اللي يعرف عن تخصص التكنلوجيا يدخل :(

[أختكـ ياصبي]

بسم الله الرحمن الرحيم

السلام عليكم بنات
انا طالبه مستجده وقطوني تخصص تكنلوجيا وانا مابيه

اللي يعرف عن تخصص التكنلوجيا ودكاترته وشنو تنصحوني اخذ المواد العامه ابي السهل عشان اجمع نقاط واحول

<<< جايني احباط نفسي
​

 

[غرور العاشقين]

حبيبتي..
لا تضايقين...
الله يسلمج الي اعرفه عن تكنولوجيا التعليم..
انج تكونين اداريه ..
ويقبلونج 11 جهه هذا الي سمعته..
يعني وزارات ..مدارس..شركات..
دراستكم ولله مادري عنها..
بس اغلبيه دكاترتنا..زينين الحمد لله..
وحاولي تاخذين مواد عامه
ويبيي فيهم درجات عاليه ..a او b
وانشالله تقدرين تحولين ..موفقه

 

[العسل كلة]

حبيبتي انا اختي معاج مستجده بعد حطوها تكنولوجيا التعليم واهي ماتبي

بس انشالله تحووولون بالتوفيق

 

[mimi22]

خخخ

والله تخصصنه ترا صج شغل بس يهبل صراحه بس بعد ما تخلصين ماده تحبينها لانه ونااسه دراستنه صراحه

والحلو مو مجبورة تكونين بمدرسه باي مكان وزارة شركة اي مكان يقبلونج هذا اذا كنتي ماتبين مدرسه اما لو مدرسه تكونين مشرفة تقنيات او اداره يعني والاحلى انج تقدين تكملين دراستج اي شي لانه موادنه وايد حلوه متنوعه مثل تصوير اخراج حاسوب وتصميم وااايد من خلال دراستج انتي بتحددين

انا سالتني بنت همن قبلوها بالتكنلوجيا وبحط رسالتها لج وقلت لها كل شي عن التخصص والدراسه





امم شوفي يالغاليه دكاترتنه مو شينين يعني بس يكرفون شغل بس يعني انصحج تبتعدين عن الحريم لانهم شوي نحيسات

والرياييل يعني همن زينين بس مثل ماقتلج يطلبون شغل بس اذا كنتي تحبين شغل بتستانسين لانه شغلنه اكثر شي واول موادج تاخذين رسم وبعدها تدشين بالحاسوب يعلمونج فوتوشوب وبور بوينت والوورد وايكسل وشوي تخصصنا داش بالاعلام تدرسين مواد تلفزيون وتصوير وتصيري مخرجه ومصورة وكل شي حتى تكتبين سيناريو واتسوين افلام تعليميه وكل شي وغيرهم اشياء حلوه طبعا هذا مع سنين تاخذينهم
انتي من تستلمين جدولج قوليلي منو دكاترتج وانا انشالله بعلمج باللي تبينه واي شي تبينه عن تخصص انا حاضره

 

[أختكـ ياصبي]

غرور العاشقين يعطيج العافيه وماقصرتي

 

[أختكـ ياصبي]

العسل يعطيج العافيه وانشالله ربي يوفقنا بس ادعيلنااااا

 

[أختكـ ياصبي]

mimi
الله يريحج مثل ماريحتيني
بس انا ابي احول لاني مابيه وش تنصحيني اخذ المواد العامه ابي المواد السهل عشان اجمع مجموع

 

[mimi22]

امممم

انزين انتي اذا بتحولين تبين تصيرين مدرسه يعني ودج بهل الشي

لانه انا ما حب تدريس:0bee2e8d89:

خخخ

المهم ارد ع سؤالج حبيبتي انصحج تاخذين كل المواد العامه مثل ثقافه اسلاميه وقراءات واساليب وتدريبات لغويه ومواد علم النفس بس شدي حيلج عدل عشان ترفععين معدلج وفي بعد مواد اختياريه تاخذينهم مثل لياقه وثقافه موسيقيه وغيرهم مواد تساعدج ع التحويل وربي يوفقج

وانشالله افدج بردي واذا تبين اي سؤال انا حاضرة

 

[Flower-girl]

يعطيج العافية mimi22 على المعلومات اللي وضحتيها لنا

بغيت اقول لج انا تخصصي تكنولوجيا تعليم واذا أبي احول من تكنولوجيا التعليم الى رياض اطفال جم يبون المعدل؟

واذا ابي احول من تكنولوجيا التعليم الى لغه انقليزيه جم المعدل؟

وآسفة على الازعاج

 

[العسل كلة]

اي والله تكفين mimi22 فيدينا واللي يسلمج بما انج خبرة بالتكنلوجيا وربي يوفقج

ابي اختي تحول كم المعدل يبون حق رياض الاطفال او الفنية ؟؟ وماتدرين متى تسجيل الجداول لاني بالجامعه واختي مستجده وبصراحة ما اعرف حق الاساسية

 

[~ أريج الكون ~]

احلى تخصص تكنولوجيآ التعليم ..

