الماركات بالكويت ؟؟!

[عواش1987]

السلام عليكم

بنات حبايبي عندي موضوع مآرقني انا من النوع اللي احب الماركات وما احب التقليد كلش

المهم

من فترة وقفت ما قمت اشتري جناط و لبس ماركات لان الكل يقولي ليش تاخذين من الكويت

وكذا بنت صار لها موقف انها تشتري شغله ولي سافرت وعرضت هالشغله تنصدم انه مو آصلي

ذاك اليوم صكت فيني الدنيا في محل بالمهلب و 360 اسمه لولا بومب انا احبه واسعاره رووعه مو غاليه

سالتها مالت االمهلب وين فرعكم قالت ب360 وقلت لها الافنيوز ماكو قالت لا مع انه موجود بالافنيوز !!:eh_s(16):

شسالفه والله لاعبين فينا وزاره التجاره و في وحده شازيه جينزات من ديزل الافنيوز واخترب سحاب واحد فيهم

ودتهم حق 360 وسمعوا الصدمه قالها الموظف ان هالجينز مو اصلي ومو تبعنا امبيه :rgewrg: جد مسخره

وانا شريت جنطة ايشتي من الافنيوز الكل يقول مو اصلي

وفي بنات وايد لاحظوا ان محل بولو الافنيوز مو اصلي :eh_s(4):

والكل يقولي لي سافرتي اشتري انا مو من النوع اللي وايد اسافر

،حيل بخاطري جنطة ال في بس ماسكه نفسي ماني ماخذتها من الكويت

وطبعا مالاداعي اذكر لكم السعر لو سعر الجنطه الاصلي ب 500 عادي بالكويت تصك 800

لي متى هالغش والنصب عندنا مااادري

وايد بنات صار لهم مواقف وغش تجاري خصوصا بالكويت :eh_s(16):

فكرت اطلب من مواقع بس هم كذا وحدة صار لها موقف بايخ وخايس مع جماركنا الحلوين

يضيعون الاغراض وبالاخير يعطونها تعويض والله قهر :rgewrg:

حتى في بنت كانت مسافره وشرت جناط ماركات يوم وصلت الكويت قايلين لها جنطتج ضايعه

وااااي لو انا اصير مينووووونه صراحه

شرايكم انتو ؟؟؟ ما سمعتوا سوالف ؟؟ وليش يسكروم بعض محلات الماركات ؟؟

وهل الماركات اللي عندنا فعلا اصلية ؟؟

 

[Moon touch]

اااااااااااب

 

[أدريانا.]

اب اب

 

[ghadeeeer]

أول شغلة بقول لج عنها إن lv الكويت أصلي مليوووووووووووووووووون%
بدليل لما تدخلين السايت الأصلي لهم راح تشوفين فرع الكويت موجود
بعدين عندهم نظام ربط مع باقي أفرع العالم يعني شهر يناير اللي فات خذيت لي حزام من تركيا وبشهر 3 بدلته بفرع الصالحية بعد ما دخلت الموظفة على حسابي وشيكت عليه وأذكر مرة موظف أعرفه عدل عندهم بطل حسابي وعرف آنا شنو شارية من لندن بموافقتي طبعا لأن بقينا نشيك على لون جنطة
وكان عندي جنطة منهم اخترب السحاب شغلة جذي وحزتها كنت بلندن فرحت لهم وصلحوا السحاب طبعا بعد ما شيكوا على حسابي ودروا إنها من الكويت فعادي ما قالوا ما نستقبلها
بالنسبة لباقي الماركات دايما لو تبين تشيكين عليها دشي السايت الأصلي للماركة وشوفي أفرعها حول العالم إذا الكويت موجودة يعني اعتمدي إنه أصلي
عندج مثلا محل جيزيا اللي بزهرة الأخت ماخذة الاسم وكاتبة شركة أزياء جيزيا ههههههههههههههه ويايبة جم قطعة من تركيا وداااااااااااااابلة الأسعار وقاصة على خلق الله
والله العظيم نفس القطع اللي تبيعهم آنا ماخذتهم من تركيا الفرع الرئيسي بربع السعر يمكن صج الماركة مو هينه أسعارها بس مو نفس اللي الحلوة تبيعهم والصدمة لما دخلت السايت مالقيت لهم أي فرع بالكويت هنيه مفهوم الغش التجاري يكون واضح

وبالنسبة لشانيل الكويت ترا أصلي 100% ولو سمعتي إن المحل تسكر ترا السبب يكون عدم تجديد الرخص وهالسوالف لأن مستحيل من سنييييييييييييييين والناس تقول محلات الصالحية مو أصلية عيل ليش ما تسكرت بشكل نهائي للحين
خلج من كلام بعض الناس اللي ما يطول العنب حامض عنه يقول ومو حاصل لهم يشترون
أما باقي الماركات اللي قلتي عنهم ما جربتهم بصراحة

 

[عواش1987]

الله يبشرج بالخير غدير ال في كذا وحده قالت لي أصلي وما يندرا

قوتشي موجود بالسايت و مذا مره يقولون مو آصلي و شمعوه انا مره شفته مسكر بس ليش الله اعلم !!

