اللي يتكلمون انجليزي عدل دشو ضروري

[michico latino]

هاي
بنات انا حابه اطور من نفسي باللغه الانجليزيه وودي اتقنها
فابي البنات اللي يتكلمون انجليزي عدل اقولونلي شلون تعلمو و يعطوني نصايح حلوه تفيدني
و هم ابي اللي دشو معاهد يقولونلي شنو احسن معهد ممكن اخذ فيه دورات انجليزي و استفيد منه
بس ابي معهد اكون نظيف و حلو و مرتب و خدمتهم حلوه و اسعارهم حلوه و الاهم من هذا كله ان تدريسهم اكون وايد حلوووو و افيدني و ان حتى اللي مايعرف ولا كلمه بالانجليزي يتكلم عدل عن طريق هالمعهد بليز ابيكم اتساعدوني لان حيل حابه اطور من نفسي
و مشكورين على وقتكم
ناطره ردودكم حبايبي
لا تبخلون بولا نصيحه لان يمكن انتي تشوفين نصيحتج بسيطه و مو مستاهله ان تكتبينها بس عندي تكون معلومه قيمه و مهمه
يالله سي يو
chaw

 

[أوشال]

الله حبيبتي

ما ادري انتي ملتي اي مرحله من تعليمج

بس اهم نقطة انج انتي تابين تتعلمين

أنا من المدرسه ما كان عندي مشكلة كنت احب اقرا وايد واحضر دروسي واشوف شنو الكلمات اليديد
واحب اتابع مسلسلات وافلام اجنبيه وووووووووووووايد واااايد تساعد تنمية قدراتج على المحادثه
والشي الاساسي الجامعه غصب طيب لازم تتعلمين كل المواد بالانجليزي وبحوثج والدكاتره ماتتحجين الا انجليزي

الحين عندج مكتبة جرير عندهم كتب تعلم اللغة وفي مراح ولا مع كل كتاب في كاست انا يبت اول مستوى للاطفال لبنتي وايد ممتاز

 

[منانا]

مشالله عليج زين تسوين حلو الوااحد يطور من نفسه ويوسع افاااقه على قولتهم

انا بالنسبة لي كان الميجور مالي بالثانوية انجلش ومع ذلك تخرجت وانا ماعرف اتكلم عدل وبالجامعه نفس الشي كنت اييب امتياازات وما كنت اتكلم عدل مع اني افهم واعرف كل شي تدرين ليش ؟؟؟؟ ...................... لاني كنت استحي

اول شي لازم تشيلين الحياا منج

وثاني شي الدوراات تفييد واايد وفي معهد انا وااايد استانست عليه يركزون على المحاادثة ببلازا حولي يصير المدخل مالهم مو نفس مدخل المجمع مثل المواصفات الي تبينها نظيف وتعاملهم زين وبروفيشنال ومسوااهم زين بس نسيت اسمه شوفيه وانا متأكده راح يعجبج وراح يسوون اختبار مستوى قبل

واذا ما تبينه اي معهد راح تشتركين فيه حرصي انه يكون فيه مختبر للمحادثة علشان تتعلمين عدل وحاولي لما تشوفين اي شي انجليزي انج تركزين على الي يقولونه وتحاولين تقلدين اللهجه مثل ما يقولونها وتربطين بين الي يقوولونه وبين الترجمه لان في فرق وايد بين اللغه اليوميه والغة الانجليزيه الي يعلمونها بالمدارس

وموفقه انشالله

 

[أمواج البحر]

انا مثل اوشال

كنت من وانا صغيره ما استحي اتكلم انجليزي ووايد احب اتكلم فيها

واذا سمعت كلمة يديده على طول اطلعها من المعجم واعرف معناها

دايما اشوف افلام و مسلسلات اجنبيه و احاول اركز على الكلام اللي يقولونه وعلى الترجمه المكتوبه

واسمع عدل شلون ينطقون الكلام

والحين الحمدلله صرت فلونت انجليزي

 

[دقدوقه]

لوياك مسوين دورات وتبدي من الاحد

 

[michico latino]

مشكورين يعطيكم العافيه والله كفيتاو ووفيتو بس انا اشوف ان هالموضوع مفتووح يعني في مجال ان ينصحوني بنات اكثر لان الافكار اللي قاعدين تقولونها حلوه .. و بالنسبه حق المعهد اللي بمجمع بلازا منو اعرف اسمه و رقمه على الاقل ادق استفسر اكثر
ناطره ردود اكثر و مشكورين حبايبي والله ماقصرتو , كفيتو ووفيتو بصراحه