[ والله بنآآت يطلع كل مواهبج وراح تعرفين اذا انتي فنآآنة ولا لا .؟ ]

صرت مصممة ومهندسة ومنتجة افلام بس منذ دخولي لهالتخصص عرفت هوآآيتي والسبب هالتخصص

تخصصنآآ يجننن

وانا على وشك تخرج

[ المهم دامج تبين تحولين لازم يكون معدلج 2:45 ما ادري 3:45 ناسية والله بس واحد منهم ... ]

يبيلج تشدين حيلج يالغلا

[ بس صرآحة دخلت تكنولوجيآ وانا ما ابيه ولا اعرف عنه شي ]

وبطلع منه واتمنى ما ينتهي ..

هذا غير الباب الواسع من الوظائف االلي راح تنفتح لك لما تتخرجين

يعني مو ضروري مدرسة ....

[ انا ما احب التدريس ]

موفقه يالغالية

وسوري ع الاطآآله

ربي يوفقك يالغلا

 

[~ أريج الكون ~]

على فكرة !

ريآض الاطفآل كآني سمعت انهم سكروه !

[ لان اكتفوآآآآآآ حيل ]

مدري بسأل لج يالغلا ...

~
تدرين رياض اطفال

راحة في الدراسة وتعب في الوظيفة لحد الارهاق

اعرف اكثر 20 وحده حولت ادارية لما بس توظفت كورس واحد تخيلي

من كثر ماهو تعب ..

فليش ادرس سهل واالمستقبل صعب

وتكنولوجيآ التعليم [ درآسه صعبة بس حلوة ] ومستقبل خفيف ومريح

ولازم تحطين في بالج [ المستقبل زوج + عيآل ]

انتي تبين تربينهم وتجآبلينهم مو تبكين دم على الوقت والتعب

جد انا شايفه هالحاله بعيووووووووني والسبب رياض اطفال

ادرس بعدها احول ادارية !

موفقه اختي

[ شكلي خرتهآ حيل ]

 

[ام فوااز]

إلي تحب تعرف أكثر عن تخصصنا تدخل تجمعنا تسوي سيرج تكتب تخصص تكنولوجيا التعليم وتستفيد معانا وتخصصنا والله حلو احلى من الحفظ والمواد الدسمة والعثيثه والتقز مع اليهال والمعاش تقطينه كله على الروضه والصف

 

[zahoora304]

بنات أنا بعرف منو قال لكم ان تخصصنا يقبلونج اب كل مكان هل حجي كان زماااااااااااااااان أنا خريجة شهر 12 صار لي ســــنـــــة متخرجة ورفضت المدرسة لن المعاش كله يروح على المدرسة ومو زوووود كراف على الفاضي الصراحة مثل ما قالوا البنات التخصص روعة ما ودج تتخرجيين منه و يطلع مواهبج و اهتماماتج اتصيرين كل شي الا في المدرسة اتصيرين فراشة و الله انا و ارفايجاتي تخرجنا و كلنا قاعدين بالبيت ايدنا على قلبنا لا يحلون المجلس كل شي رراح يوقف (((الواسطة )))) كل شي بالواسطة قبل لا تستقيل نورية طلعت قرار خريجات كلية التربية الأساسية كلهم ما يتوظفون الا بالمدارس مع ان قبل باستثناء تخصصنا و تخصص مكتبات ونورية يقولون تعطي استغناء يستغنون عن خدماتج بالتربية أما الحين موضي ما تعطي استغناء كيفج تبين مدرسة تبين ما تبين قعدي بالبيت تخيلوا رحنا الديوان قلنا ما نبي مدارس ما رضوا و قالوا هذا الموجود كل وحدة اتيب واسطة وتيب استغناء و لمن رحنا حق الوزيرة قالت ما اعطي استغناء حق أحد التربية في حاجتكم بنات لا تبنون آمال أحلام على التخصص مالج الا المدارس تخيلوا البنات الي تخرجوا قبلنا بكورس راحوا الآشغال و المالية و الجامعة وبس تخرجنا حلوا مجلس الأمة و قعدنا بالبيت و بعدين طلع القرار و مثل ما قالوا البنات التخصص و الدكاترة روعة بس هذا الي صار و اذا تروحين رياض أطفال هم تعب و صرف على الروضة التدريس ابكبره لالالالالالا مآساة الله يكون اب عونكم و ادعوا لنا نتوظف و حسبي الله على أعضاء المجلس لو مو هل الاستجوابات جان احنا متوظفيين على أيام نورية بالمكان الي نبيه:.(