اللي يعرف صبيحه راشد يساعدني ضروري بليز

[farfar_girl]

انا سجلت عندها انجليزي 111 وباجر الباي فورس مالي اخاف اخليها وماروح الباي فورس وتطلع مو زينه واتحسف
اللي ماخذه عندها بليز تقولي عنها
لاني صج محتاره اخليها والا اسحبها واسجل مواد 2
وانا خريجه صيفي بلييييييز ساعدوني
:balo:

 

[&&.. فزاعه ..&&]

هلا حبوبه ..

انا خذيت عندها تمهيدي .. بس بصراحه ما انصحج فيها الا اذا انتي شاطره بالانجليزي ومن النوع الي يلتزم بالمحاظرات وبدووون تأخير ..

لانها اذا حطت عليج قولي على النجاح بيباي

بس بالنسبه لشرحها زوين وفي احسن منها ترا اخذي عند احمد الكوت احسن


والله يوفقج وتخرجين وتفتكين

 

[s a b b o o s h]

حبيبتي انا ماخذه عندها اول كورس لي بالجامعه استغريت كانو يذمونها لي حييل

مع انها عاديه وتشرح من قلب انا اقولج باختصار اهي نظامها نظام ثانويه لا تتاخرين
عندها تحضر من بدايه المحاضره وبعدين نفتح الكتاب معاها وتخلينا نقرا ونشارك معاها
وكل ما شاركتي اكثر كل ما حفظت اسمج وحطتج في بالها

انا كنت شاطره معاها وماكنت محتاجه اي شي لان الماده مانت تمهيدي
يعني بس ابي منها نجاح ما اقدر اقسملج الدرجات لان ماكنت اروح واسال عن الامتحانات ولا ادل مكتبها بعد

بس اجمالا قلتلج نظامها نظام ثانويه حضري وشاركي ودرسي لامتحانها جنج تدرسين للثانويه


واتمنى قدرت افيدج حبوبه