اللي ياخذون وياهم لابتوباتهم والايباد في السفر

[عالين المواجيب]

:33_1185028183:

مرحبا انسات وحريمات


بغيت اسألكم اذا تاخذون لابتوباتكم والايباد وياكم في السفر هل تحطونه في شنطة السفر ولا الشنطه اللي تشلينها فايدج؟ وهل يفتشون الايباد والابتوب لانه قريت في منتدى ثاني اذا في شنطة ايدج ممكن يفتشونه عشان البرامج الغير اصليه واذا شنطة السفر ممكن يسرقونه في بعض المطارات

انا ما جد شليت ويايه لابتوب ولا الايباد بس ناويه باذن الله فاريد اعرف شو الصح ،،، للعلم انا برامجي اصليه بس الاغاني وبعض الكتب منزلتنها من النت من الفورشير

يالله بنات بليز جاوبوني

 

[LuLiTa]

انا احط اللاب بالجنطه اللي اشيلها ف ايدي ,, لانه جنطه السفر اتحذف ف يمكن الاغراض تتكود فوقه و يخترب ,,, و ما يفتشوون البرامج و يجيكون اذا اصليه و لا لأ لانه مو من حقهم و اساسا ما يكونون فاضيين يجيكون لاب توب كل واحد مسافر ,,,, لكن مرات اذا كانو شاكين فيج ممكن يقولون لج شغليه جدامنا عشان انعرف انه صجي <لانه كانت هبه الاعمال الارهابيه انهم ايبون لاب و يفرغونه من داخل و يحطون ممنوعاتهم> ,,لكن البرامج مالهم شغل فيها خير شر ,,,

 

[Samurai]

انا اشيله بأيدي. ولا مره افتحوه. عاد انتي وحظج.

 

[أم@الحلوين]

أنا أحطه في جنطة السحب بيدي وادخلها الطياره ولا مره فتشوني

 

[Om_il3ubed]

لا ما يبطلونه ولا شي.. بس لما تدحلينه بجهاز السكنر اغلب المطارات يقولج طلعيه من الجنطه وحطيه بالقوطي الي عندهم وتمررينه تحت الجهاز

انا طول دراستي اروح وارد مريت على كل مطارات العالم لول ولا مره بطلوا .. بس انا احسه وايد ثقيل اذا انتي مو ماخذته حق دراسه ما يسوى تودينه
خليج عالايبااد حطي فيه افلام و العابج وبس كافي وخليه بيدج اخف وألبج

 

[عالين المواجيب]

رد : اللي ياخذون وياهم لابتوباتهم والايباد في السفر

تسلمون خواتي ما تقصرون وشكلي بس بخذ الايباد

 

[••غـلآًهْـم••]

خليه بإيدج معاج

والتفتيش مايفتشون كل المطارات اللي رحت لها مافتشو الابتوب

بس بأمريكا قالو لي طلعيه من جنطته الابتوب وخليه بروحه بالصندوق مال المطار

مايفتحونه ولايسون ولاشي

 

[ba6boo6ah]

مآدري انا ولا مرة فتشوني بس احطة معاي بأيدي لآن جناط الشحن تحذف اخاف عليه ينكسر

 

[أساور]

أنا أحطه في جنطة السحب بيدي وادخلها الطياره ولا مره فتشوني

 

[om_dodo]

انا احطة بيدى ولامرة فتشونى

 

[Om Hessa]

انا نفس الشي اخذه بجنطته ونتناوب عليه يانا يازوجي نشيله ما استغنى عنه بس يبيله اي باد اخف واسهل للتنقل لان لابي ثقيل حيل هد حيلنا كل ماسافرنا شلته معاي واخذ كل اغراضه فثقيل ..

اي صج وترا مايفتشونج ولامره صارت معاي ادخله مع جنطة ايدي بالسكان مالهم وارد اخذه حتى الجنطه ما فتحوها مالته ..

 

[ام جي جي الحلوه]

رد : اللي ياخذون وياهم لابتوباتهم والايباد في السفر

انا جم مره خذيت لابي وياي بجنطتي والجنطه وياي بايدي ولا مره فتحوه

 

[بسمه الم]

اللاب توب بجنطه السفر والاي باد بجنطتي ,, وعادي ياقلبي ماكو تفتيش

 

[جنون العشق]

دايم بيدي

 

[ذكرى الفراق]

انا خذيته معاي ...وبالاول حطيته بجنطة السفر الكبيرة بس لما رديت عشان الوزن زوجي شاله بجنطة اللاب توب العادية ...وصدعدنا فيه الطيارة عادي