واب اب

بنات نبي منو صار معاها موقف جذي

 

[اروحله فدوه]

للرفع

 

[ghadeeeer]

قوتشي اللي كان بالفنار تقليد بضاعته مخلوطة إنتي وحظج لكن اللي بـ 360 مضمون لأن دبي المسئولين عنه وأتذكر شريت لي حزام من لندن فوديته محل الفنار والله العظيم قالوا ما نبدله ولا نصلحه أما فرع 360 الحين مرتبط مع دبي

شوفي عواش دايما أي ماركة تاخذينها من الكويت ويقولون لج تقدرين تبدلينها بأي مكان بالعالم تأكدي إنها أصلية
وبعد خذيت جنطة ال في من لندن كان لونها أحمر من فرعهم بسالون ستريت وقالت لي الموظفة جدامج 10 أيام تقدرين تبدلين اللون حتى لو كنتي بالكويت فتطمني لا تحاتين
بس عيب فرع الكويت أغلى من بره حتى لو فرق 20 أو 40 دينار صج مو ذاك الزود بس هذا اللي لاحظته
ولأي استفسار آنا بالخدمة

 

[الشيخه فطامي]

انا شريت جنطه قوتشي من لندن يت الكويت فرع الفنار نفس الجنطه بس اللون باهت

جنطتي وردي بذهبي فيه لمعه اهم يايبينها زهري ببيج

هني شكيت انه مو الاصلي ماقمت اشتري منه

بعدين صراحه انا ماقام يهمني تقليد ولا اصلي لانه مرده بتروح موضته او يصيرله فتره عندج تملين

في موضوع انا كاتبته عن هل الشغله يعني شكثر بتشيلين الجنطه اخر شي تلوع جبدج منها لازم تغيرين

 

[miss_Ba6oOo6a]

اخذت من بربري والخياط عوي ومو نظيف وبدولها لي
وشفت قوتشي بدبي وشفتها اهني حده فرق الي اهني وااايد خفيفه وجنها نايلون والي شفتها جلد ثقيل

 

[MiSS B.K]

ااااااب

 

[N.o.L]

آآب آآآب

 

[عواش1987]

غدير حبيبتي صح كلامج ومشكووووره خووووش نصيحه بس هم بنطر اذا سافرت باخذ ال في من برا بإذن الله

وعلى فكره الكل يقول ان ٣٦٠ ماركاته مضمونه ومافيته تلاعب بالماركات ان شاء الله صج

والافنيوز لاعب لعب على كلام البنات والله اعلم

فطامي شلون ما يهمج اصلي ولا تقليد امانه ما تحترين تقطين مبلغ ٥٠٠ دينار على جنطة بالاخير تطلع تقليد حده قهر الصراحه

والجناط التقليد درجه اولى على ٨٠ و ٩٠ والله حرام فيهم هالمبلغ ازيدهم الدبل واخذ اللي تكد وتمد وانا عكسج اشوف ان الماركات ما تروح موضتهم لو شنو

انا ليلحين البس جنطة امي الال في اللي شاريتها من قبل لا انولد وايد جناطها موجودين ليلحين نلبسهم الماركه ما تنقط


صج سعرها فيها

 

[اروحله فدوه]

uppp

 

[دانه الخليج]

مرحبا بنات صدق ترا هذا موضوع مهم جدا بالنسبه الي يحبون ويفضلون يشترون اجناط وملابس اصليه لكويت اول مشككين بماركاتها بس الحين مافي لعب 100% اصلي العولمه والانفتاح والنت خلي الناس توعي وتصحي علي الي حولهم الحين وانتي قاعده باي مكان تشوفين وتدشين علي الماركات كلها وتشوفين جديدهم واسعراهم......... الله يوفقهم للاصلح

 

[ghadeeeer]