 

[brat]

الصراحة آنا طورت روحي بروحي، أسمع أغاني أحفظ كلماتها وأطلع معانيها، وايد كنت أستخدم الدكشنري، وأشوف أفلام وأقرا قصص ومجلات

واللي ساعدني أكثر النت، كنت أدش وايد سايتات أتعلم منها الصح والخطأ في اللغة

وكنت أمارسها بالبيت حتى لو محد يفهم علي

ما عمري خذيت دورة ودارسة الإنجليزي من المتوسط، ودايماً عبالهم إني كنت بمدرسة خاصه وحتى عبالهم إني أمريكية لول

بس ابدي شوي شوي ولا تملين، دشي دورات، شوفي الBritish Council

وgood luck

 

[الريادة]

حبيبتي أنا من يوم كنت صغيرة بالابتدائي أحب الانجليزي من بين المواد بلإضافة اني كنت مدرسة خاصة .
و بعدين كنت دايما أشترك بمعاهد انجليزية ممتازة و معتمدة مثل : أميديست , المعهد البريطاني . bite .
و لما وصلت مرحلة الجامعة كانت دراستي كلها بالانجليزي و كلامي مع الدكاترة و البحوث و التقارير.. ف وين ما أروح انجليزي * انجليزي
الانجليزي لازم تحبينه و يكون عندج حب تعلم لغة ثانية second language و ممارستها .
نصيحتي لج :
اشتركي دورات .
اقري كتب, مجلات انجليزية , جريدة arab times
يبيلج خادمة تتكلم بس انجليزي عشان تمارسين اللغة , لأن أي لغة يبيلها ممارسة .(اذا بتغيرين خدامتج الحالية)
سمعي الراديو على محطه انجليزية .


أتمنى إني فدتج ..

 

[لولو الصغيره 1997]

والله حبيبتي انا ماعندي معهد واذا تبين تتعلمين انجليزي دايما او احيانا تتكلمين او تكلمين احد انجليزي وهو يرد عليج حاولي تفهمينا
وآنا عندي ترجمه على كل اللغات بس كتبي ترجمة google وانشاءالله اتكون نصيحتي حلوا
وتسلموووووووووووووووووووووووووووووووووووو

 

[إنسانه بكل حالاتي]

اشتري كتاب تعلم اللغة الانجليزيه محادثه وموفقه وإن شاء الله تصيرين بلبل بالإنجليزي

 

[أم الغاااالية]

آآآآآآآآآآآآآآآآآآآآآآآآآآآآمين يارب اصير بلبل او طير بالانجليزي لاامنيه اتعلم انجليزي ............

 

[alfa2002]

انا ناوية اسجل في معهد أجنبي في النت وادرس عن طريق النت اذا حابة تسجلين معاي تعالي وتكوني صديقة لي
بعد ماطورت لغتي في النت بسجل في معهد بعد العيد ان شاء الله

 

[NoNoFeTa]

اهم شي الممارسه

 

[أناهيد]

أحب أضيف على الخوات شي بسيط وانت بالبيت تلقينه:
تابعي مسلسلات أجنبية بدون ما تقرين الترجمة وسمعيهم زين شيقولون.
اقري قصة جين آير بوقت فراغج .
الله يعافي الكويت شانل 2 يوم احنا يهال ما عندنا غيرها سنعتنا بالإنجليزي.

 

[دمعة يراع]

انا بعد ودي اتكلم بطلاقه ........ احب اللغه حيل....... وافهمها بس مااتقن المحادثه ..

مع انه كل اللي حولي يقولون مايبيلج شي انتي شاطره بالانجلش .. بس لازم احد يحاجيج على طول وبجذيه تتطور اللغه

انا قاعده ادور معاهد قويه ،، والله يعين

 

[Eng.shosha]

حاولي تقرين كتب بالانجليزي وحطي يمج معجم عشان اي كلمة ما تعرفين معناتها
سيده تطلعين المعنى وتركز بمخج

انا الحمدلله أحس اني حيييييييل تطورت بالانجليزي لأن منهجنا الانجليزي هالسنه منهج كويتي
شوي صعب بس هم فااااادناااا وووااايد حاسه نفسي تطورت عن قبل ..

والله يوفقج

 

[michico latino]

مشكورين ثانكس على المعلومات الحلوه و المشاركه يعطيكم العافيه حبايبي ماقصرتو