اللي ولدو بمستشفى الأمومة

[أم منورة]

السلام عليكم

شلونكم صبايا

اللي ولدو بالأمومة حبيت اعرف منهم شلون كانت التجهيزات بالمستشفى وشلون كمامهم

وبعد بعرف منو احسن دكتورة بالنسبة للخياط

واكون شاكرة لكم

 

[raneen]

حبيبتي...
قلت خلي انسخ لج قصة ولادتي كامله احسن عشان اتكون واضحه للكل من جميع النواحي...

بليلة عرفات الي طاف بالليل كنت قاعده على النت اهني مع البنات ابتجمع ولادة شهر 11 وفراوله حبيبتي تذكر وكل بنات التجمع...
والحمدلله ماكان حزتها عندي خدامه فبيومها نظفت الشقه ابذمه وضمير ...واخر ظهري كان وايد يعورني لدرجة اني ابيي انام موقادره احس نفسي مومرتاحه...
وصارت الساعه 8 الصبح وتكرمون وانا رايحه الحمام وله ينزل علي الماي ... وفي عوار بس متوسط لاهو قوي ولاهو خفيف
قوي ...طبعا حسيت ابخوف موطبيعي ومعدتي قامت اتعورني جني داشه امتحان وقمت ارجف وجسمي صار قطعة ثلج...
رحت قعدت ريلي وطلعت الجناط ملوتي وملوت البيبي لاني امزهبتهم من مده... المهم نطرت لين صارت الساعه 11و
لبست عباتي ورحت المستشفى واول مادخلت ودوني الطواري ويوني السسترات والله كانت عنايتهم روعه ونظافتهم اروع...
والدكتوره عبير ماكانت موجوده شفتها يبلش الساعه 6 المغرب وانا دشيت الطواري تقريبا الساعه 12...
والي باشرتني الدكتورهالهنديه سراجا ...وافحصتني وكنت مفتوحه 2ونص سم...
سوولي سونار وتخطيط للطلق وحق نبض البيبي وبعدين صعدوني فوق ويابولي لبس كان وايد حلو في ورود مو ساده والغرفه كانت
مريحه وحلوه بس الي صج تعذيب بالموضوع الساعه الكبيره الي حاطينها اجبالي بالغرفه ههههههه والله كانت تعذيب ...
ويو السسترات وكانت معاهم وحده مصريه حيل حيل طيبه وحبوبه ...
وحطولي تخطيط الطلق على بطني واهني بلش يزيد الطلق وماقمت استحمله جان اقولهم ابي الكمام .. اول ماعطوني ياه وشميته
ههههههه جان اتحوشني دوخه جان اقول حق ريلي يمه دخت وله يقولي مخالف حبيبتي شمي شمي جان لقوله صوتي ليش صار
صوت ريايل ههههه وامي واقفه يمي اتقولي حبيبتي صوتج حلو مو مثل الريايل اقولها امبلا سمعي ههههههه وريلي يضحك
علي ... طبعا مادريت عن السالفه الا بعد الولاده ...
وقام يزيد الطلق وصار منتظم مالعوار نفس عوار الدوره بس دبل ...
وطبعا في سستر تمت معاي بالغرفه ملطلعت وكل ساعه تيي سراجا وتفحص وقمت ماحس بالوقت بسبةالعوار والكمام والساعه امجابله ويهي وسببتلي أرق لان عيني كله عليها واحس الوقت مايمشي والعوار يزيد وانا اشفط بالكمام وكل ماتييني الطلقه امي فديتها تمسك ايدي وانا ادعي واقول يالله وياربي سهل علي وشافي ولد اخوي.(ولد اخوي فيه لوكيميا بعيد الشر عنكم وعن عيالكم)
وامي تقره عند راسي قران وادعيه وتبجي فديتها الله ايطول ابعمرها يارب... واشوف ريلي قاعد يخزني ويخز الجهاز مال تخطيط الطلق ويها مقهور على تعبان على يحاتي...
بس حزتها كان ودي المه هههههه ما ادري ليش,,,,وقمت اغيب عن الدنيا واقعد حزة الطلقه ويوم يتني الطلقه ابي امسك ايد امي
وله امي ماكو ما اردري وين راحت وله ريلي يقوم ابسرعه ويمسك ايدي جان اطالعه واقوله حبيبي والله يعور وابجي وليش بجيت مادري وادموعي اربع اربع جان يقولي ميخالف حبيبتي هانت مابقى شي... وله تيي امي واتقول حق ريلي انا بروح فوق غرفتها احضر ملابسها لان السستراتقول قربت خلاص جان اقولها يعني خلاص بولد جان اتقولي ان شاء الله حبيبتي وانا ابجي قفالها اوكي طبعا كانت خالتي ام ريلي معاها وعمي قاعد مع ابوي ابغرفتي فوق ياكلون فطاير ويشربون جاي هههههه...
وصارت الساعه 5 وقمت احس ابشي يبي يطلع وماني قادره اوقفه وماسكه ايد ريلي حيل وله اسمع صوت ريلي يقولي حبيبتي رنين شوفي منو وصل شوفي الدكتوره عبير يت ... انا كنت نايمه على جنبي اليسار بس التفت وقلت هلادكتوره وله اقولها خلاص
بيطلع وله تفص وجان اتقول كلمه ماذكر شنو كانت بس شفت ان ريلي اختبص يبي يطلع وقام يدعم بالسسترات خاف لا اولد واهو
موجود لاني قايلتله مابيك حزة الولاده...
ويوني السسترات يركضون ورافعوا ريولي وقالتلي يلا يارنين دزي دزيت تطلع شوي جان اخذ نفس يعني ريحت واهو مايصير
لازم تدفعين وانا شفطته داخل مره ثانيه واهي اتصارخ علي لا لالالا دزي جان اتقولي يالله ياحبيبتي يا الله دزي وانا ادز ادز ادز
و ولدت الحمدالله وشفته جان اقولها فديت قلبه واهي تضحك واتقولي شاطره يارنين الحمدلله على السلامه الحمدلله على السلامه..

