اللي ولدو برويال حياة بليز دخلو ابيكم

[ايمان80]

قوة حبوبات عندي جم استفسار عن القيصرية برويال حياة
وياريت تردون بسرعة لان ولادتي قربت ان شاء الله

منو ترشحولي دكتور بنج وشاطر بأبرة الظهر
شنو نوع البنج اللي استخدمتوه كامل او نص وليش
ماهي مساوئ وحسنات كل نوع فيهم
جم خذت العملية وقت وشنو نوع الخياط وهل كان الجرح كبير
هل ظلت ابرة الظهر عليج لليوم الثاني
ومتي قدرتي تمشين
الي سوت استقبالها بلمستشفا قدرت علي رابع او خامس يوم وهل كنتي تعبانه ولا عادي
هل تسبحتي بلمستشفا
هل علموج علي البيبي رضاعته وتلبيسة ونوع الحليب المناسب

يمكن اسئلتي وايد بس بجرية واحاتي
بليز ردو علي بسرعة
ثانكس

 

[really cat]

انا بجريه مثلج
وبولد ب رويال حياة

انشالله البنات يفيدونج

 

[Mednight Rain]

الله يهون عليج والله مادري .

ان شاء الله البنات يفيدونج

 

[اسأل ضميركـ]

انا فبنتي ولدت برويال حياه بس طبيعي فما ادري عن القيصريه ..



وعلى الرضاعه يقولون لج رضعي البيبي من اول يوووم وقبل لا اطلع سألت اي نوع حليب اعطيها قالولي احنا نرشح الرضاعه الطبيعيه احسن شي لطفل بس انا حنيت عليهم اي حليب اعطيها قالولي سيميلاك ادفانس ..




وان شاءالله يردون عليج على القيصريه ..




والله يسهلج ان شءالله 

 

[ايمان80]

اب اب
الله يسهل ولادة كل حامل ويسهل علي

 

[فديت اللي أحبه]

اول شي الله يسهل عليج وتولدين وتقومين بالسلامه ،،
انا ولدت برويال حياة من سنتين قيصريه ودكتورتي كانت معصومه مخصيد والبنج اللي اخذته كامل ، مع ان الدكتوره خيرتني بين النصفي والكامل ورشحة لي النصفي بس انا رفضت واخترة البنج الكامل ، رضاعة المولود كانت ثالث يوم لي رضعة طبيعي شوي شوي والحليب اللي عطونياه سيميلاك ادفانس ، طبعا انا ولادتي كانت توائم بنت وولد ، وكانت اخر الثامن ، وتكلفة المستشفى 2500 دينار لان دخلوا حاضنه وطبعا بخصوص المشي ثاني يوم لازم يمشونج لان موزين يتخثر الدم ويسبب تجلط لاسمح الله ، بس الحمدالله رعايه واهتمام ، وعسى الله يسهلج امورج ان شالله ، واي استفسار انا بالخدمه،،

 

[al om]

أنا كانت ولادتي قبل سنتين برويال حياة قيصرية بنج كامل لانه كان فيني طلق وكنت حيل تعبانه وسبحت في المستشفى ودكتورتي امل الراشد وعلموني كل شي عن البيبي ودكتورة التخدير اجنبيه ما اعرف شنو اسمها خدمتهم حلوه بس كنت اكره السسترات الي عندهم

 

[opera]

انا ولدت سنه 2008 قيصريه برويال حياة عند دكتوره دلال السالم

منو ترشحولي دكتور بنج وشاطر بأبرة الظهر

انا اخذت بنج كامل .. ودكتور البنج المناوب اهو اللي بنجني ما اذكر حتى اسمه مع انه دخل علي الغرفه وعرفني بنفسه وسألني شنو اللي ابيه بنج كامل ولا موضعي بس من التعب كنت نسيت اسمه


شنو نوع البنج اللي استخدمتوه كامل او نص وليش

ماجربت النص .. فضلت الكامل لاني كنت حيل تعبانه من طلق استمر معاي 14 ساعه

ماهي مساوئ وحسنات كل نوع فيهم

المساوء ان تأثير البنج يظل فتره بعد العمليه تحسين عيونج تزغلل و مو مستوعبه شي و غير الكحه .. بس الايجابيات انه بس تقعدين تلاقين النيرسات واقفين فوق راسج يقولون لج مبروووووووك وانتي منصدمه تقولين لهم فينش لوووول .. يعني تنامين تقومين الا كل شي خالص

