اللي يهمها طول اعيالها

[المشخوطه]

سلام عليكم
اشلونكم شخباركم
مابي اطول عليكم انا مشكلتي في ولدي عمرة 7 سنين المشكلة انة قصييييييييير
المفروضاللي في عمرة يكون طولة 123 وهو116 يعني فرق 7 سانتي والفرق واضح
بينة وبين اللي في عمرة حتى اللي كبرة يعيبون عليه وقولولة يالدادة المفروض انت بالروضة
وهو وايد مضايق من الموضوع وبدى يدقق بالطول واللي اصغر منة صاروا اطول بوايد
الامهم رحت للدكتورة اشكيلها الحال وعطتني بعض المقويات مثل
شراب الاسكيمو كيدزوشراب الابتون وشرابألترا بروتين شراب فروز مقوي حديد
وهما مكملات غذائية وفيتامينات بس مادري اعطيهم ولدي عادي مايأثرون عليه بالمستقبل :0bee2e8d89:
اخاف يضرونة بالكلى اوفي اماكن ثانية ارجوكم فدونيي اللي تعرف وشنو تنصحوني في
ومع جزيل الشكر

 

[mafio98]

اختي الصراحه مااقدر افيدج وايد بس شراب الاسكيمو يصرفونه حتى حق البيبيات انا ولدي لما كان عمره 3 اشهر وصفه لي الدكتور فمن ناحية هالشراب لاتحاتين

 

[مس كوكا]

في فتامينات بصيدله بس روحي الصيدليات على نستوى ترى يفووودوووونج وايد

 

[الجفووول]

ياحياتي هذي شغله بالجينات والوراثه ..

ومهما عطيتيه فيتامينات ماراح يطول الا بالشي اللي الله كاتبه له ...

عطيه الفيتامينات وخليه يتعلق بحديده نفس مالت الجمباز عرفتيها !!

وعلميه ع كرة السله ترا وربي مجربه ونتيجتها حلوه


وترا كثره الفيتامينات مو زينه تسبب حصوات لا سمح الله اذا الكليه ماقدرت تمتصها عدل

 

[المشخوطه]

مشكورين ماقصرتو
واللي عندها خبرة ياريت تفيدنا

 

[رشيديه كووول]

بنت رفيجتي نفس مشكلت ولدج , بنتها كانت قصيييييره حييييل قامت وودتها حق دكتور استشاري للغدد بس مادري شسمة

وطلعت غدتها خامله حيييييل عشان جذي قصيرة وماشالله عطها علاج لخمول الغدة ومع المتابعة كل شهر يقيس طولها

وماشالله بنتها طالت وصار طولها طبيعي مع بنات جيلها

 

[ام اغلى الناس]

اعتقد اذا السالفه وراثه ... مالها علاج
والله اعلم
يا عمري المهم انه بصحه زينه و خلاص
ناس واجد قصار بس قصره ما اثر على حياتهم
و انتي فهميه انه شي طبيعي و راح يكبر و ينسى

 

[الغنج والدلال]

في ادوية تصرف من عند دكاترة تنشط هرمونات الطول وفعلا تطول

بس يقال انها لها اثر على المدى البعيد والله اعلم

 

[sweet cake]

سوي له تحاليل لهرمون النمو وقياس عمر العظم مع عمر الطفل..
اختي قصيره حيل وامي اول شي بدت تراجع فيها وهي توها عمرها سنتين او 3 بس الكل قام يقول لها حرام عليج لا تلعبين بالنت ومادري شنو وخافت ووقفت .. عاد اختي لما كبرت يعني صارت بنهاية الابتدائي بدت تلاحظ قصرها وبس تبجي وتتحلطم وغير معاير البنات لها.. وامي ردت ودتها الطبيب وسوو لها تحاليل وطلعت تحتاج لأبر محفزه لهرمون النمو ..



مشكلتنا اننا وقفنا وما كملنا وديناها يعني لو مراجعين فيها من الصغر جان استفادت اكثر



مالج شغل باللي تقول لا تودينه .. وديه وسوي التحاليل وقياس عمر العظم وان شاء الله ان مافيه الا العافيه بس عشان تكونين مرتاحه وما تغلطين غلطتنا



اختي صرفولها ابر وطبعا تجي عن طريق المستشفى وعلى حساب الدوله لأنها غاليه بس ما نفعتها كفايه لأنها بلغت بثالثه متوسط.. هي صج نفعتها بس لو كنا ماشين من البدايه جان النفع اكبر