ونظفتني عدل من الشيميه والدم واهني قلتها دكتوره ابي الخياط التجميلي الي من بره بس جان اتقولي حاضر ياحبيبتي...
واهي قاعده اتخيطني قتلها دكتوره مشكوره جان اتقولي العفو حبيبتي... جان اقولها ابي انام...ههههه جان اتقولي نامي حبيبتي
نامي وبعد اشوي تروحين غرفتج فوق...
وبعد ساعتين صعدوني داري وقبل لا اصعد ياني ريلي وقالي حمدلله على السلامه ويت امي وخالتي...واصعدوا معاي للغرفه ...

وهذي كانت تجربتي وقصة ولادتي ... اكلهم ماشاءالله نظيف وامرتب غرفهم رووووووووعه واهتمامهم فيني كان اكثر من روعه
والمستشفى هادىء مو مزعج واهتمامهم بالبيبي عجيب...

والحمدلله ... الله يتمم عليكم ويسهل عليكم ولادتكم مثل ماسهلها علي يااااااااااااااااااااارب
واي سؤال انا حاضره


نسختها لج من موضوعي وان شاءالله تستفيدين منه ....​

 

[أم منورة]

الحمدلله على سلامتج وماقصرتي بالرد يزاج الله كل خير ويتربى بعزكم ويجعله ربي من الذرية الصالحة. مشكلتي ان وقت ولادتي الدكتورة عبير اجازة مادري اروح حق اي وحدة مدحولي رشيدة والثانية وهم قالو بييون دكاترة بعد شهر و مادري اولد عند منو فيهم لان وايد مدحولي المستشفى وعنايتهم واهم شي ماكو زحمة وهادي

 

[عبث طفله]

انا رفيجتي توها والده عند محسن طلبه تمدح المستشفى بس للامانه دكتورها حيل شاطرر .. الله يهون عليج

 

[أم حمودي**MALL**]

البنات ما قصروا

 

[ديم اخت القمر]

الحمدالله على السلامه رنين وتسلمين على نقل تجربتج بالتفصيل ههههه ومبروك ومتى قالت عبير تاخذ اجازه اي شهر

 

[زينانه]

والله في ناس تمدح عبير المصريه وفي ناس تذمها
ياليت يفيدوناا

 

[ranooo]

يلا الحمدلله على سلامتج رنين
انا خلال اسبوع ان شاء الله بولد وابي الدكتورة عبير
بس تصدقين خليتيني افكر بالساعة من الحين لووووووول

 

[زينانه]

طبعا محسن طلبه شااااااطر مايحتاج مدح

 

[ام التوحد]

اليوم انا كنت عندهم والسستر قالت ان الدكتوره عبير راح تسافر كندا ومش راجعه ......

 

[زينانه]

ام التوحد
من صجج انتي ؟؟؟؟؟؟؟؟؟؟؟؟

 

[ديم اخت القمر]

موو وقته تساااافر اللحين انا دشيت التاسع وبولد بالامومة زيييين ارتحت لهاا بعد حيرة واللحين شسوي

 

[أم منورة]

مشكورين على الردود
قالي مال الاستعلامات برمضان دقي تأكدي
وقال بيون دكاترة حريم من الهادي شهر٦
بس اللي بعرفة عن الهندية رشيدة زينه لان قالي انها ياية من السلام
والسلام دكاترتهم استشاريين واخصائيين
بس انا احاتي الخياط

 

[زينانه]

وييييي موشي جذي
والله توهقنا

 

[aem...]

والله حبيبتي اهوو خوش مستشفى للأمانه
حتى دكتور محسن ياي من السلام،، ودكتوره عبير من الهادي بس اهي مووو شي كلش
كانت ولادتي ب١٩/٣/٢٠١١ دكتوري محسن طلبه وخوش دكتور شاااااطر وشاطر بالخياط
ولادتي ماحسيت فيها حتى بطلعه الراس كلش ماحسيت بشي والله
من حطولي كمام ماحسيت بالدنيا الا لما يقعدوني قالولي ولدتي مبروك
واذا تبين دكتوره عندهم اكوو دكتوره هنديه ما اعرف اسمها كانت واقفه على راسي وتهديني طول ما انا اطلق


الله يسهل عليج ياارب ويقومج بالسلامه

 

[ورده عنابيه]

محسن طلبه مممممممممممممممممممممممممممممممممممممممممممممممممممممممممممممتاز

 

[أأأميرة الورد]

الحمدلله انا ولدت بمستشفى الأمومة
خوووووووش مستشفى رعاية واهتمام
ودكتوري محمود السيد والسسترات معاملتهم روعة
والكمام يهبل ما تحسين بشئ
والتساهيل من رب العالمين

 

[ديم اخت القمر]

مرحبا انا ناوية اولد ان شالله بالامومة بس للحين ماقررت منو اطلب دكتوره محتارة توني داشة شهري وماادري

 

[انــــا احبك]

انا ولدت بالامومه من اسبوع بس حسيت بكل ششششي كمامهم حده خفيف مادري انا من الالم ماستوعبت وماشفطت وكانت دكتورتي عبير والله ساعدتني حيل الحمدالله عدا كل شي ع خيررر اخت القمر سولاجا وتوكلي ع الله اشوفج بكذا موضوع تدشين ومحتاره يمدحونها حيل بس عيبها ماتعرف عربي