جم خذت العملية وقت وشنو نوع الخياط وهل كان الجرح كبير

العمليه تقريبا ثلث ساعه.. بعدها يقعدوونج بغرفه الافاقه لين تصحصحين بعدين يودونج غرفتج .. الخياط على حسب دكتورتج

ومتي قدرتي تمشين

ثاني يوم لازم تقومين من الفراش بمساعده النيرس تمشيج شوي بالغرفه

الي سوت استقبالها بلمستشفا قدرت علي رابع او خامس يوم وهل كنتي تعبانه ولا عادي

ماسويت استقبال

هل تسبحتي بلمستشفا

تسبحت ثاني يوم 2 نيرس دشو معاي الحمام وسبحوني وانا قاعده


هل علموج علي البيبي رضاعته وتلبيسة ونوع الحليب المناسب

اي دكتور الاطفال كلمني اول شي عن الرضاعه بعدين النيرس علمتني شلون ارضع .. وقبل لا ارضعه اشفطو مني الماده الاوليه الصفرا وعطوها حق البيبي .. وحتى في بلتلفزيون عندهم فلم عن الرضاعه بس انا ما شفته بس النيرس قالتلي عنه

 

[غالية22]

موفقه

 

[مرايم2009]

تولدين بالسلامه انشاء الله
انا ولدت من 8 اشهر برويال حياه عند الدكتوره نداء بخضور اهي موجوده عندهم بالمستشفى ممتازه اهي دكتورتي من قبل ماتنتقل عندهم واااايد حبيبه وممتازه وكل يشهد الحمد الله تجربتي برويال حياه حلوه الحلو فالموضوع انج ماتحسين انج قاعده بمستشفى جنج بفندق واايد راقي والخدمه عجييييبه والنظافه والمستوى راااااقي والخدمه الطبيه ممتازه بتداء من دكتور التخدير الى دكتور الاطفال وطبعا دكتوره الولاده نداء

انا خذيت بنج نصفي الحمد الله ماتعبت وماكان في اثر من بعد الولاده ولا الم بس الم خفييييف بظهر وبعد ايام اختفى تعبت نفسيتي من جوالعمليه وصوت الاجهزه بس بعدين عطوني مهدء ووايد ارتحت بس اول العمليه كاانت نفسيتي واااايد لاني اخاف من العمليات دكتورتي خيرتني بالبنج الكامل او النصفي انا اخترت النصفي لاني جربت بولادتي الاولى بالهادي الكامل وتعبت وايدمن البلغم بعد العمليه بس لو يخيروني مره ثانيه اتوقع ممكن اختار الكامل لانه اريح نفسيا بس والله بنج النصي وااايد زين وبس انا تعبت نفسيا وحده عن وحده تفرق اذا نويتي نصفي توكلي على الله ماكو الا العافيه واايد ممتاز المستشفىوالخدمه عجيبه
بنهايه كل وحده وتجربتها الخاصه انا الحمد الله تجبتي حلوه مع رويال حياه سنه 2010

 

[أم وهابي (عبير)]

اللهً يسهل عليج حبوبه

أنا ضاربي يمكن سنه من ولدت قيصريه برويال حياة ودكتورتي نداء بوخضور ودمت ابي إبرة ظهر بس خفت لجئت وحطولي بنج كامل الخدمه زينه أنصحك فيهم أنا جربت بدار الشفا ببجري وااااي مت من العوار بس برويال حياة لَا يعني ملكه انتي هناك كلفني١٤٠٠ بس ماسويت استقبال
*
والحين هم بولد هناك ان شااء الله

 

[q8 83]

انا جربت المستشفى بس الولادة طبيعيه


الحمدلله المستشفى عجييبة و السسترات عندهم توعية كامله عن الرضاعه الطبيعية و يشرحون لج مميزاتها و و يصبرون عليج بالهم طويل لحد ما تتعلمين طريقة الرضاعه

و بالنسبة للسباحة ثاني يوم تدخل معاج نيرس و تسبحج و عقبها تطلعين من الحمام خدرانه بس ودج تنامين