مسااااااء الخيرراااات ع احلى بناااات
شوفوا ياحلوات قبل كم يوم رحت لبنده<<<هذي هايبر سوبر ماركت بالمملكه
عاد كنت ابي اشتري فول الصويا مااعرفه معرفه شخصيه هههههههه بس شفت صورته بالنت
رحت لقسم البقوليات وشريت نفس الصوره وماانتبهت شنو مكتوب عالكيس ،، لمن رجعنا للبيت وشافت الشغاله الكيس قالت شنو هذا مدام قلت وبكلللل ثقه هذا فول صويا وبسوي منه حليب صويا وقعدت اتفلسف عليها ولا تصدمني وتقول مدام هذا فاصوليا مافيه صويا ،، لمن قريت اسمه بالكيس الا مكتوب لوبيا طلعت احسن مني ههههههه
ع العموم وقعدت ابحث بالنت عن فوائد اللوبيا واكتشفت انه من اساسيات مكونات الحنه البيضاء عاد كلكم تعرفون فوايد الحناء البيضاء للبشره .
مااطول عليكم عاد طقت براسي خلطه سويتها وطلعت روووعه وصدمتي نتايجه :
بياله ونص لوبيا مطحونه
بياله رز مطحون
ملعقتين صغار شبه
خليها بعلبه عندك ومتى ماحبيتي تسوين قناع اخذي ملعقتين منها على ماي ورد ،، انا الماي الورد اللي عندي مخلوط بـ (ماء ورد/براس الملعقه عكر فاسي/ نص قرص فيتامين سي الفوار)
خلطتهم وحطيتهم ربع ساعه ع وجهي بعدين قعدت افركهم بحركه دائريه ليمن طاحت كلها من وجهي بعدها غسلتها بماي بارد.
نجي للنتايج ..نعوووووومه ملحووووظه ، تفتحت بشرتي وااااجد وشدتها ع الخفيف ع فكره بشرتي مختلطه وفيها شوية اثار حبوب >>ذكريات المراهقه
والله يابنات من الفرحه كل شوي اروح اطالع وجهي بالمنظره مو مصدقه انه يطلع مني خلطات ههههه
يالله حبيباتي اتمنى تستفيدون من تجربتي واللي تعجبها تسدح تجربتها هنا وتفرحني احس اني مسويه شي مفيد للمجتمع .
يالله انا قاعده هنا اتقهوى ليمن تجي وحده وتفرح قليبي
