اللي يطلبون من النت وخصوصا التاجرات

[carrozti]

السلام عليكم


بنات بغيت استفسر عن شركات الشحن انا عندي صندوق ب ارامكس وكل مره اطلب شغلات ما يوصلون نص كيلو او كيلو يطلع حسابي 10 دنانير او 8

الحين طالبتلي شغله طالعه من الموقع كيلو الا وعند ارامكس يمكن مع تغليفهم حاطينلي وزنها 2 كيلو وحسابي 13 دينار من غير طبعا حساب الجمارك هذا طبعا غير التاخيييير انتو يصير معاكم جذي ؟؟

واللي عندها شركه شحن ارخص واحسن اتمنى تقولي :bbbiu:

وشكررررررا مقدما

 

[carrozti]

رد : اللي يطلبون من النت وخصوصا التاجرات

اي نسيت اقول صندوقي بامريكا يعني من امريكا لي الكويت

 

[عالم البزنس]

رد : اللي يطلبون من النت وخصوصا التاجرات

توني طالبه جم جنطه طلع علي شحن ارامكس ب60 وشوي
هذا غير شحن الموقع
والله انهم نصابين
حاولت افتحلي صندوق بالدي اتش ال مارضو اليوم يقولون ما قمنا نفتح صندوق

 

[carrozti]

رد : اللي يطلبون من النت وخصوصا التاجرات

الdhl جذي نظامهم من غير صناديق بس يستقبلون اغراضج وانا سالتهم من زمان وكانت اسعارهم تقريبا نفس ارامكس

لا وساعات يطلع الشحن اكثر من سعر القطعه

مره طلبت مصاصه حق ولدي مع اغراض ثانيه طبعا وايد بس انصدمت بعدين ان هالمصاصه من محل ثاني ف شحنها يصير بروح ووصلتني اول وحده قبل الاغراض ولا حاطينها بكرتون شكبره ههههههههه يوم بطلت ولا بس هالمصاصه اللي شاريتها بدينارين وشحنها كان 8 دنانير ههههههه وانا اطالع فوق الكرتون تحت يمكن معاه شي ثاني ماكو :>

 

[Nokia N95]

انا اتعامل مع ارامكس .... ارخص شركة موجودة ...

بس تعلمت اني اشحن بـ ذكاء على قولتهم

اغلب شغلي من امازون و ebay

اول شي ... لازم اتأكد ان الاشياء اللي راح اشتريها من نفس الشخص ... واسويهم قروب ... علشان مو كل طلب يكون بروحه
مرة طلبت شغلات صغيره .... من ebay .. من ناس مختلفين ... وكل شغلة وصلت بروح ودفعت الشي الفلاني للشحن على شغلات ممكن تنشحن مرة وحدة وادفع لها بس 3 دنانير !!!
ثاني شغله ... اشوف الـ shipping weight

اخلي الشغلات اللي راح اطلبها تستاهل شحنها ....
ما اطلب شي وزنة ربع كيلو .... وبعد اسبوع اطلب شي ثاني وزنة ربع كيلو ....
احاول اخلي طلباتي نفس الوزن اللي راح ادفع له .... يعني ايمع طلباتي
ثالث شي ... اذا طلبت من امازون ... احاول اخلي طلباتي اكثر من 25 دولار ... لان ساعتها الـ shipping من امازون راح يكون مجاني

واهم شي ... اشيك وزن الشحنة .... لان مرة كان المفروض ندفع 8 دنانير ... بس ارامكس عطونا فاتورة بقيمة 18 دينار
رحنا اخذنا الميزان ( ميزان الاكل ... ) ووزنا الشغلة عند سايق ارامكس وهو كلمهم و عدلوا الفاتورة
للامانة ... اتعامل معاهم من 3 سنين تقريبا و هالشي ماصار الا مرة وحدة بس

واذا تبون تطلبون شغلات صغيره من النت .... سئلوا خواتكم ورفيجاتكم .... يمكن يبون مثلكم وساعتها تتقاسمون سعر الشحن

 

[carrozti]

رد : اللي يطلبون من النت وخصوصا التاجرات

نوكيا
جان زين ولا مره دفعوني 3 دنانير :\ مره بس دفعوني 5 دنانير اقل شي على دس وكبوس حق ولدي :> يعني شنو وزنهم ؟؟ ولاشي هوااا كان توه مولود والدس والكبوس صيفي يعني وزنهم ما ايون نص كيلو واهمه قايلين اول نص كيلو 3دنانير ((طبعا هالكبوس بالغلط يو بروحهم ومن يومها حرمت اشتري من امازون في مواقع وايد احلى وحتى ايغلفونلج الشغله قبل لا اييبونها بدون لا اطلب)



هم انا صارلي سنتين معاهم بس كلماله واسعارهم احسها تزيد ااخر مره اللي اهيه الحين طبعا الشغله ليلحين ما وصلتني واهيه وزنها بحدود الكيلو ونص يعني المفروض حسابي 8 دنانير حاطيلي 13 من غير الجمارك طبعا مع الجمارك اكيد بيصير 16 او 17

 

[ReeM ^ Style]

هلا حبيبتي
نفس حالتج ارامكس اسعارهم معروفه يعني اول نص كيلو 3 دنانير وكل كيلو زياده 2.5
يعني انا مرتاحه معاهم رغم ان اسعارهم خياليه
وهذا سعر الشحن من غير سعر الجمارك
وانت عليج الحسبه
وماكو شركات رخيصه كلهم نفس المستوى
والله يعين

 

[ام عفراء]

السلام عليكم

انا اخر مرة طرشولي اسعارهم الجديدة حق 2011 زايدينها بنسبة بسيطة

وهذا رابط الاسعار الجديدة

http://www.aramex.com/*******/uploads/100/55/39449/SnS-Rates-2011.pdf

طبعا احنا لنا شغل بالكويت

وهو اول نص كيلو بـ 3.150
واي نص كيلو زيادة بـ 2.650

واللي اعرفه انه التخليص الجمركي سعره ثابت وهو 1 دينار فقط

يعني قبل لا تطلبين شوفي وزن الاغراض اللي تبينها ودشي موقع ارامكس حسبي السعر وزيدي فوقه دينار

..

وصح كلامكم في شغلات بسيطة ماتسوى الواحد يطلبها لانه الشحن بيطلع اغلى من سعرها

والافضل انج تشترين من جهة وحدة
لانه ترى حتى امازون لازم تتأكدين منو البياع للسلعة حاولي تشترين من نفس المحل عشان تنشحن مع بعض

لانه مرات نفس السلعة تكون متوفرة عند كذا محل .. لكن هم يحطون لج الارخص

انتي مو شرط تاخذين الارخص .. لكن حاولي تاخذين من المحل اللي يوفر لج اكثرطلباتج عشان توفرين بالشحن



والله يعينا وياكم

لانه ارامكس حاليا تعتبر الارخص .. يعني ماعتقد في بديل


تحياتي