عوااااااااااااااااش يننتيني ههههههههههههههه يبا توكلي على الله وروحي الصالحية وإنتي مغمضة وروحي لواحد اسمه إيهاب بـ lv قولي له من طرف غدير راح يساعدج بكل شي حتى باختيار القطعة والله ينصحني حلوة ولا لأ ويقول لي قيمتها تسوى أو لأ والموديل شكثر صار له جذي يعني
وعلى فكرة أغلب جناطي الماركات يكونون ستاندرز علشان لا يروح الموديل وأتحسف عليه
واخذي جولة عندهم وشوفي بصراحة لاااااااااااااااااااااا يقاوم هالمحل آنا أضمن لج محلات الصالحية كلها أصلية 100 % وكلام
دانة الخليج مضبوووووووووووووووووووط 100 %

 

[عواش1987]

لووووووووول غدير قاعده تشوقينيي ههههههههههه

ان شاء الله بروح اطل ايهاب عسى ما انسى اسمه ههه

ومشكوره حياتي صج ما قصرتي

ويالله بنات نبي تجاااااااااارب منو مرت بتجربه خايسه ومنو متآكده من ماركه معينه بالكويت انها تقليد مو الاصليه

انا قالوا لي بولو الافنيوز بضاعته مو اصليه اللي جدام دير ان دير :-/

ديزل الافنيوز نفس الشي لان ٣٦٠ ما يستقبلون ملابسهم

،و سامبا الافنيوز سكروووه مرا شفته مشمع

وبعد ؟؟

 

[ReD&FoSHia]

قوة
دشيت الموضوع من عنوانه و اخترعت من الكلام
شدعوا ترا بس محلين اللي جكوهم تقليد الباجين لا اصلي
والقصة المتداولة مرة ديور و مرة شانيل و مرة غوتشي ومرة مادري

بيمبا اند لولا ماله فرع بالافنيوز بس المهلب و ال360
و ديزل بس ب 360

انا جناطي اغلبهم من الكويت ولي سافرت اشوف الاصلية نفسها اهي اهي

 

[الجاربة]

بنات الصالحيه فيها محل الشوبارد ابي شنطه الشوبارد الجديده

 

[_زينه_]

ابصملج ميلون بال % ان الماركات العالميه اللي عندنا اصليه بدليل سايت الماركه نفسه يحط دوله الكويت ثاني شي الصالحيه و الرايه وزهره والافينيوز واللي فيهم ماركات ترا اصلي لا تخافين واشتري وواساسا التقليد يبين لو كان مرتز بالصالحيه يعني مو عشان المكان لا ماراح يبين و بقول شغله بخصوص الموضوع نفسه قبل قالو سكرو محل قوتشي عشانه تقليد اشوف ما سكرو مال 360 ليش لان الاثنين اساسا اصلي بس سكرو قوتشي الفنار اولا عشان بيحطونه بمكان ثاني ثانيا لمن سكروه كان منتهيه الرخصه مو عشان تقليد فا اتمنى من ناقلي الاخبار ينقلون خبر صحيح مو كلام فاضي مألفينه

وعلى فكره انا توني راده من السفر فاره اوربا كلها ايطاليا وسيسرا وفرنسا و النمسا والمانيا وكل ديره ازورها ادش محلاتها و اسأل عن الماركات كلهم قالولي لنه فروع بالكويت سألت قوتشي فالنتينو ال في شانيل ديور فرزاتشي بوتيقا و تودز وايد وايد ماركات وتيفاني بعد و بشوارعهم اللي موجوده الماركات فيها شارع ماك ميلام وغيره من شوارع و حتى هرمز موجود بالكويت اصلي


فا انا اقولج اشتري و انتي مغمضه و مره سألت غاده رزوقي المذيعه اهيا زميلتي قلت لها حطو عن حلقه عن هالشي المحلات والغش التجاري قالت احنه اسضفنه الوزير وأأكد ان كل شي اصلي ومرخص واي شخص عنده شي خطأ يراجعنه وماله الا طيبت الخاطر و يب معاه فاتورته والشي اللي شراه واذا كان الكلام صج يتسكر المحل مثل ما سسو في بعض المحلات اعتقد الكل سمع فا حبيبتي اذا عندج صارت فيه سوالف بشريهم ان يرحون الوزاره و اهيا تاخذ الاجراءات دام ان بسعر غالي


وسوري عالاطاله بس كان للتوضيح وايد ناس فاهمه غلط
حتى الاجانب اضحكو علينه يقولون انتو شلون دوله الكويت وغنيه و هم تشككون بمصداقيت محلاتكم والمشكله محلات عالميه يعني هههههههههههههههههههه

 

[_زينه_]

بنات الصالحيه فيها محل الشوبارد ابي شنطه الشوبارد الجديده

اي شوبارد موجود بالصالحيه وانا عندي جنطه شوبارد السوده حلوه ومريحه وعلى فكره موجوده الجناط في كل محلا الطرف الاغر الافينوز وغيره