( جبل الثلج )
و يوم ثاني ( شلالات كريميل) احلا مكان
و اقترح لازم تمرين و تسكنين بسالزبورغ لانها حلوه و فيها رحلات اكثر مثل رحله البحيرات و قصر هيلبرون و في قلعه نسيت اسمها
بالنسبه للجو انا رحت لها اول شهر ٤ كان الجو بارد بس حلو بس اتوقع شهر خمسه ما تحتاجين فرو بس خلي معاج كوت لان يمكن تحتاجينه
و الاكل انتي بتنزلين بشقه؟؟ و لا فندق؟؟ و احس ماله داعي تاخذين اكل كل شي هناك متوفر في مطعم هندي بزلمسي اكله حلو و في بكل مكان بيتزا و باستا بدون لحم

شكرا يا قلبي بنزل بشقة احنا بنروح شهر عسل بس يدته و امه معانا

 

[Pink_Roses]

الافضل انكم ترتاحون ليلة على الأقل خصوصا ان معاكم حريم كبار واعتقد طيارتكم راح تكون بالليل وراح توصلون الصبح هناك

عندج سالزبورغ و انسبروك وكابرورن وزلامسي بالنمسا

اما المانيا ميونيخ حلوه حق ثلاث ايام

انا اقول اخذي قهوتج وشايج معاج وهم الجبن احسن خصوصا انتو بتقعدون بشقة

 

[Alrem_q8]

احسن المناطق بالنمسا مثل ماقالو زلمسي وكابرون وسالزبورج وانسبورك بالنسبه لالمانيا لما تكونون بميونخ وبما انكم مأجرين سياره روحو لقارمش حيييل حلوه من الصبح لي الليل وبعدها ارجعو ميونخ


والافضل دام بتوصلون الصبح لميونخ ع طول روحي النمسا ولما تخلصون ارجعو لميونخ خلو لها اربع ايام يوم خصصوه لقارمش وثلاث كلها بميونخ والباقي طبعا بالنمسا


في مطعم حلو اسمه اكتوبوس )) اخطبوط )٠// بزلمسي خالتي كانت كله تاكل منه لان اكله حلو ومو غالي هالكلام صيف ٢٠٠٦ عاد صار غالي مادري ههههههه

 

[نادين العتيبي]

رحله سعيده

 

[Lourdez]

مشكورين حبايبي وايد ساعدتوني و سويتلي جدول قولولي شرايكم فيه
اليوم 1: الوصول لميونخ المبيت ليله
زلمسي 3 ايام ( خلال هال 3 ايام نمر على انسبروك - كابرون-قارمش)
فرايبورغ رست 2 يوم حق اوروبا بارك
شتوتغارت حق منطقة ميتسغن فيها اوت لت يمدحونه
الرجوع لميونخ و نقعد فيها 3ايام بين التسوق و السياحة و اليوم الثالث طيارتنا الفجر و نرجع للكويت الحبيبه

شرايكم يا خبيرات المانيا

 

[Galaxy world]

عزيزتي
النمسا بلد جميل جدا . و انا من اهم اولويات بالسفر ان لاتكون المسافات بعيده يعني ما نضيع وقت بالسياره.لو كان الامر راجع لي لاخترت ٤ كابرون و ٤ سالزبورغ و ٣ ميونخ.
الاجمل من وجهه نظري سالزبورغ على الاطلاق
مدينه روعه و الرحلات اليوميه اروع و الحلو بالموضوع العرب ما يعرفون لها عدل.
و اذا تبون تروحون يوريا بارك فافضل السكن بمدينه هايدلبيرغ الالمانيه او ستراسبورغ الفرنسيه.

 

[قلب الزعابي]

أنا سفرتي ورأ بأجر ان شاء الله
يقولون الجو بدا يحر منعه بداية اربعه الكل سافر ويقول الحراره تحت الصفر
الحين توصل ١٤
المهم
رحلتنا
بوظبي لميونخ بتقعد يوم
عقب قارمش يوم
سالزبورغ أتوقع يوم
زلامسي ٣ ايام
أنترلاكن ٣ ايام
ميونخ يومين
وللحين مأقررنا عن الاماكن اللي بنزورها
يارب ييسر لي سفرتي

 

[Lourdez]

قلب الزعابي تروحين و تردين بالسلامة حبيبتي ننطر تجربتج عقب السفر

 

[Lourdez]

عزيزتي
النمسا بلد جميل جدا . و انا من اهم اولويات بالسفر ان لاتكون المسافات بعيده يعني ما نضيع وقت بالسياره.لو كان الامر راجع لي لاخترت 4 كابرون و 4 سالزبورغ و 3 ميونخ.
الاجمل من وجهه نظري سالزبورغ على الاطلاق
مدينه روعه و الرحلات اليوميه اروع و الحلو بالموضوع العرب ما يعرفون لها عدل.
و اذا تبون تروحون يوريا بارك فافضل السكن بمدينه هايدلبيرغ الالمانيه او ستراسبورغ الفرنسيه.

تصدقين شفنا سالزبورغ بس ما يازت لنا. مادري ليش هوننا نروح لها

بنات ابشركم حددنا السفرة الحمدالله صارت يوم ميونخ للراحة 3 زلمسي 2 شتوتغارت 2 رست حق اوروبا بارك بعدين يومين ميونخ

 

[elegantway]

مبرووووووووووووووك اختي وبالتوفيق ان شاء الله

 

[Galaxy world]

تصدقين شفنا سالزبورغ بس ما يازت لنا. مادري ليش هوننا نروح لها

بنات ابشركم حددنا السفرة الحمدالله صارت يوم ميونخ للراحة 3 زلمسي 2 شتوتغارت 2 رست حق اوروبا بارك بعدين يومين ميونخ

مع احترامي لكل المدن .. سالزبورغ الاجمل بدون منازع .. اخر سنتين رحنا سالزبورغ و هالسنه انشاله بعد . سالزبورغ يبيلها الى يعرف لها
سفره سعيده و موفقه انشاله

 

[قلبي تركواز]

حبيبتي اما كابرون اما زيلامسي خلي السكن في وحده منهم لانهم قراب حيل من بعض زيلامسي الاحلى وكابرون الاهدا انصحج تسكنين في كابرون وتروحين لزيلامسي لان اهم اهم نفس الشي خلي يوم كامل تتمشين في زيلامسي وتشوفين بحيره زيلامسي وتركبون القارب ويوم ثاني للثلج في كابرون ويوم لشلالات كرايمل واعتقد في زيحلاقيه صيفيه اسمها سيلفيدين ناسيه اسمها همن حلوه
اما سالزبورغ يبي لها يوم واحد تروحين لها الصبح وتردين منها بالليل لانها جامده حيل ومافيها طبيعيه مجرد سوق و مباني تاريخيه ماعجبتني كل واحد وذوقه
وبالنسبه للطبخ اخذي بس القهوه العربيه والهيل لانه كل شي متوفر هناك
في مطاعم حلوه بزلامسي مطعم علاء الدين ومطعم علي بابا هالمطعمين اكلهم حلو حيل وفي مطاعم تركيه وشاورما حلال